جرمنی نے پاکستان میں پھنسے افغان مہاجرین کے ایک گروپ کو پناہ دے دی
اشاعت کی تاریخ: 2nd, September 2025 GMT
برلن/ہنوور (انٹرنیشنل ڈیسک) جرمنی نے بالآخر پاکستان میں پھنسے افغان مہاجرین کے ایک گروپ کو پناہ دے دی۔ یہ 47 افراد پر مشتمل 10 خاندان تھے جو طالبان کے 2021 میں دوبارہ اقتدار میں آنے کے بعد پاکستان منتقل ہوگئے تھے۔
غیر ملکی خبر رساں ادارے کے مطابق افغان مہاجرین استنبول سے ہنوور پہنچے جہاں جرمن وزارتِ داخلہ نے ان کے داخلے کی تصدیق کی۔ ترجمان کا کہنا تھا کہ یہ تمام افراد قانونی ویزا اور سیکیورٹی جانچ مکمل کرنے کے بعد جرمنی میں داخل ہوئے۔
امدادی تنظیم *ایئر برج کابل* نے بتایا کہ دو مزید افغان بعد میں ایک اور پرواز کے ذریعے پہنچ گئے۔ ان میں شامل ایک افغان ماں اور بیٹی نے کہا کہ وہ اب تعلیم اور روزگار کے بہتر مواقع کے ساتھ نئی زندگی کا آغاز کر سکیں گی۔
پس منظر کے طور پر بتایا جاتا ہے کہ جرمنی نے ابتدا میں ان افغان شہریوں کو پناہ دینے کا وعدہ کیا تھا جنہوں نے جرمن اداروں کے ساتھ کام کیا تھا یا طالبان کے دور میں براہ راست خطرات سے دوچار تھے۔ تاہم، موجودہ جرمن حکومت نے مئی 2025 میں اس پروگرام کو اچانک روک دیا جس کے بعد ہزاروں افغان پاکستان اور خطے کے دیگر ممالک میں پھنس گئے۔
گزشتہ ماہ جرمنی نے تصدیق کی تھی کہ 450 افغان شہریوں کو گرفتار کیا گیا جن میں سے 200 کو واپس افغانستان بھیج دیا گیا ہے۔ حکام کے مطابق اب صرف وہ افغان مہاجرین، جنہیں عدالتوں نے ویزا جاری کرنے کا حکم دیا ہے، مرحلہ وار جرمنی لائے جا رہے ہیں۔
یہ پیش رفت ایسے وقت سامنے آئی ہے جب انسانی حقوق کی تنظیمیں برلن پر دباؤ ڈال رہی ہیں کہ وہ اپنے وعدے پورے کرے اور ان افغان خاندانوں کو تحفظ فراہم کرے جو طالبان کے خوف سے اب بھی غیر یقینی حالات میں زندگی گزار رہے ہیں۔
Post Views: 6.
ذریعہ
ذریعہ: Daily Mumtaz
کلیدی لفظ: افغان مہاجرین
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ