یروشلم : نیتن یاہو کے خلاف پُرتشدد مظاہرے، رہائشگاہ کے قریب گاڑی اور ٹینکر کو آگ لگا دی گئی
اشاعت کی تاریخ: 3rd, September 2025 GMT
اسرائیل کے متنازع دارالحکومت یروشلم میں وزیرِاعظم بنیامین نیتن یاہو کی پالیسیوں کے خلاف عوامی غصہ شدت اختیار کرتا جا رہا ہے۔ خصوصاً غزہ میں پھنسے اسرائیلی یرغمالیوں کی بازیابی میں ناکامی اور حکومت کی جارحانہ حکمتِ عملی پر عوام سراپا احتجاج بن چکے ہیں۔
بین الاقوامی ذرائع کے مطابق مظاہرین نے نیتن یاہو کی رہائش گاہ کے قریب شدید احتجاج کرتے ہوئے نہ صرف نعرے بازی کی بلکہ ایک آئل ٹینکر کو آگ لگا دی، جو ساتھ کھڑی ایک اسرائیلی فوجی کی گاڑی کو بھی اپنی لپیٹ میں لے گیا۔ دونوں گاڑیاں مکمل طور پر جل کر خاکستر ہو گئیں۔
مظاہرے میں شریک بعض افراد کا کہنا تھا کہ یہ احتجاج غزہ میں قید 48 اسرائیلی یرغمالیوں کی رہائی کے لیے حکومتی غفلت کے خلاف ہے۔ ایک فوجی اہلکار، جس کی گاڑی جل گئی، نے میڈیا سے بات چیت کرتے ہوئے کہا میں خود غزہ میں محاذ پر موجود رہا ہوں اور یرغمالیوں کے اہل خانہ کے ساتھ کھڑا ہوں، لیکن یہ آگ اب عوام اور فوج کے درمیان خلیج پیدا کر رہی ہے۔
احتجاج کے باعث علاقے میں خوف و ہراس پھیل گیا، اور وزیراعظم کی رہائش گاہ کے آس پاس کے مکینوں کو محفوظ مقامات پر منتقل کرنا پڑا۔ مظاہرین نے جگہ جگہ کوڑے دانوں اور ٹائروں کو بھی آگ لگا دی، جس سے قریبی املاک کو نقصان پہنچا۔
یہ مظاہرہ یومِ خلل کے طور پر منایا گیا، جس کا مقصد حکومت پر دباؤ ڈالنا تھا کہ وہ غزہ میں قید یرغمالیوں کی رہائی کے لیے مؤثر اقدامات کرے۔
اسرائیلی پولیس نے مظاہرے کو جرم اور دہشت گردی” قرار دے دیا، جبکہ وزیرِانصاف یاریو لیوِن اور انتہاپسند وزیرِ قومی سلامتی ایتمار بن گویر نے مظاہرین کو آتش زن دہشت گرد” قرار دیتے ہوئے سخت کارروائی کا مطالبہ کیا۔
دوسری جانب حکومت نے حسبِ روایت داخلی بحران کا ذمہ دار عدلیہ اور اٹارنی جنرل گالی بہاراو-میارا پر ڈالنا شروع کر دیا۔
اپوزیشن جماعتوں نے گاڑیوں کو آگ لگانے کی مذمت تو کی، لیکن حکومت پر بھی کڑی تنقید کی۔ اپوزیشن رہنما یائیر لپیڈ اور بینی گینتز نے کہا:
پرامن احتجاج ہر شہری کا حق ہے، لیکن بدقسمتی سے حکومت نے یرغمالیوں کی رہائی کے لیے کوئی سنجیدہ معاہدہ کرنے کی کوشش ہی نہیں کی۔”
یہ واقعہ ایسے وقت میں پیش آیا ہے جب اسرائیل شدید اندرونی خلفشار کا شکار ہے۔ عوامی بے چینی، سیاسی کشمکش، اور غزہ میں مسلسل جنگی صورتِ حال نے اسرائیلی معاشرے کو اندر سے جھنجھوڑ کر رکھ دیا ہے۔
مظاہرین کا الزام ہے کہ حکومت نے جان بوجھ کر غزہ میں جنگ بندی اور قیدیوں کے تبادلے کے امکانات کو سبوتاژ کیا تاکہ اپنی انتہاپسند پالیسیوں کو جاری رکھ سکے۔
اسرائیل کے اندر بڑھتی ہوئی بےچینی اور احتجاجی تحریک اس بات کا ثبوت ہے کہ نیتن یاہو کی پالیسیوں نے نہ صرف فلسطینیوں بلکہ خود اسرائیلی عوام کو بھی نقصان پہنچایا ہے۔
بین الاقوامی برادری کے لیے یہ ایک اور لمحۂ فکریہ ہے کہ وہ اسرائیل کے غیرذمہ دارانہ طرزعمل پر محض خاموش تماشائی نہ بنے، بلکہ انسانی المیے کے خاتمے کے لیے حقیقی اقدامات کرے۔
اسی حوالے سے سابق امریکی صدر ڈونلڈ ٹرمپ کا ایک حالیہ بیان بھی سامنے آیا ہے، جس میں انہوں نے کہا کہ غزہ میں جاری جنگ اسرائیل کی عالمی ساکھ کو نقصان پہنچا رہی ہے، اور اس کے روایتی اتحادی بھی اب اس کے ساتھ کھڑے دکھائی نہیں دے رہے۔
ذریعہ
ذریعہ: Daily Mumtaz
کلیدی لفظ: یرغمالیوں کی نیتن یاہو کے لیے
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ