امیر ترین افراد کی فہرست، مکیش امبانی کو پیچھے چھوڑنے والی خاتون کون ہیں؟
اشاعت کی تاریخ: 5th, September 2025 GMT
فرانس کی کاسمیٹکس کمپنی لوریال کی وارث اور بانی یوجین شوئیلر کی نواسی، فرانسواز بیٹنکورٹ مایرز کی دولت میں رواں سال غیر معمولی اضافہ ہوا ہے۔
ان کی دولت تقریباً 24 ارب ڈالر بڑھ کر 98 ارب ڈالر تک پہنچ گئی ہے، جس کے بعد وہ ایشیا کے امیر ترین شخص مکیش امبانی سے آگے نکل گئی ہیں۔
Françoise Bettencourt Meyers, the French beauty heiress and granddaughter of L’Oréal founder Eugène Schueller, has seen her fortune surge by nearly $24 billion this year, making her wealthier than Asia’s richest man, Mukesh Ambani
— Asif Hussain (@AsifHus80321718) September 5, 2025
بلومبرگ بلینیئرز انڈیکس کے مطابق 72 سالہ بیٹنکورٹ مایرز کی دولت میں صرف 8 ماہ کے دوران 32 فیصد اضافہ ہوا ہے۔
اس غیر معمولی اضافہ کی بڑی وجہ لوریال کے حصص کی شاندار کارکردگی ہے، جو 2025 میں اب تک 17 فیصد بڑھ کر 400 ڈالر کے قریب جا پہنچے ہیں۔
بیٹنکورٹ مایرز کمپنی میں 35 فیصد حصص کی مالک ہیں، جس کی وجہ سے کمپنی کی مسلسل ترقی براہ راست ان کی دولت میں اضافہ کر رہی ہے، ان کے مالیاتی فوائد اس سال کئی عالمی ٹیکنالوجی لیڈرز سے زیادہ ہیں۔
انہوں نے گوگل کے بانی لیری پیج اور سرگئی برن، پاپ مارٹ کے وانگ نِنگ اور سافٹ بینک کے ماسایوشی سون سے زیادہ دولت کمائی، جن کی دولت میں 17 سے 21 ارب ڈالر تک اضافہ ہوا۔
یہ بھی پڑھیں:
بیٹنکورٹ مایرز اب بلومبرگ کی عالمی دولت مندوں کی فہرست میں 18ویں نمبر پر ہیں اور مکیش امبانی، جن کی دولت 97 ارب ڈالر ہے، ان سے ایک درجے آگے نکل چکی ہیں۔
تاہم وہ اب بھی دنیا کی سب سے امیر خاتون، وال مارٹ کی وارث ایلس والٹن سے پیچھے ہیں، جن کی دولت کا تخمینہ 118 ارب ڈالر لگایا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیر ترین ایشیا بلومبرگ بلینیئرز انڈیکس ٹیکنالوجی لیڈرز دولت فرانس کاسمیٹکس کمپنی گوگل لوریل مکیش امبانی وال مارٹ.ذریعہ: WE News
کلیدی لفظ: ایشیا دولت کاسمیٹکس کمپنی گوگل لوریل مکیش امبانی وال مارٹ بیٹنکورٹ مایرز مکیش امبانی کی دولت میں ارب ڈالر
پڑھیں:
قدرت سے ربط رکھنے والے سرفہرست ممالک کون کون سے ہیں؟ فہرست جاری
لندن:سماجی، ثقافتی، معاشی اور جغرافیائی عوامل کے تحت قدرت سے قریبی ربط رکھنے والے دنیا کے سرفہرست ممالک کے نام جاری کردیے گئے ہیں، جس میں پاکستان کو شامل نہیں کیا گیا ہے۔
برطانوی اخبار دی گارڈین نے تحقیقی جریدے ایمبیو میں شائع رپورٹ کے حوالے سے ان ممالک کی فہرست جاری کی ہے، جن کو قدرت سے جڑے ہوئے ممالک قرار دیا گیا ہے، اور 61 ممالک میں نیپال کو دنیا کا سب سے زیادہ قدرت سے جڑا ہوا ملک قرار دیا گیا ہے۔
برطانیہ اور آسٹریا سے تعلق رکھنے والے ماہرین کی سربراہی میں تحقیقی ٹیم نے یہ فہرست ترتیب دی، تحقیق کرنے والی ٹیم میں یونیورسٹی آف ڈربی کے پروفیسر مائلز رچرڈسن بھی شامل تھے جو ’’قدرت سے وابستگی‘‘ کے ماہر سمجھے جاتے ہیں۔
تحقیق میں 61 ممالک کے57 ہزار افراد سے سروے کیا گیا اور تحقیق میں یہ دیکھا گیا کہ سماجی، ثقافتی، معاشی اور جغرافیائی عوامل کا فطرت سے جذباتی و ذہنی تعلق پر کیا اثر ہوتا ہے۔
رپورٹ میں بتایا گیا کہ اس منفرد تحقیق میں یہ نتیجہ سامنے آیا کہ روحانیت اور مذہبی عقیدہ قدرت سے مضبوط تعلق رکھنے کے سب سے بڑے عوامل ہیں۔
سروے میں نیپال کے بعد دوسرے نمبر پر ایران، تیسرے نمبر پر جنوبی افریقہ، بنگلادیش اور نائیجیریا بالترتیب چوتھے اور پانچویں نمبر پر ہیں، چلی چھٹے نمبر پر موجود ہے، سرفہرست 10 ممالک میں یورپ کے صرف دو ممالک کروشیا ساتویں اور بلغاریہ نویں نمبر شامل ہیں، گھانا کا نمبر 8 اور تیونس 10 ویں نمبر پر ہے، یورپ سے سرفہرست ممالک میں فرانس 19ویں نمبر پر ہے۔
برطانیہ بھی آخری ممالک میں شامل ہے اور 61 ممالک میں سے 55ویں نمبر پر ہے، نیدرلینڈز، کینیڈا، جرمنی، اسرائیل اور جاپان بھی فہرست کے نچلے حصے میں آئے۔
اس فہرست میں اسپین آخری نمبر پر رہا، نیدرلینڈز، کینیڈا، جرمنی، اسرائیل اور جاپان کے اسکور بھی برطانیہ سے کم تھے۔
تحقیق میں یہ بھی بتایا گیا کہ کاروبار میں آسانی یعنی ملک میں کاروبار کرنے کی سہولت جتنی زیادہ ہو، قدرت سے وابستگی کا احساس اتنا ہی کم ہو جاتا ہے یعنی وہ ممالک جہاں مارکیٹ اور کاروباری ماحول زیادہ مضبوط ہے، وہاں لوگ فطرت سے نسبتاً کم جڑے ہوئے ہوتے ہیں۔
غزہ میں پاکستانی فوج تعینات کی جاسکتی ہے، اسرائیلی میڈیا