چیئرمین سی ڈی اے محمد علی رندھاوا کی زیر صدارت اجلاس، جشن عید میلاد النبی ۖ کے حوالے سے تیاریاں و انتظامات اور شہر میں امن و امان کی صورتحال کا تفصیلی جائزہ
اشاعت کی تاریخ: 5th, September 2025 GMT
چیئرمین سی ڈی اے محمد علی رندھاوا کی زیر صدارت اجلاس، جشن عید میلاد النبی ۖ کے حوالے سے تیاریاں و انتظامات اور شہر میں امن و امان کی صورتحال کا تفصیلی جائزہ WhatsAppFacebookTwitter 0 5 September, 2025 سب نیوز
اسلام آباد(سب نیوز)چیئرمین سی ڈی اے و چیف کمشنر اسلام آباد محمد علی رندھاوا کی زیر صدارت سی ڈی اے ہیڈکوارٹرز میں ایک اہم اجلاس منعقد ہوا۔ اجلاس میں سی ڈی اے کے ممبر ایڈمن و اسٹیٹ، ممبر پلاننگ اینڈ ڈیزائن، ڈپٹی کمشنر آئی سی ٹی، سمیت ضلعی انتظامیہ اور سی ڈی اے کے سنئیر افسران نے شرکت کی۔ اجلاس میں جشن عید میلاد النبی ۖ کے حوالے سے تیاریاں و انتظامات اور شہر میں امن و امان کی صورتحال کا تفصیلی جائزہ لیا گیا۔اجلاس کو بتایا گیا کہ چیئرمین سی ڈی اے کی ہدایت پر 12 ربیع الاول کے جلوسوں اور محافل کے انعقاد کے حوالے سے ضابطہ اخلاق پر عملدرآمد کو یقینی بنایا جائے گا اور ماہ ربیع الاول کے دوران تمام مساجد کیلئے ضابطہ اخلاق بھی جاری کردیا گیا ہے۔
اجلاس کو بتایا گیا کہ جشن عید میلاد النبی ۖ کے حوالے سے تمام سیکورٹی انتظامات مکمل کر لئے گئے ہیں۔ اجلاس کو بتایا گیا کہ عید میلادالنبی ۖ کے مرکزی جلوس کے راستوں کی نگرانی سیف سٹی کیمروں کی مدد سے کی جائے گی۔ اجلاس کو یہ بھی بتایا گیا کہ عید میلادالنبی ۖ کے حوالے سے ضلعی انتظامیہ و اسلام آباد پولیس کے سنئیر افسران تمام مسالک کے علما کرام کے ساتھ رابطے میں ہیں اور عید میلادالنبی ۖ کے جلوس کے راستوں کی نگرانی، محافل سمیت تمام تر امور پر مشاورت و تیاری مکمل کرلی گئی ہے۔ اس موقع پر سی ڈی اے انتظامیہ نے جلوس و محافل میلاد کے شرکا سے اپیل کی کہ دوران جلوس و محافل قانون نافذ کرنے والے اداروں کے ساتھ بھرپور تعاون کریں اور دوران جلوس و محافل کسی بھی مشکوک سرگرمی یا کسی بھی مشتبہ شخص کی اطلاع فورا قانون نافذ کرنے والے اداروں کو دیں۔چیئرمین سی ڈی اے نے ہدایت کی کہ جلوس کے راستوں پر صفائی ستھرائی سمیت روشنی کے مناسب انتظامات کو ہر حال میں یقینی بنایا جائے۔ انہوں نے کہا کہ عید میلادالنبی ۖ کے جلوس میں شرکا کیلئے پینے کے صاف پانی کی فراہمی کو یقینی بنایا جائے۔چیئرمین سی ڈی اے نے ہدایت کی کہ عید میلادالنبی ۖ کے موقع پر اسلام آباد کی تمام مساجد کے باہر صفائی ستھرائی، روشنی اور پانی کی بلا تعطل فراہمی کو یقینی بنایا جائے۔
انہوں نے کہا کہ اس سلسلہ میں تمام متعلقہ محکمے ملکر کام کریں اور عوام کی سہولت کو اولین ترجیح دیں۔چیئرمین سی ڈی اے نے کہا کہ عید میلادالنبی ۖ کے جلوس میں داخلی و خارجی راستوں پر واک تھرو گیٹس اور پولیس کی اضافی نفری تعینات کی جائے اور شہریوں کی سہولیات کے پیش نظر متبادل ٹریفک پلان تشکیل دیا جائے تاکہ شہریوں کو ہرممکن سہولیات فراہم کی جاسکیں۔چیئرمین سی ڈی اے نے کہا کہ عید میلادالنبی ۖ کا دن ہمارے لئے نہ صرف جشن بلکہ عہد کرنے کا موقع ہے کہ ہم رسول اکرم ۖ کی تعلیمات پر عمل کرتے ہوئے معاشرے میں رواداری، محبت اور امن کو فروغ دے سکتے ہیں۔ انہوں نے کہا کہ جشن عید میلادالنبی ۖ کی تمام تقریبات انتہائی پر امن اور منظم انداز میں منعقد کی جائے تاکہ عوام الناس بھرپور طریقے سے عقیدت و محبت کا اظہار کر سکیں۔ انہوں نے کہا کہ نبی کریم ۖ کی سیرت طیبہ ہمیں امن، برداشت اور اخوت کا درس دیتی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمیڈیا کا کردار پاک چین تعلقات اور سی پیک منصوبوں کے فروغ میں اہم ہے،چینی ناظم الامور میڈیا کا کردار پاک چین تعلقات اور سی پیک منصوبوں کے فروغ میں اہم ہے،چینی ناظم الامور ایف آئی اے اینٹی کرپشن اسلام آباد سیل کرپٹ افراد کیخلاف متحرک ، پی ٹی وی میں جعلی ڈگریوں کے ذریعے نوکری حاصل کرنے... ایف آئی اے اینٹی کرپشن اسلام آباد سیل کا کرپٹ افراد کیخلاف بڑا ایکشن ، مختلف اداروں کے بدعنوان ملازمین کیخلاف 7نئے مقدمات کا... علیمہ خان پر انڈا پھینکنے والی خواتین کا تعلق پی ٹی آئی سے ہے، پولیس وزیراعظم و کابینہ کو توہینِ عدالت نوٹس؛ عافیہ صدیقی رہائی کیس کیلیے لارجر بینچ تشکیل جعلسازی کے زریعے سرکاری پلاٹس حاصل کرنے کا معاملہ، ڈپٹی ڈائریکٹر فیڈرل گورنمنٹ ایمپلائز ہائوسنگ اتھارٹی رانا منیر سمیت 6 افراد گرفتار، تفصیلات سب...
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: جشن عید میلاد النبی چیئرمین سی ڈی اے کے حوالے سے
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ