فیس بک اپنا پرانا ’پوک‘ فیچر دوبارہ لانے کو تیار، اس بار نیا کیا ہے؟
اشاعت کی تاریخ: 7th, September 2025 GMT
سوشل میڈیا پلیٹ فارم فیس بک نے اپنے پرانے مگر منفرد فیچر ’پوک‘ کو ایک بار پھر نمایاں انداز میں متعارف کرایا ہے۔
اب یہ فیچر کسی مینو میں چھپا نہیں بلکہ پروفائل پر براہِ راست دستیاب ہے، ساتھ ہی اس کے لیے الگ ٹریکنگ پیج اور اسنیپ چیٹ طرز کے ’اسٹریکس‘ بھی شامل کیے گئے ہیں۔
نیا کیا ہے؟اب صارفین کسی دوست کی پروفائل سے براہِ راست پوک بھیج سکیں گے، بالکل ایسے ہی جیسے میسج بٹن استعمال کیا جاتا ہے۔
اس کے ساتھ ہی ایک نیا صفحہ facebook.
اس کے علاوہ بار بار پوک بھیجنے پر ایموجیز اور اسٹریک طرز کے گیم جیسے فیچرز بھی دکھائی دیں گے جو اس تجربے کو مزید دلچسپ بناتے ہیں۔
فیچر کی واپسی کیوں؟میٹا نے رواں سال کے آغاز میں ڈیزائن میں تبدیلی کی جس کے نتیجے میں پوک بٹن آسانی سے دستیاب ہوا۔ اس تبدیلی کے بعد پوک بھیجنے کی شرح میں 13 گنا اضافہ ہوا۔
دلچسپ امر یہ ہے کہ 50 فیصد سے زائد نئے پوک نوجوان طبقے یعنی 18 سے 29 سال کی عمر کے صارفین نے کیے، جو اس فیچر کو پہلی بار یا برسوں بعد آزما رہے ہیں۔
یہ بھی پڑھیں:نیپال میں فیس بک، یوٹیوب اور ایکس بند کرنے کا اعلان کیوں کیا گیا؟
کمپنی کے مطابق اسٹریک اور ایموجی جیسے نئے عناصر شامل کرنا دراصل نوجوان صارفین کی دلچسپی کو بڑھانے کے لیے ہے۔
فیس بک کا ’پوک‘ فیچر 2004 میں لانچ کیا گیا تھا، جسے ایک غیر لفظی اور علامتی رابطے کے طور پر استعمال کیا جاتا تھا۔
وقت گزرنے کے ساتھ یہ فیچر رفتہ رفتہ پس منظر میں چلا گیا اور 2014 کے بعد تقریباً غائب ہوگیا۔
تاہم، نوسٹالجیا اور پلیٹ فارم کی حکمتِ عملی میں تبدیلیوں نے اسے دوبارہ زندہ کر دیا ہے۔
صارفین کا ردعملریڈٹ پر کئی صارفین نے پوک کی واپسی پر حیرت اور خوشی کا اظہار کیا۔ ایک صارف نے لکھا کہ ’آج میرے ایک دوست نے مجھے پوک کیا، آخری بار یہ 12 سال پہلے ہوا تھا، مزہ آگیا کہ یہ فیچر اب بھی موجود ہے‘۔
دوسروں نے اس بات پر روشنی ڈالی کہ یہ فیچر برسوں تک فیس بک پر چھپا ہوا محسوس ہوتا تھا اور عام صارفین کو اس تک رسائی نہیں تھی۔
میٹا نے پوک کو نئے ڈیزائن، گیمیفائیڈ ایموجیز اور اسٹریک کے ساتھ واپس لا کر نوسٹالجیا کو جدید طرز کے ڈیجیٹل رویوں سے جوڑ دیا ہے۔
اب یہ فیچر صرف ماضی کی یاد نہیں بلکہ ایک ہلکا پھلکا اور دلچسپ طریقہ ہے جس کے ذریعے صارفین ایک دوسرے کو یاد دلا سکتے ہیں اور رابطہ قائم کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایموجی پوک فیچر فیس بک گیمیفائیڈ ایموجیز ناسٹالجیا
ذریعہ
ذریعہ: WE News
کلیدی لفظ: ایموجی فیس بک ناسٹالجیا کے ساتھ فیس بک
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار