اورنگی ٹاؤن میں مسجد کمیٹی کے صدر پر فائرنگ کا مقدمہ درج
اشاعت کی تاریخ: 7th, September 2025 GMT
کراچی:
اورنگی ٹاؤن سیکٹر بارہ ایل میں مسجد کے باہر فائرنگ سے مسجد کمیٹی کے صدر کے زخمی اور بیٹے کے جاں بحق ہونے کے واقعے کا مقدمہ زخمی مفیظ الرحمٰن کی مدعیت میں قتل اور اقدام قتل کی دفعات کے تحت پاکستان بازار تھانے میں درج کرلیا گیا۔
مدعی مقدمہ کے مطابق بیٹا اور میں مسجد کولر روم کی صفائی کے لئے گئے تو وہاں موجود محمد عالم اورمحمد نور نے کولر روم پرتالا لگادیا۔
مدعی کے مطابق میں نے کہا کولر روم تالا کھولواور چابی دو ہمیں صفائی کرنی ہے تو وہاں موجود محمد زکر اور محمد عمر گالم گلوچ کرنے لگے میں نے منع کیا تو محمد زکریا نے عمر سے کہا کہ انہیں جان سے مار دو جو ہوگا میں دیکھ لوں گا۔
محمد عمر نے پستول سے نکال کر جان سے مارنے کی نیت سے ہم پرسیدھی فائرنگ کرنا شروع کردی، بیٹے مجیب الرحمن کو پیٹ اورمجھے ٹانگ پر گولی لگی، میرا بیٹھا موقع پر جاں بحق ہو گیا اور میں شدید زخمی ہو گیا۔
پولیس نے فائرنگ میں ملوث ملزم عمر کو گرفتار کرکے اسلحہ اور گولیاں برآمد کرلیں، پولیس کے مطابق مقتول اور ملزم آپس میں رشتے دار بھی ہیں، واقعے کی مزید تفتیش جاری ہے۔
.ذریعہ: Express News
پڑھیں:
کراچی: اورنگی ٹاؤن میں گھر میں آتشزدگی، 2 خواتین جاں بحق
کراچی کے علاقے اورنگی ٹاؤن شاہ فیصل چوک کے قریب گھر میں آگ لگ گئی۔
ریسکیو حکام کے مطابق گھر میں آگ لگنے سے جھلس کر 2 خواتین جاں بحق ہو گئیں۔
حکام کا کہنا ہے کہ جاں بحق ہونے والی خواتین کی لاشیں عباسی اسپتال منتقل کر دی گئی ہیں۔
ریسکیو حکام نے کہا کہ فائر بریگیڈ کی ایک گاڑی نے آگ پر قابو پا لیا ہے۔
پاکستان آئینی بحران کا شکار، عدلیہ کو آئینی ترمیم کے ذریعے یرغمال بنایا گیا، وزیراعلیٰ خیبر پختونخوا