’سلمان خان ’غنڈا‘ہے، خان فیملی انتقامی مزاج رکھتی ہے‘،ابھینو کشیپ کا الزام
اشاعت کی تاریخ: 8th, September 2025 GMT
ممبئی (شوبز ڈیسک)بولی وڈ کے معروف فلم ساز ابھینو کشیپ، جنہوں نے سپر ہٹ فلم دبنگ (2010) کی ہدایت کاری کی تھی، نے ایک بار پھر سلمان خان اور ان کے خاندان پر تنقید کی ہے۔ دبنگ کی ریلیز کے 15 سال مکمل ہونے کے موقع پر بھارتی جریدے اسکرین کو دیے گئے انٹرویو میں ابھینو نے دعویٰ کیا کہ خان فیملی انتقامی مزاج رکھتی ہے اور ان کے کیریئر میں رکاوٹیں ڈالنے کی کوشش کی۔
ابھینو کا کہنا تھا کہ دبنگ 2 کی ہدایت کاری سے انکار کرنے کے بعد خان خاندان نے ان کے خلاف محاذ بنایا۔ انہوں نے الزام لگایا کہ سلمان خان اداکاری کو سنجیدگی سے نہیں لیتے اور صرف شہرت اور طاقت کے لیے فلموں کا حصہ بنتے ہیں۔ ان کے مطابق “سلمان گزشتہ 25 سال سے اداکاری میں دلچسپی نہیں لے رہے، وہ ایک غنڈا اور بدتمیز انسان ہیں۔”
انوراگ کشیپ اور تیرے نام کا تنازع
ابھینو نے بتایا کہ ان کے بھائی، فلم ساز انوراگ کشیپ کو بھی 2003 کی فلم تیرے نام کے دوران مشکلات کا سامنا کرنا پڑا، جس کی اسکرپٹ انہوں نے لکھی تھی۔ پروڈیوسر بونی کپور کے ساتھ اختلافات کے بعد انوراگ نے فلم چھوڑ دی اور انہیں مناسب کریڈٹ بھی نہیں دیا گیا۔ ابھینو کے مطابق یہی تجربہ بعد میں ان کے ساتھ دبنگ کے بعد بھی دہرایا گیا۔
خان خاندان پر مزید الزامات
ہدایتکار نے دعویٰ کیا کہ سلمان خان بالی وڈ میں اسٹار سسٹم کے بانی ہیں اور ان کا خاندان نصف صدی سے فلم انڈسٹری پر قابض ہے۔ “اگر آپ ان سے اختلاف کرتے ہیں تو یہ آپ کے خلاف ہو جاتے ہیں۔ یہ لوگ شکاری ہیں اور ڈرا دھمکا کر قابو پاتے ہیں۔”
ابھینو کا کیریئر
ابھینو کشیپ نے فلموں کے ساتھ کئی ٹی وی سیریلز کی بھی ہدایت کاری کی ہے اور اداکاری میں بھی قسمت آزمائی۔ وہ *پانچ*، *یووا* اور *وِگ* جیسی فلموں میں جلوہ گر ہو چکے ہیں۔
یہ پہلا موقع نہیں جب ابھینو نے سلمان خان پر الزام تراشی کی ہو، تاہم دبنگ کے 15 سال مکمل ہونے پر ان کا یہ انٹرویو ایک بار پھر فلمی حلقوں اور شائقین کے لیے چونکا دینے والا ہے۔
Post Views: 7.ذریعہ: Daily Mumtaz
کلیدی لفظ: اور ان
پڑھیں:
جب آپ رنز بناتے ہیں تو جیت کا یقین ہوتا ہے، بابر اعظم اور سلمان علی آغا کی دلچسپ گفتگو
پاکستان اور جنوبی افریقہ کے درمیان تیسرے ٹی20 میچ میں شاندار فتح کے بعد قومی ٹیم کے کپتان سلمان علی آغا اور اسٹار بیٹر بابر اعظم کے درمیان پی سی بی ڈیجیٹل پر ایک دلچسپ اور خوشگوار گفتگو ہوئی۔ دونوں کھلاڑیوں نے نہ صرف اپنی کارکردگی پر روشنی ڈالی بلکہ میچ کے یادگار لمحات کو مزاحیہ انداز میں بیان کیا۔
سلمان علی آغا نے گفتگو کے آغاز میں بابر اعظم کی شاندار اننگز کی تعریف کرتے ہوئے کہا کہ ‘جب بابر رنز بناتے ہیں تو ٹیم کے ساتھ پورا پاکستان خوش ہوتا ہے، اور سب کو یقین ہوتا ہے کہ اب پاکستان جیت سکتا ہے۔’
یہ بھی پڑھیے: پاکستان بمقابلہ جنوبی افریقہ: بابر اعظم نے ویرات کوہلی کا کونسا ریکارڈ توڑ ڈالا؟
سلمان نے مسکراتے ہوئے بابر سے پوچھا، ‘بیٹنگ کے دوران آپ نے مجھے اتنا بھگایا کیوں؟’ بابر نے قہقہہ لگاتے ہوئے جواب دیا، ‘آپ ہی نے تو زیادہ ڈبل رنز لیے، آخر آپ کپتان ہیں۔’
گفتگو کے دوران بابر اعظم نے اپنی بیٹنگ حکمتِ عملی کے بارے میں بتایا کہ اسپنرز کے خلاف انہیں کچھ مشکلات پیش آئیں، تاہم انہوں نے سلمان کے ساتھ یہ طے کیا کہ جیسے ہی کوئی گیند رینج میں آئے گی، اس پر چانس لیا جائے گا۔ یہ سنتے ہی سلمان نے مسکراتے ہوئے پوچھا، ‘تو پھر آیا رینج میں؟’ جس پر دونوں کھلاڑی ہنس پڑے۔
یہ بھی پڑھیے: تیسرا ٹی 20 : پاکستان نے جنوبی افریقہ کو شکست دے کر سیریز اپنے نام کرلی
بابر نے مزید کہا کہ انہوں نے اپنے شاٹس پر اعتماد رکھا، خود کو بیک کیا اور اللّٰہ کے فضل سے ٹیم کو کامیابی ملی۔ انہوں نے بتایا کہ وہ گزشتہ کچھ عرصے سے اپنی ٹریننگ اور فوکس پر محنت کر رہے ہیں اور ہمیشہ مثبت رہنے کی کوشش کرتے ہیں، اگرچہ بعض اوقات سب کچھ درست لگ رہا ہوتا ہے مگر حالات قابو میں نہیں ہوتے۔
اختتامی لمحات میں سلمان علی آغا نے بابر اعظم کے عزم اور محنت کی تعریف کرتے ہوئے کہا کہ ‘جب بابر فارم میں نہیں ہوتے تو تھوڑے پریشان نظر آتے ہیں، لیکن ان کی محنت، نظم و ضبط اور مستقل مزاجی انہیں ایک عظیم کھلاڑی بناتی ہے۔’
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک