وزیرِاعظم کے دورہ بیجنگ میں اہم پیشرفت، چینی کمپنیوں سے 10 معاہدے طے پاگئے
اشاعت کی تاریخ: 8th, September 2025 GMT
وزیرِاعظم شہباز شریف کے دورہ بیجنگ کے دوران پاکستان اور چین کے درمیان انفارمیشن ٹیکنالوجی اور ٹیلی کام سیکٹر میں بڑی پیش رفت سامنے آئی ہے۔ وزارت آئی ٹی اور ذیلی اداروں نے چینی کمپنیوں کے ساتھ 10 معاہدے کر لیے۔
وزارت انفارمیشن ٹیکنالوجی اور چینی وزارت صنعت و آئی ٹی کے درمیان ابھرتی ہوئی ٹیکنالوجیز میں تعاون پر معاہدہ ہوا۔ علی بابا کے ساتھ پاکستانی نوجوانوں کے لیے ای کامرس ٹریننگ پروگرام شروع کرنے کا فیصلہ کیا گیا، جبکہ ہواوے کے ساتھ ملک بھر میں کنیکٹیویٹی کے لیے اسٹریٹجک فریم ورک تیار کیا گیا۔
یہ معاہدے پاک-چین بزنس کانفرنس کے دوران طے پائے۔ ان کے ذریعے پاکستان کی بزنس ٹو بزنس ایکسپورٹ مارکیٹ کو 10 گنا بڑھانے کا ہدف رکھا گیا ہے۔
وفاقی وزیر آئی ٹی اینڈ ٹیلی شزا فاطمہ نے بتایا کہ پاکستان اپنی پہلی فل اسٹیک اے آئی کلاؤڈ لانچ کرے گا۔ زیڈ ٹی ای ایک لاکھ پاکستانی نوجوانوں کو ٹیکنالوجی کی تربیت دے گا اور اسلام آباد میں گلوبل آئی سی ٹی ٹریننگ سینٹر قائم کیا جائے گا۔
انہوں نے مزید کہا کہ علی بابا، پاکستان کو اوپن سورس لینگویج ماڈل فراہم کرے گا۔ اے آئی پر مبنی بیماریوں کی تشخیص کے سلوشنز بھی پاکستان لائے جائیں گے۔ چینی کمپنیوں کے تعاون سے اسلام آباد کے اسکولوں میں اے آئی ٹولز متعارف کرانے اور نیشنل فائبر بیک ہال نیٹ ورکس و سب میرین کیبل انفرااسٹرکچر کی ترقی پر بھی معاہدے ہوئے ہیں۔
Post Views: 3.ذریعہ: Daily Mumtaz
پڑھیں:
پیپلز پارٹی میں وزارتِ عظمیٰ کے لیے مشاورت تیز، بیرسٹر گروپ بھی ساتھ دینے پر راضی
پیپلز پارٹی میں وزارتِ عظمیٰ کے لیے مشاورت تیز، بیرسٹر گروپ بھی ساتھ دینے پر راضی WhatsAppFacebookTwitter 0 2 November, 2025 سب نیوز
اسلام آباد: پیپلز پارٹی میں وزارتِ عظمیٰ کی نامزدگی کے حوالے سے سیاسی سرگرمیاں تیز ہو گئی ہیں، جبکہ اندرونی اختلافات کے باوجود مفاہمت کی کوششیں بھی جاری ہیں۔ ذرائع کے مطابق بیرسٹر گروپ بھی مشروط طور پر چوہدری یٰسین کی حمایت کے لیے آمادہ ہوگیا ہے۔
ذرائع کا کہنا ہے کہ اگر پیپلز پارٹی قیادت نے چوہدری یٰسین کو وزارتِ عظمیٰ کا امیدوار نامزد کیا تو بیرسٹر گروپ ان کا ساتھ دے گا۔ اس حوالے سے پیپلز پارٹی کے ایک اہم رہنما نے بیرسٹر گروپ سے رابطہ بھی کیا ہے۔بیرسٹر گروپ کے ذرائع کے مطابق وہ ووٹ دینے کے لیے تیار ہیں تاہم یہ حمایت مشروط ہوگی، اور تمام معاملات میز پر طے کرنے پر اتفاق رائے ضروری ہے۔
ذرائع کا کہنا ہے کہ چوہدری یٰسین حلقہ جاتی امور میں مداخلت نہیں کریں گے جبکہ دونوں گروپ سیاسی معاملات میں ایک دوسرے کے لیے رکاوٹ بھی نہیں بنیں گے۔ذرائع نے یہ بھی دعویٰ کیا کہ مفاہمت کی صورت میں بیرسٹر گروپ کو کابینہ میں ایک اہم وزارت دیے جانے کا امکان ہے۔پارٹی کے اندرونی اختلافات کے باوجود قیادت کی جانب سے معاملے کو خوش اسلوبی سے حل کرنے کی کوششیں جاری ہیں، جبکہ پیپلز پارٹی جلد وزارتِ عظمیٰ کے امیدوار کے نام کا حتمی فیصلہ کرنے والی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربرطانیہ میں ٹرین پر چاقو سے حملہ، 10 افراد زخمی، دو مشتبہ حملہ آور گرفتار سوڈان کی قیامت خیز جنگ سے فرار کے دوران خاندان بچھڑ گئے، بچے والدین کے سامنے قتل عیسائیوں کے قتل عام کا الزام: ٹرمپ کا نائیجیریا میں فوجی کارروائی کیلئے تیاری کا حکم بھارت سے آنے والی ہواؤں سے لاہور کی فضا انتہائی مضر صحت سابق وزیراعظم شاہد خاقان دل کی تکلیف کے باعث ہسپتال منتقل پشاور: سی ٹی ڈی تھانے میں شارٹ سرکٹ سے بارودی مواد پھٹ گیا، ایک اہلکار جاں بحق خیبرپختونخوا کابینہ ممبران کے محکموں کا باضابطہ اعلامیہ جاری،شفیع اللہ جان معاون خصوصی برائے اطلاعات مقررCopyright © 2025, All Rights Reserved
رابطہ کریں ہماری ٹیم
کیا پاکستان نے سلمان خان کو دہشت گرد قرار دیا ہے؟ حقیقت سامنے آگئی