راولپنڈی: توشہ خانہ ٹو کیس میں 3 گواہوں کی جرح مکمل، سماعت 10 ستمبر تک ملتوی
اشاعت کی تاریخ: 8th, September 2025 GMT
راولپنڈی (نیوز ڈیسک) بانی پاکستان تحریک انصاف عمران خان اور ان کی اہلیہ بشریٰ بی بی کے خلاف توشہ خانہ ٹو کیس میں اہم پیش رفت ہوئی ہے۔ اڈیالہ جیل کی خصوصی عدالت میں سماعت کے دوران کیس کے 3 گواہوں کے بیانات پر جرح مکمل کر لی گئی۔
سماعت کے دوران سابق وزیراعظم کے پرسنل سیکرٹری انعام شاہ کا بیان بھی قلمبند کیا گیا۔ جرح کے دوران کسٹم اپریزر رابعہ صمد، ثنا سعید اور اے ڈی سی عبداللہ خان کے بیانات پر تفصیلی سوالات کیے گئے۔ اس موقع پر عمران خان اور بشریٰ بی بی کو جیل سے عدالت میں پیش کیا گیا تھا، جبکہ بانی کی بہنیں اور بشریٰ بی بی کی بھابی مہر النسا احمد بھی عدالت میں موجود رہیں۔
اس مقدمے کی سماعت اسپیشل جج سینٹرل شاہ رخ ارجمند نے کی۔ اب تک مقدمے میں مجموعی طور پر 14 گواہوں کے بیانات ریکارڈ کیے جا چکے ہیں اور جرح بھی مکمل ہو چکی ہے۔ آج کی سماعت میں استغاثہ کے گواہ عظیم منظور کو غیر ضروری سمجھ کر عدالت نے شامل نہیں کیا۔
عدالت نے سماعت کو 10 ستمبر تک ملتوی کر دیا۔ دورانِ سماعت پراسیکیوٹر ذوالفقار عباس نقوی اور عمیر مجید ملک ٹیم کے ساتھ عدالت میں موجود تھے، جبکہ وکلائے صفائی ارشد تبریز اور مفتی قوسین نے بھی شرکت کی۔ سماعت میں پی ٹی آئی کے سینئر رہنما سینیٹر علی ظفر بھی عدالت میں موجود رہے۔
یہ مقدمہ توشہ خانہ سے متعلق مالیاتی معاملات کی تحقیقات کے تناظر میں چل رہا ہے، اور اس کی سماعت میں جرح کے مکمل ہونے سے کیس کی کارروائی کے اگلے مرحلے کی راہ ہموار ہو گئی ہے۔
Post Views: 4.
ذریعہ
ذریعہ: Daily Mumtaz
کلیدی لفظ: عدالت میں
پڑھیں:
شیخ رشید نے راولپنڈی ڈسٹرکٹ بار میں رکنیت بحالی کی درخواست جمع کرا دی
راولپنڈی (ڈیلی پاکستان آن لائن) عوامی مسلم لیگ کے سربراہ شیخ رشید احمد نے راولپنڈی ڈسٹرکٹ بار ایسوسی ایشن میں اپنی رکنیت بحالی کے لیے باضابطہ درخواست جمع کرا دی۔
نجی ٹی وی چینل دنیا نیوز کے مطابق شیخ رشید احمد کا کہنا تھا کہ زندگی کا ایک عجوبہ کام جو مجھے بہت پہلے کرنا چاہئے تھا، اب کر رہا ہوں، مجھے بار کی رکنیت 50 سال پہلے حاصل کرنی چاہیے تھی۔
ان کا کہنا تھا کہ سردار رازق کے چیمبر کے ذریعے ڈسٹرکٹ بار کی رکنیت کی بحالی کی درخواست کر رکھی ہے۔
شیخ رشید نے کہا کہ ڈسٹرکٹ بار کی رکنیت بحال ہو گئی تو بار کی سیاست نہیں کروں گا، صرف اور صرف سردار رازق کے چیمبر میں بیٹھ کر پریکٹس کروں گا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ