عمران خان کے خلاف ہرجانے کا کیس: وزیراعظم شہباز شریف جرح کے لیے طلب
اشاعت کی تاریخ: 8th, September 2025 GMT
وزیراعظم پاکستان شہباز شریف کی جانب سے چیئرمین تحریک انصاف عمران خان کے خلاف دائر کیے گئے 10 ارب روپے ہتکِ عزت کے مقدمے میں لاہور کی مقامی عدالت نے انہیں 12 ستمبر کو ویڈیو لنک کے ذریعے جرح کے لیے طلب کر لیا۔
ایڈیشنل سیشن جج یلماز غی کی عدالت میں کیس کی سماعت ہوئی، جس میں وزیر اعظم شہباز شریف کی درخواست پر پیش رفت کا جائزہ لیا گیا۔ سماعت کے دوران عمران خان کے وکیل کی غیر موجودگی کے باعث کارروائی آگے نہ بڑھ سکی۔
یہ بھی پڑھیں: 10 ارب ہرجانہ کیس، عمران خان کے وکیل کی وزیراعظم پر جرح
جج نے آئندہ سماعت کے لیے ہدایات جاری کرتے ہوئے کہا کہ دونوں جانب کے وکلا آئندہ سماعت پر صبح 10 بجے لازمی طور پر عدالت میں پیش ہوں تاکہ جرح کا عمل مکمل کیا جا سکے۔
یہ کیس اُس وقت کے وزیر اعلیٰ پنجاب شہباز شریف کی جانب سے 2017 میں دائر کیا گیا تھا جب عمران خان نے الزام عائد کیا تھا کہ انہیں پاناما لیکس معاملے پر خاموش رہنے کے بدلے 10 ارب روپے کی پیشکش کی گئی۔
عمران خان کے اس دعوے کو شہباز شریف نے جھوٹا اور بے بنیاد قرار دیتے ہوئے جولائی 2017 میں ان کے خلاف ہتکِ عزت کا مقدمہ دائر کر دیا تھا۔
بعد ازاں جون 2020 میں شہباز شریف نے ایک متفرق درخواست کے ذریعے مقدمے کی جلد سماعت کی استدعا کی، جس میں مؤقف اختیار کیا گیا کہ یہ دعویٰ 3 سال سے زیر التوا ہے اور اس کی سماعت روزانہ کی بنیاد پر کی جائے۔
یہ بھی پڑھیں: شہباز شریف کے ہرجانہ کیس کے خلاف عمران خان سپریم کورٹ پہنچ گئے، عدالتی دائرہ اختیار چیلنج
عدالت نے اب وزیراعظم کو جرح کے لیے طلب کرلیا ہے، اور 12 ستمبر کو ویڈیو لنک کے ذریعے ان کی پیشی متوقع ہے، جس کے بعد مقدمے میں اہم پیش رفت کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جرح کے لیے طلب شہباز شریف ہرجانہ کیس وزیراعظم وی نیوز.
ذریعہ
ذریعہ: WE News
کلیدی لفظ: جرح کے لیے طلب شہباز شریف ہرجانہ کیس وی نیوز جرح کے لیے طلب عمران خان کے شہباز شریف کے خلاف
پڑھیں:
وفاقی آئینی عدالت، سہیل آفریدی کیخلاف درخواستیں سماعت کیلئے مقرر
اسلام آباد(ڈیلی پاکستان آن لائن) وفاقی آئینی عدالت میں سہیل آفریدی کیخلاف درخواستیں سماعت کیلئے مقررکردی گئیں۔
نجی ٹی وی چینل دنیا نیوز کے مطابق بانی پی ٹی آئی رہائی فورس سے متعلق درخواست پر سماعت 29جولائی کو ہوگی،خیبرپختونخوا میں 9مئی مقدمات کی واپسی کیخلاف اپیل بھی 29جولائی کو مقررکردی گئی۔
چیف جسٹس آئینی عدالت امین الدین خان کی سربراہی میں 3رکنی بنچ سماعت کرے گا، عدالت نے خیبرپختونخوا حکومت سمیت متعلقہ فریقین کو نوٹس جاری کردیئے،آئینی عدالت نے 9مئی مقدمات کی واپسی پرحکم امتناع جاری کر رکھا ہے۔
نیب کیسز کی مرکزی اپیلوں اور ضمانت کی درخواستوں کی سماعت سے متعلق سپریم کورٹ کا فیصلہ جاری کردیاگیا
ریڈیو پاکستان نے حملہ کیس واپس لینے کاخیبرپختونخوا حکومت کا فیصلہ چیلنج کیا ہے،ریڈیو پاکستان نے مقدمہ خیبرپختونخوا سے منتقل کرنے کی استدعا کررکھی ہے۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع