روس مغرب سے بدلہ نہیں لینا چاہتا، شراکت داری کیلیے دروازے کھلے ہیں، وزیر خارجہ
اشاعت کی تاریخ: 9th, September 2025 GMT
ماسکو : روسی وزیر خارجہ سرگئی لاوروف کاکہنا ہے کہ ماسکو کو مغرب سے کسی قسم کا بدلہ لینے یا غصہ نکالنے کی کوئی خواہش نہیں ہے، اور وہ ممالک جو دوبارہ روس کے ساتھ کام کرنا چاہتے ہیں ان کا خیر مقدم کیا جائے گا۔
عالمی میڈیا رپورٹس کےمطابق ماسکو اسٹیٹ انسٹی ٹیوٹ آف انٹرنیشنل ریلیشنز میں طلبہ سے خطاب کرتے ہوئے روسی وزیر خارجہ نے کہا کہ غصہ اور بدلے کی خواہش برے مشیر ہیں، ہم کسی پر بدلہ لینے کا ارادہ نہیں رکھتے۔
انہوں نے مزید کہا کہ جب ہمارے مغربی سابقہ پارٹنرز ہوش کے ناخن لیں گے اور دوبارہ روس آکر کام کرنا چاہیں گے، تو ہم انہیں رد نہیں کریں گے، یہ ضرور دیکھیں گے کہ کن شرائط پر یہ تعاون ممکن ہوگا تاکہ روسی معیشت کے کلیدی شعبوں کو کوئی خطرہ لاحق نہ ہو۔
لاوروف کے مطابق روس تمام ممالک کے ساتھ ایمانداری سے بات چیت اور تعاون کے لیے تیار ہے، انہوں نے اس کی مثال 15 اگست کو امریکی صدر ڈونلڈ ٹرمپ اور روسی صدر ولادیمیر پیوٹن کی الاسکا کے شہر اینکریج میں ہونے والی سربراہی ملاقات کو قرار دیا، یہ ملاقات روس یوکرین جنگ کے آغاز کے بعد تقریباً ساڑھے تین سال میں کسی روسی اور امریکی رہنما کے درمیان پہلی براہِ راست ملاقات تھی۔
انہوں نے کہا کہ الاسکا سربراہی اجلاس سے یہ بات واضح ہوئی کہ موجودہ امریکی انتظامیہ اس حقیقت کو تسلیم کرتی ہے کہ تمام مسائل کو ایک دوسرے کے قومی مفادات کے احترام کی بنیاد پر حل کرنے کی ضرورت ہے۔ یوکرین جنگ کے حوالے سے بھی امریکہ نے اس بات پر زور دیا کہ تنازع کے “بنیادی اسباب کو ختم” کرنا ناگزیر ہے۔
روسی وزیر خارجہ نے کہا کہ ماسکو امریکا سمیت تمام ممالک کے ساتھ مساوی بنیادوں پر تعاون چاہتا ہے اور دونوں ملکوں کے درمیان آرکٹک، مائع قدرتی گیس (LNG)، خلائی تحقیق اور مصنوعی ذہانت جیسے شعبوں میں شراکت داری کے امکانات موجود ہیں۔
ان کا کہنا تھا کہ امریکا نے بھی ان شعبوں میں تعاون کی خواہش ظاہر کی ہے، جس سے ظاہر ہوتا ہے کہ روس اور امریکہ کے تعلقات میں نئے مواقع پیدا ہوسکتے ہیں۔
.
ذریعہ
ذریعہ: Al Qamar Online
کلیدی لفظ: کہا کہ
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ