اسلام کیخلاف ہرزہ سرائی؛ کولکتہ کے اردو سیمینار سے جاوید اختر کی چھٹی
اشاعت کی تاریخ: 9th, September 2025 GMT
کولکتہ (نیوز ڈیسک) بھارتی ریاست مغربی بنگال کے شہر کولکتہ کی اردو اکیڈمی نے مذہبی جماعتوں کے اعتراض کے بعد معروف نغمہ نگار و شاعر جاوید اختر کی شرکت منسوخ کردی اور اپنا ادبی پروگرام بھی ملتوی کردیا۔
بھارتی میڈیا کے مطابق مختلف مذہبی جماعتوں نے جاوید اختر کے اعلانیہ طور پر مذہب سے بیزاری اور اسلام پر تنقیدی بیانات پر شدید تحفظات کا اظہار کیا تھا۔ ان کا مؤقف تھا کہ جاوید اختر کے خیالات لادینی ہیں اور ان کی موجودگی مسلمانوں کے جذبات مجروح کر سکتی ہے۔
جمعیت علمائے ہند سمیت کئی تنظیموں نے کہا کہ وہ جاوید اختر کو مدعو کرنے کی مخالفت کرتے ہیں، تاہم کسی قسم کی دھمکی نہیں دی گئی بلکہ صرف اختلافِ رائے ظاہر کیا گیا۔
یاد رہے کہ اس پروگرام میں جاوید اختر کو “ہندی فلموں میں اردو کا کردار” کے موضوع پر خطاب اور ایک مشاعرے کی صدارت کرنا تھی۔ تاہم احتجاج کے بعد اردو اکیڈمی کی سیکریٹری نزہت زینب نے اعلان کیا کہ نامساعد حالات کے باعث پروگرام ملتوی کر دیا گیا ہے۔
اگرچہ باضابطہ طور پر ملتوی کرنے کی وجہ نہیں بتائی گئی، مگر ادبی حلقے اسے ممکنہ تنازع اور احتجاج کے خدشات سے جوڑ رہے ہیں۔ قریبی ذرائع کے مطابق نئی تاریخ کا اعلان کیا جائے گا، تاہم اس میں جاوید اختر کو شامل کیے جانے کے امکانات نہ ہونے کے برابر ہیں۔
Post Views: 6.
ذریعہ
ذریعہ: Daily Mumtaz
کلیدی لفظ: جاوید اختر
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ