وفاقی کابینہ کا اجلاس، ماحولیاتی اور زرعی ایمرجنسی کے نفاذ کی اصولی منظوری
اشاعت کی تاریخ: 10th, September 2025 GMT
وزیراعظم محمد شہباز شریف کی زیر صدارت وفاقی کابینہ کا اجلاس اسلام آباد میں منعقد ہوا، جس میں ملک بھر میں رواں مون سون اور سیلابی صورتحال کے تناظر میں کلائیمیٹ ایمرجنسی اور زرعی ایمرجنسی کے نفاذ کی اصولی منظوری دی گئی۔
وزیراعظم نے اعلان کیا کہ اس سلسلے میں چاروں صوبوں کے وزرائے اعلیٰ اور متعلقہ حکام پر مشتمل اجلاس جلد طلب کیا جائے گا، جس میں موسمیاتی تبدیلی کے مضر اثرات سے نقصانات کم کرنے اور مستقبل کے لائحہ عمل پر مشاورت ہوگی۔
اجلاس کو ملک میں سیلاب سے ہونے والے نقصانات پر بریفنگ دی گئی، جبکہ کابینہ اراکین نے انفراسٹرکچر اور زرعی اراضی کے متاثر ہونے پر تشویش کا اظہار کرتے ہوئے کسانوں کی معاونت کے لیے تجاویز دیں۔
مزید پڑھیں: سیلاب متاثرین کی مدد کے لیے اقوام متحدہ سے رجوع اور زرعی ایمرجنسی نافذ کی جائے، بلاول بھٹو
کابینہ نے سوشل میڈیا پر شہدا اور افواجِ پاکستان کے خلاف تضحیک آمیز مواد کی شدید مذمت کرتے ہوئے شرپسند عناصر کے خلاف سخت کارروائی کی ہدایت دی۔
وزیراعظم نے کہا کہ شہدا اور ان کے اہل خانہ کی قربانیاں ناقابلِ فراموش ہیں اور ان کے خلاف مہم کی حوصلہ شکنی قومی ذمہ داری ہے۔ کابینہ نے بنوں آپریشن میں شہید ہونے والے میجر عدنان اسلم کے ایصال ثواب کے لیے دعا بھی کی۔
مزید برآں، کابینہ نے مختلف رہنماؤں کے مرحوم رشتہ داروں کے لیے دعائے مغفرت کی اور قطر میں اسرائیلی بمباری کے نتیجے میں جاں بحق افراد کے لواحقین سے اظہارِ ہمدردی کیا۔
وزیراعظم نے امیرِ قطر اور قطری عوام سے یکجہتی کا اظہار کرتے ہوئے اسرائیلی جارحیت کی شدید مذمت کی۔
مزید پڑھیں: سیلاب متاثرین کے بجلی بلوں پر بڑے ریلیف کا فیصلہ، ٹیکسز ختم کرنے پر غور
اجلاس میں عوامی ریلیف کے طور پر وزارتِ پیٹرولیم کی سفارش پر گیس کنکشنز کے منتظر صارفین کو آر ایل این جی کنکشنز فراہم کرنے کی منظوری دی گئی۔ بتایا گیا کہ آر ایل این جی پر صارفین کو ایل پی جی کے مقابلے میں 30 فیصد کم لاگت آئے گی۔
کابینہ نے وزارتِ ریلوے کی سفارش پر پاکستان، ازبکستان اور افغانستان کے درمیان سہ فریقی فزیبلٹی اسٹڈی فریم ورک معاہدے کی توثیق بھی کر دی، جسے علاقائی تجارت و رابطہ کاری کے لیے اہم پیشرفت قرار دیا گیا۔
وفاقی کابینہ نے ای سی سی، سی سی او آئی جی سی ٹی اور سی سی ایل سی کمیٹیوں کے فیصلوں کی بھی توثیق کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
زرعی ایمرجنسی وزیراعظم محمد شہباز شریف وفاقی کابینہ.ذریعہ: WE News
کلیدی لفظ: زرعی ایمرجنسی وزیراعظم محمد شہباز شریف وفاقی کابینہ زرعی ایمرجنسی وفاقی کابینہ کابینہ نے اور زرعی کے لیے
پڑھیں:
آئی ایم ایف ایگزیکٹو بورڈ دسمبر میں پاکستان کیلیے ایک ارب ڈالر قسط پر غور کرے گا
data-id="863a0a8" data-element_type="widget" data-widget_type="theme-post-content.default">
اسلام آباد: بین الاقوامی مالیاتی فنڈ (آئی ایم ایف) کا ایگزیکٹو بورڈ دسمبر میں پاکستان کے لیے ایک ارب 20 کروڑ ڈالر کی تیسری قسط کی منظوری سے متعلق اجلاس منعقد کرے گا۔
نجی ٹی وی کی رپورٹ کے مطابق وزارتِ خزانہ کے ذرائع نے تصدیق کی ہے کہ یہ رقم توسیعی فنڈ سہولت (ای ایف ایف) پروگرام کے تحت جاری کی جائے گی۔
ذرائع کے مطابق اس اجلاس میں پاکستان کو کلائمیٹ فنانسنگ کی مد میں 20 کروڑ ڈالر اضافی فراہم کیے جانے کی بھی منظوری دی جائے گی۔ یہ فنڈز “کلائمیٹ ریزیلینس فنانسنگ” کے تحت حاصل ہوں گے، جو ماحولیاتی چیلنجز کے مقابلے میں پاکستان کی پالیسیوں اور اقدامات کو مستحکم کرنے کے لیے دیے جا رہے ہیں۔
یاد رہے کہ پاکستان اور آئی ایم ایف کے درمیان اسٹاف لیول معاہدہ گزشتہ ماہ 15 اکتوبر کو طے پایا تھا، جس میں مالیاتی استحکام، ٹیکس اصلاحات، توانائی سیکٹر کی کارکردگی بہتر بنانے اور غیر ضروری اخراجات میں کمی جیسے نکات شامل تھے۔ اس معاہدے کے بعد پاکستان کو قسط کی منظوری کے لیے بورڈ اجلاس کا انتظار ہے۔
وزارتِ خزانہ کے حکام کا کہنا ہے کہ حکومت نے معاہدے کے تمام اہداف پر پیش رفت مکمل کر لی ہے، جس کے باعث امید ہے کہ دسمبر میں ہونے والے اجلاس میں پاکستان کے لیے ایک ارب ڈالر کی تیسری قسط کی منظوری دے دی جائے گی۔
ذرائع کے مطابق اضافی 20 کروڑ ڈالر ماحولیاتی منصوبوں، گرین انرجی پروگرامز اور قدرتی آفات سے نمٹنے کے اقدامات میں استعمال کیے جائیں گے۔ وزارتِ خزانہ کا کہنا ہے کہ یہ فنڈز زرمبادلہ کے ذخائر میں بہتری، مالیاتی توازن کے استحکام اور معاشی بحالی کے لیے معاون ثابت ہوں گے۔
وزیراعظم شہباز شریف 3 روزہ دورے پر سعودی عرب پہنچ گئے