بانی پاکستان قائداعظم محمد علی جناح کی 77ویں برسی عقیدت و احترام سے منائی جا رہی ہے
اشاعت کی تاریخ: 11th, September 2025 GMT
کراچی(نیوز ڈیسک) ہندوستان کے مسلمانوں کے لیے الگ ریاست قائم کرکے برصغیر کا نقشہ بدلنے اور انگریز و کانگریس کو شکست دینے والی تاریخ ساز شخصیت، قائداعظم محمد علی جناح کی 77ویں برسی آج عقیدت و احترام سے منائی جا رہی ہے۔
محمد علی جناح کو 1937 میں مولانا مظہر الدین نے “قائداعظم” کا لقب دیا۔ ان کی ولولہ انگیز قیادت میں مسلمانانِ ہند نے پاکستان حاصل کیا اور انگریزوں کے تسلط سے نجات پائی۔ عظیم قائد نے برصغیر کے مسلمانوں کو علیحدہ شناخت اور واضح نصب العین دیا۔
قائداعظم نے گاندھی اور نہرو جیسے کہنہ مشق سیاستدانوں کو سیاسی میدان میں شکست دی۔ لارڈ ماؤنٹ بیٹن کے عزائم کے سامنے ڈٹ گئے اور اپنے ساتھیوں کے گِلے شکوے دور کرکے انہیں تحریکِ پاکستان میں شریک کیا۔
انہوں نے ابتدا میں کانگریس کے ساتھ آزادی کی جدوجہد میں ساتھ دیا، لیکن جب یہ حقیقت سامنے آئی کہ تقسیم کے بغیر مسلمانوں کا مستقبل محفوظ نہیں، تو انہوں نے علیحدہ وطن کے قیام کے لیے دن رات جدوجہد کی۔
قیامِ پاکستان کے بعد بکھرے ہوئے ملک کو مستحکم کرنے کی بھرپور کوششیں کیں، مگر زندگی نے زیادہ مہلت نہ دی۔ وہ پاکستان کے پہلے گورنر جنرل کے طور پر فرائض انجام دیتے رہے اور 11 ستمبر 1948 کو وفات پائی۔
اپنی وفات سے قبل قوم کے نام اپنے پیغام میں قائداعظم نے کہا تھا: “آپ کی مملکت کی بنیاد رکھ دی گئی ہے، اب آپ کا فرض ہے کہ اس کی تعمیر کریں۔”
Post Views: 3.
ذریعہ
ذریعہ: Daily Mumtaz
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع