اسٹاک ایکسچینج میں تیزی برقرار، انڈیکس 583 پوائنٹس بڑھ گیا
اشاعت کی تاریخ: 11th, September 2025 GMT
پاکستان اسٹاک ایکسچینج میں جمعرات کو بھی تیزی کا رجحان برقرار رہا، جہاں کے ایس ای 100 انڈیکس میں کاروبار کے ابتدائی لمحات میں تقریباً 600 پوائنٹس کا اضافہ ریکارڈ کیا گیا۔
صبح 9 بج کر 35 منٹ پر 100 انڈیکس 157,603.90 پوائنٹس کی سطح پر موجود تھا، جو 583.11 پوائنٹس یعنی 0.37 فیصد اضافہ ظاہر کرتا ہے۔
کاروباری سرگرمیوں میں نمایاں خریداری دلچسپی آٹو موبائل اسمبلرز، سیمنٹ، کمرشل بینکس، فرٹیلائزر، آئل اینڈ گیس ایکسپلوریشن کمپنیز، آئل مارکیٹنگ کمپنیز، پاور جنریشن اور ریفائنری سیکٹرز میں دیکھی گئی۔
یہ بھی پڑھیں: اسٹاک ایکسچینج میں خریداری کا رجحان، انڈیکس ایک مرتبہ پھر 157,000 پوائنٹس سے تجاوز کرگیا
بڑے اور انڈیکس پر اثرانداز شیئرز جیسے اے آر ایل، حبکو، ماری، او جی ڈی سی، پی او ایل، پی پی ایل، پی ایس او، ڈی جی کے سی، این بی پی اور یو بی ایل مثبت زون میں ٹریڈ ہوئے۔
بدھ کو بھی پی ایس ایکس مثبت اختتام پذیر ہوا تھا اور انڈیکس 457.
مزید پڑھیں: ڈیجیٹل معیشت کی طرف قدم: وزیراعظم نے ایف بی آر میں ڈیجیٹل ایکو سسٹم کی تشکیل کی منظوری دیدی
بین الاقوامی مارکیٹ میں جمعرات کو ’اوریکل مینیا‘ نے ایشیائی ٹیک اسٹاکس کو نئی بلندیوں پر پہنچا دیا، جاپان، تائیوان اور جنوبی کوریا کے انڈیکسوں نے ریکارڈ قائم کیا، حالانکہ بڑے امریکی افراطِ زر کے اعداد و شمار سے قبل یہ سیشن نسبتاً سست رہنے کی توقع تھی۔
جاپان میں ٹیک انویسٹر سوفٹ بینک کے شیئرز 9 فیصد بڑھ گئے، جب کہ اس کا پارٹنر اوریکل بدھ کو 36 فیصد اوپر گیا، جو 1992 کے بعد سب سے بڑا یومیہ اضافہ تھا۔
مزید پڑھیں: ڈیجیٹل معیشت کی جانب اہم قدم، کاروباری لائسنس کے لیے کیو آر کوڈ لازم
اس جست کے بعد 48 سال پرانی ٹیک کمپنی ٹریلین ڈالر مارکیٹ کیپ کلب میں شامل ہونے کے قریب پہنچ گئی۔
یہ سب اوریکل کی اس پیشگوئی کا نتیجہ ہے کہ مصنوعی ذہانت اس کی کلاؤڈ انفرا اسٹرکچر کی مانگ کو تیزی سے بڑھائے گی۔ یہی رجحان ایشیا بھر میں اے آئی سے متعلقہ اسٹاکس کو اوپر لے گیا، نکی 1.2 فیصد، تائیوان 1 فیصد اور چینی بلیو چپس 1.8 فیصد بڑھے۔
یورپ میں تاہم یہ اے آئی بخار نظر نہ آیا، جہاں یورپی سینٹرل بینک کے شرح سود کے فیصلے سے قبل مارکیٹ محتاط رہی، یورو اسٹاکس 50 فیوچرز محض 0.1 فیصد اور جرمن فیوچرز اس سے بھی کم اوپر گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس آئل مارکیٹنگ کمپنیز اوریکل پاکستان اسٹاک ایکسچینج ٹیک انویسٹر سوفٹ بینک فرٹیلائزر کمرشل بینکس مصنوعی ذہانت یو بی ایلذریعہ: WE News
کلیدی لفظ: 100 انڈیکس آئل مارکیٹنگ کمپنیز اوریکل پاکستان اسٹاک ایکسچینج ٹیک انویسٹر سوفٹ بینک فرٹیلائزر مصنوعی ذہانت یو بی ایل اسٹاک ایکسچینج
پڑھیں:
اسلام آباد، سرپرائز انسپکشن،ریسٹورنٹس و فوڈ پوائنٹس کیلئے نئے قوانین
اسلام آباد(نمائندہ خصوصی )فوڈ اتھارٹی نے عمل نہ کرنے والے ریسٹورنٹس کی نشاندہی کیلیے عوام سے بھی مدد مانگ لی، سخت ایکشن کا عندیہ۔وفاقی دارالحکومت میں ریسٹورنٹس اور فوڈ پوائنٹس کے لیے نئے قواعد و ضوابط جاری کردیے گئے ہیں۔فوڈ اتھارٹی کی جانب سے جاری ایس او پیز کے مطابق ریسٹورنٹس کے شیف اور ویٹرز کے لیے کیپ کا استعمال لازمی قرار دیا گیا ہے جبکہ فوڈ سے ڈیل کرنے والے تمام عملے کے لیے سیفٹی کیپ استعمال کرنا لازمی ہوگا۔
ایس او پیز کے مطابق کیپ کا استعمال حفظان صحت کے اصولوں کو مدنظر رکھتے ہوئے لازمی قرار دیا گیا، خلاف ورزی کی صورت میں فوڈ پوائنٹ/ریسٹورنٹ فی الفور سیل ہوگا۔فوڈ اتھارٹی نے شہریوں سے اپیل کی ہے کہ وہ اُن ریسٹورنٹس کی نشاندہی کریں جہاں پر عملہ بغیر کیپ کے کام کررہا ہے۔ڈاریکٹر فوڈ اتھارٹی نے ایس او پیز جاری کرتے ہوئے ٹیموں کو مختلف ایریاز میں انسپکشنز کی ہدایت بھی جاری کردی۔انہوں نے کہا کہ فوڈ اتھارٹی ٹیمز ایس او پیز پر عمل درآمد کے لیے مختلف فوڈ پوائنٹس/ریسٹورنٹس کی سرپرائز انسپکشن کریں، شہری خلاف ورزی کرنے والے ریسٹورنٹس کے خلاف کاروائیوں میں ہمارا ساتھ دیں۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر