فحاشی، ناچ گانوں پر پابندی لگا کر خواجہ سراوں کو ضلع بدر کرنے کا مطالبہ
اشاعت کی تاریخ: 11th, September 2025 GMT
خیبرپختونخوا کے ضلع صوابی میں جرگے اور تاجروں نے بڑھتی ہوئی غیر اخلاقی سرگرمیوں اور فحاشی کو روکنے کیلیے خواجہ سراؤں کو فوری ضلع بدر کرنے کا مطالبہ کردیا۔
ایکسپریس نیوز کے مطابق صوابی شہر میں خواجہ سراؤں کے ناچ گانوں ، فحاشی اور غیر اخلاقی اڈوں اور اس کے ذریعے صوابی سمیت دیگر اضلاع کے نوجوانوں کے اخلاق اور امن تباہ کرنے کے خلاف صوابی، مانیری کے جرگوں اور تاجران نے امن چوک میں مشترکہ طور پر احتجاجی مظاہرہ کیا۔
مظاہرین نے انتظامیہ سے جلد از جلد صوابی میں دیگر صوبوں اور اضلاع سے آکر رہائش کرنے والے خواجہ سراؤں کو نکالنے کے مطالبہ کیا اور اعلان کیا کہ اگر خواجہ سراؤں کو یہاں سے نہ نکالا گیا تو ڈی پی او اور ڈی سی آفسز کے سامنے نہ صرف ایک بھرپور احتجاج کیا جائے گا۔
مظاہرین نے کہا کہ اگر ضلعی انتظامیہ نے ایکشن نہ کیا تو پھر جرگہ عمائدین ، اراکین اور تاجر برادری خود ان خواجہ سراؤں کیخلاف کارروائی کرنے پر مجبور ہوگی اور کسی بھی صورت حال کی ذمہ دار انتظامیہ ہوگی۔
مظاہرین نے گزشتہ شب ایک چھاپے کے دوران خواجہ سراؤں سمیت سیکڑوں آوارہ اور بدمعاش مسلح لڑکوں کی گرفتاری پر ڈی پی او ضیاد الدین احمد، ڈی ایس پی اعجاز ابازی ، ایس ایچ او صوابی سیدالامین خان کو خراج تحسین پیش کرتے ہوئے صوابی پولیس زندہ باد اور خواجہ سراؤں کو صوابی سے نکالو کے نعرے لگائے۔
مقررین نے کہا کہ کراچی سمیت مختلف علاقوں سے خواجہ سراء صوابی منتقل ہو گئے اور صوابی کو بدکاری و غیر اخلاقی سرگرمیوں کا مرکز بنادیا ہے، یہ انتظامیہ اور مقامی جرگوں کے لئے بھی شرم کی بات ہے اور حدود تب کراس ہوئی جب اللہ تعالٰی کے گھر (مسجد) کے اوپر چھت پر بداخلاقی کی یہ محفل سجائی گئی۔
مقررین کا کہنا تھا کہ صوابی میں ایک خواجہ سراء نہیں ہے اگر ہوتا تو ہم اس کے لئے روزگار اور اخراجات کا خود بندوبست کرتے۔ انہوں نے کہا کہ اصلاحی جرگوں ، تاجران اور خواجہ سراؤں پر مشتمل دس رکنی کمیٹی تشکیل دے دی گئی ہے، جو جلد از جلد خواجہ سراؤں کو بٹھا کر یہاں سے باغزت طریقہ سے رخصت کرنے پر آمادہ کرے گی، ہم اپنے نوجوانوں کے اخلاق اور صوابی کے امن کو کسی صورت تباہ نہیں کرنے دیں گے۔
.
ذریعہ
ذریعہ: Express News
کلیدی لفظ: خواجہ سراؤں کو
پڑھیں:
پٹرول کی قیمت میں 4 روپے اضافے پر شہری مایوس، فوری ریلیف کا مطالبہ
افشاں رضوان:پٹرول کی قیمت میں 4 روپے فی لیٹر اضافے کے بعد شہریوں نے شدید مایوسی کا اظہار کرتے ہوئے حکومت سے فوری ریلیف دینے کا مطالبہ کیا ہے۔
شہریوں کا کہنا ہے کہ مسلسل بڑھتی ہوئی مہنگائی اور ایندھن کی قیمتوں میں اضافے نے ان کی مشکلات میں مزید اضافہ کر دیا ہے, آمدن میں کوئی اضافہ نہیں ہوا، جبکہ روزمرہ اخراجات دوگنا ہو چکے ہیں۔
شہریوں نے حکومت سے مطالبہ کیا ہے کہ پٹرولیم مصنوعات کی قیمتوں پر نظرثانی کرتے ہوئے فوری ریلیف فراہم کیا جائے.
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
بھارت سے جنگ اور افغانستان میں کارروائی خارج ازامکان نہیں، وزیردفاع