ایمان مزاری کے خلاف سائبر کرائم کیس میں خصوصی پراسیکیوٹرز مقرر
اشاعت کی تاریخ: 12th, September 2025 GMT
خاتون وکیل ایمان مزاری کی جانب سے اداروں کے خلاف مبینہ سوشل میڈیا مہم چلانے کے کیس میں پیشرفت سامنے آئی ہے، وزارت داخلہ اور نارکوٹکس کنٹرول نے خصوصی پراسیکیوٹرز کی تقرری کی منظوری دے دی گئی ہے۔
یہ بھی پڑھیں: ایف آئی اے کو سائبر کرائمز کی کتنے لاکھ درخواستیں موصول ہوئیں؟
وزارت داخلہ اور نارکوٹکس کنٹرول کی جانب سے جاری نوٹیفکیشن کے مطابق سائبر کرائم رپورٹنگ سنٹر اسلام آباد میں زیر سماعت اس مقدمے کے لیے 3 وکلا کو پراسیکیوٹر مقرر کیا گیا ہے۔ ان میں بیرسٹر فہد ارسلان چوہدری، بیرسٹر منصوراعظم اور محمد عثمان رانا شامل ہیں۔
نوٹیفکیشن میں کہا گیا ہے کہ مقرر کیے گئے پراسیکیوٹرز کی فیس نیشنل سائبر کرائم انویسٹی گیشن ایجنسی(این سی سی آئی اے) دا کرے گی۔
یہ بھی پڑھیں:ایڈووکیٹ ایمان مزاری اڈیالہ جیل سے رہا
یہ مقدمہ معروف وکیل اور سماجی رہنما ایمان مزاری کے خلاف اداروں کے خلاف مبینہ طور پر سوشل میڈیا مہم چلانے سے متعلق درج کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ادارے ایمان مزاری پراسیکیوٹرز مقرر سائبر کرائم سوشل میڈیا مہم.ذریعہ: WE News
کلیدی لفظ: ایمان مزاری پراسیکیوٹرز مقرر سوشل میڈیا مہم ایمان مزاری کے خلاف
پڑھیں:
معروف صحافی مشرف زیدی وزیراعظم کے ترجمان برائے غیرملکی میڈیا مقرر
وزیراعظم شہباز شریف نے معروف صحافی اور پالیسی تجزیہ کار مشرف زیدی کو غیر ملکی میڈیا کے لیے اپنا ترجمان مقرر کردیا۔ یہ تقرری فوری طور پر عمل میں لائی گئی ہے اور اگلے احکامات تک برقرار رہے گی۔
وفاقی وزیر اطلاعات عطا اللہ تارڑ نے ’ایکس‘ پر مشرف زیدی کی تقرری کا نوٹیفکیشن جاری کیا۔
Many congratulations @mosharrafzaidi
Welcome on board brother. A great addition to our team. Its been great working with you these past few months, looking forward to continue this teamwork. Lets take Pakistan’s narrative notches higher inshaaAllah pic.twitter.com/rEzCBoyiIm
— Attaullah Tarar (@TararAttaullah) November 2, 2025
نوٹیفکیشن کے مطابق یہ فیصلہ وزیراعظم کے 4 جون کے سابق احکامات اور کابینہ ڈویژن کے 10 جون کے سرکلر کو منسوخ کرتے ہوئے کیا گیا ہے۔
دستاویز میں وزارت اطلاعات و نشریات اور کابینہ ڈویژن کو متعلقہ امور نمٹانے کی ہدایت بھی کی گئی ہے۔
عطا اللہ تارڑ نے اپنی پوسٹ میں مشرف زیدی کو ٹیم میں خوش آمدید کہتے ہوئے کہاکہ گزشتہ چند ماہ ان کے ساتھ کام کرنا خوشگوار تجربہ رہا، اور امید ہے کہ مستقبل میں بھی اسی جذبے کے ساتھ ٹیم ورک جاری رہے گا۔
مشرف زیدی اس وقت وزیراعظم کے سرکاری کارکردگی اور اختراعات کے کوآرڈینیٹر کے طور پر ذمہ داریاں نبھا رہے ہیں۔
مشرف زیدی نے لمز سے اکنامکس میں بی ایس سی آنرز اور نیویارک کے بارک کالج سے پالیسی تجزیہ اور نان پرافٹ مینجمنٹ میں ماسٹر آف پبلک ایڈمنسٹریشن کی ڈگری حاصل کی۔
وہ 2011 سے 2013 تک وزارت خارجہ میں بطور پالیسی مشیر فرائض انجام دے چکے ہیں۔ بعد ازاں، 2013 سے 2018 تک وہ الف اعلان کے کیمپین ڈائریکٹر اور چیف ایگزیکٹو رہے۔
2018 میں مشرف زیدی نے اسلام آباد میں تھنک ٹینک ’تبادلہ‘ قائم کیا اور جون 2025 تک ادارے کے سی ای او کے طور پر خدمات انجام دیں، جبکہ بعد ازاں اگست تک سینیئر فیلو بھی رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ترجمان مقرر شہباز شریف عطااللہ تارڑ غیرملکی میڈیا مشرف زیدی معروف صحافی وزیر اطلاعات وزیراعظم پاکستان وی نیوز
ڈی جی این سی سی آئی اے وقار الدین سید کو عہدے سے ہٹا دیا گیا