پاک چین دوستی آنے والے وقتوں میں مزید مستحکم ہوگی: صدر مملکت آصف زرداری
اشاعت کی تاریخ: 13th, September 2025 GMT
صدرِ مملکت آصف علی زرداری نے کہا ہے کہ پاکستان اور چین کی دیرینہ شراکت داری باہمی احترام اور تعاون پر استوار ہے اور دونوں ممالک آئندہ سال اپنے سفارتی تعلقات کی 75ویں سالگرہ منانے جا رہے ہیں۔ یہ دوستی آنے والے وقتوں میں مزید مستحکم ہوگی۔
صدر مملکت نے یہ بات چینگڈو میں دوسرے گولڈن پانڈا ایوارڈز انٹرنیشنل کلچر فورم سے خطاب کے دوران کہی، جہاں چین کی اعلیٰ قیادت، فنکار، ثقافتی نمائندے اور بین الاقوامی مندوبین بڑی تعداد میں شریک ہوئے۔
President Asif Ali Zardari addressed the 2nd Golden Panda Awards International Culture Forum in Chengdu, stressing the power of art and culture in uniting people, strengthening Pakistan-China friendship and promoting a shared future for humanity.
— The President of Pakistan (@PresOfPakistan) September 13, 2025
یہ بھی پڑھیں: ’ کلچر امن و ترقی کا پل ہے‘، صدر زرداری کا عالمی ثقافتی فورم میں خطاب
آصف علی زرداری نے اس دوستی کو اسٹریٹجک تعلقات کے ساتھ ساتھ عوامی سطح پر قائم گہرے رشتوں کا مظہر قرار دیا۔
انہوں نے کہاکہ پاکستان ثقافتی تبادلوں کے فروغ، تخلیقی صنعتوں کی مضبوطی اور افہام و تفہیم و برداشت کے کلچر کو بڑھانے کے لیے چین سمیت دنیا کے دیگر ممالک کے ساتھ مل کر کام کرتا رہے گا۔ ان کے بقول ثقافت امن، خوشحالی اور مشترکہ انسانی مستقبل کے لیے ایک مضبوط پل ہے۔
صدر زرداری نے ایوارڈ جیتنے والے فنکاروں اور تخلیق کاروں کو مبارکباد پیش کرتے ہوئے کہا کہ تخلیقی کاوشیں سرحدوں کو پار کر کے مشترکہ انسانی اقدار کے ذریعے دنیا کو جوڑتی ہیں۔
انہوں نے صوبہ سیچوان کی حکومت، چائنا فیڈریشن آف لٹریری اینڈ آرٹ سرکلز اور دیگر منتظمین کا شکریہ بھی ادا کیا۔
صدر مملکت نے اپنے خطاب میں چین کے ’تہذیبی تبادلے اور باہمی سیکھنے‘ کے وژن کی بھرپور حمایت کا اظہار کیا اور گلوبل ڈیولپمنٹ انیشیٹو، گلوبل سیکیورٹی انیشیٹو اور گلوبل گورننس انیشیٹو کی اہمیت پر روشنی ڈالی۔ ان کے مطابق یہ اقدامات پائیدار ترقی، علاقائی امن اور عالمی تعاون کو آگے بڑھانے کے لیے ناگزیر ہیں۔
انہوں نے زور دیا کہ گلوبل گورننس انیشیٹو تہذیبوں کے تنوع، ثقافتی مساوات اور مکالمے کو فروغ دے کر تہذیبوں کے تصادم جیسے بیانیے کا توڑ کرتا ہے۔
صدر زرداری نے صدر شی جن پنگ کی قیادت کو بھی سراہتے ہوئے کہا کہ انہوں نے دنیا کو تصادم کے بجائے تعاون اور مشترکہ کامیابی کا راستہ دکھایا ہے۔
اس موقع پر صدر آصف زرداری سے چین کی کمیونسٹ پارٹی کے پولیٹیکل بیورو اور پبلسٹی ڈپارٹمنٹ کے وزیر لی شو لی نے ملاقات بھی کی۔ ملاقات میں دوطرفہ تعلقات کے علاوہ اقتصادی اور ثقافتی شعبوں میں تعاون کو مزید فروغ دینے پر گفتگو کی گئی۔
President Asif Ali Zardari met Mr. Li Shulei, Member of the Political Bureau & Minister of the Publicity Department of the CPC Central Committee, in Chengdu. The leaders discussed strengthening Pakistan-China cooperation across political, economic, and cultural fields. pic.twitter.com/mrOnhUnpFd
— The President of Pakistan (@PresOfPakistan) September 13, 2025
چینی وزیر نے فروری میں صدر زرداری کے دورہ چین اور ان کا چائنا ڈیلی میں شائع ہونے والا مضمون قابلِ تحسین قرار دیا۔
یہ بھی پڑھیں: شنگھائی تعاون تنظیم امن، ترقی اور مشترکہ خوشحالی کی ضامن ہے، صدر زرداری
ان کے مطابق صدر زرداری اور صدر شی جن پنگ کی قیادت میں دونوں ممالک ہمیشہ ایک دوسرے کے مضبوط بھائی رہیں گے۔
انہوں نے کہاکہ دنیا کو آج بارود کی نہیں بلکہ کتابوں کی خوشبو کی ضرورت ہے، اور پاکستان چین دوستی آنے والے برسوں میں مزید مستحکم ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری پاک چین دوستی صدر شی جن پنگ صدر مملکت وی نیوزذریعہ: WE News
کلیدی لفظ: پاک چین دوستی صدر مملکت وی نیوز صدر مملکت انہوں نے نے والے کے لیے
پڑھیں:
صدر مملکت آصف زرداری قطر میں ہونے والی دوسری عالمی سماجی ترقیاتی کانفرنس میں شرکت کرینگے
صدر مملکت آصف زرداری قطر میں ہونے والی دوسری عالمی سماجی ترقیاتی کانفرنس میں شرکت کرینگے WhatsAppFacebookTwitter 0 2 November, 2025 سب نیوز
اسلام آباد (آئی پی ایس )صدرِ مملکت آصف علی زرداری قطر میں ہونے والی دوسری عالمی سماجی ترقیاتی کانفرنس میں شرکت کریں گے، یہ کانفرنس اقوام متحدہ کی جنرل اسمبلی کے زیر اہتمام 4 تا 6 نومبر دوحہ میں منعقد ہوگی۔تفصیلات کے مطابق صدر آصف علی زرداری اس موقع پر سماجی ترقی، روزگار کے مواقع کے فروغ، اور جامع معاشی نمو کے لیے پاکستان کے عزم کو اجاگر کریں گے۔
وہ بینظیر انکم سپورٹ پروگرام کے سماجی تحفظ، غربت میں کمی اور کمزور طبقوں کے استحکام میں اس کے بنیادی کردار پر بھی روشنی ڈالیں گے۔صدر زرداری دوحہ الائنڈ سوشل پروٹیکشن اینڈ جابز کمپیکٹ (2026-28) کے آغاز کے لیے پاکستان کی تیاری پر بات کریں گے۔ یہ منصوبہ غیر رسمی ورکرز، معذور افراد اور بچوں کے لیے سماجی تحفظ کے دائرہ کو وسعت دینے اور ماحول دوست روزگار کے فروغ سے متعلق ہے۔صدرِ مملکت دوحہ پولیٹیکل ڈیکلریشن اور عالمی ترقیاتی وعدوں سے ہم آہنگ پاکستان کے منصوبوں کو اجاگر کریں گے اور ترقیاتی شراکت داروں اور بین الاقوامی مالیاتی اداروں کے ساتھ قریبی تعاون کے عزم کا اعادہ کریں گے۔
صدر مملکت وہ ایس ڈی جی اسٹیمولس، قرض برائے سماجی و ماحولیاتی تبدیلیوں، اور چین کے گلوبل ڈیولپمنٹ انیشی ایٹو جیسے ذرائع کے ذریعے مالی وسائل کے حصول کی اہمیت پر زور دیں گے۔صدرِ مملکت دوحہ سربراہ اجلاس کے نتائج کو عملی اقدامات میں ڈھالنے اور پائیدار، جامع ترقی کے فروغ کے پاکستان کے عزم کو بھی دہرائیں گے۔ اس دوران وہ عالمی و علاقائی رہنماوں، بالخصوص قطر کی قیادت اور اقوام متحدہ سمیت اہم بین الاقوامی تنظیموں کے سربراہان سے اہم ملاقاتیں بھی کریں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمشترکہ لائحہ عمل کے تحت بانی پی ٹی آئی کو رہا کروائیں گے،وزیراعلیٰ سہیل آفریدی مشترکہ لائحہ عمل کے تحت بانی پی ٹی آئی کو رہا کروائیں گے،وزیراعلیٰ سہیل آفریدی خیبر پختونخوا میں اس وقت ایسی صورتحال نہیں کہ گورنر راج لگانا پڑے، فیصل کریم کنڈی ڈاکٹر شفیق الرحمن تیسری مرتبہ امیر جماعت اسلامی بنگلا دیش منتخب نائب وزیراعظم اور وزیر خارجہ اسحاق ڈار کل استنبول کا دورہ کریں گے سہیل آفریدی کی قیادت میں ریاستی اداروں پر حملے کے شواہد سامنے آگئے، اختیار ولی پیپلز پارٹی، ن لیگ اور پی ٹی آئی کا خاتمہ ہو تو پاکستان ٹھیک ہوسکتا ہے، سراج الحقCopyright © 2025, All Rights Reserved
رابطہ کریں ہماری ٹیم
نوجوان کی پولیس کسٹڈی میں ہلاکت کے مقدمے میں 2 پولیس اہلکاروں کا جسمانی ریمانڈ منظور