ایشیا کپ، پاک بھارت مقابلے سے قبل دبئی پولیس نے اہم ہدایات جاری کردیں
اشاعت کی تاریخ: 13th, September 2025 GMT
دبئی انٹرنیشنل کرکٹ اسٹیڈیم میں ایشیا کپ 2025 کا سب سے بڑا مقابلہ پاکستان اور بھارت کے درمیان ہونے جارہا ہے۔ دبئی کی ایونٹس سیکیورٹی کمیٹی نے شائقین پر زور دیا ہے کہ وہ اس موقع پر کھیل کے جذبے کو برقرار رکھیں اور اسٹیڈیم کے قواعد و ضوابط پر سختی سے عمل کریں تاکہ دبئی کی پہچان عالمی معیار کے کھیلوں کے انعقاد کی مرکز کے طور پر قائم رہے۔
یہ بھی پڑھیں: ایشیا کپ میں پاک بھارت مقابلہ، کیا بھارتی کرکٹ بورڈ بائیکاٹ کرگیا؟
دبئی پولیس کے اسسٹنٹ کمانڈر انچیف برائے آپریشنز اور ایونٹس سیکیورٹی کمیٹی کے چیئرمین میجر جنرل سیف مہیر المزروعی نے کہا ہے کہ ایشیا کپ کے تمام میچز کے لیے خصوصی پولیس یونٹس مکمل طور پر تیار ہیں۔ ان کا کہنا تھا کہ سیکیورٹی میں خلل ڈالنے والی کسی بھی کارروائی سے سختی سے نمٹا جائے گا اور تماشائیوں اور سہولیات کے تحفظ کے لیے قانونی اقدامات کیے جائیں گے۔
انہوں نے وفاقی قانون برائے اسپورٹس فیسلٹیز اینڈ ایونٹس کا حوالہ دیتے ہوئے خبردار کیا کہ قوانین کی خلاف ورزی کرنے والوں کو سخت سزاؤں کا سامنا کرنا پڑے گا، پچ پر بغیر اجازت داخل ہونے یا آتش گیر اور ممنوعہ سامان ساتھ لانے پر ایک سے 3 ماہ قید اور 5 ہزار سے 30 ہزار درہم تک جرمانہ ہو سکتا ہے۔
یہ بھی پڑھیں: ایشیا کپ 2025 پاک بھارت ٹاکرا، کس کی زنبیل میں کیا ہے؟
اسی طرح تشدد، اشیا پھینکنے یا نسل پرستانہ اور توہین آمیز زبان استعمال کرنے والے افراد کو بھی قید اور 10 ہزار سے 30 ہزار درہم تک جرمانے کی سزا دی جاسکتی ہے۔
ایونٹس سیکیورٹی کمیٹی نے شائقین کو ہدایت کی ہے کہ وہ میچ سے کم از کم 3 گھنٹے قبل اسٹیڈیم پہنچیں، ہر ٹکٹ پر صرف ایک بار داخلہ ملے گا، درست اور اصلی ٹکٹ ساتھ رکھیں اور ممنوعہ اشیا لانے سے گریز کریں۔ کمیٹی نے یہ بھی واضح کیا کہ غلط پارکنگ یا سڑکوں کو بلاک کرنے جیسے اقدامات برداشت نہیں کیے جائیں گے۔
یہ بھی پڑھیں:ایشیا کپ میں 3 پاک-بھارت مقابلوں کا امکان، مگر کیسے؟
انتظامیہ کے مطابق ممنوعہ اشیا میں آتش بازی کا سامان، آتش گیر مواد، لیزر، چھتریاں، بڑی کیمرے لینز، سیلفی اسٹکس، نوکیلی اشیا، زہریلے مواد، پالتو جانور، جھنڈے، بینرز، ریموٹ کنٹرول ڈیوائسز، سائیکلیں، اسکوٹرز، اسکیٹ بورڈز اور شیشے کی بنی اشیا شامل ہیں۔
میجر جنرل المزروعی نے کہا کہ یہ تمام پابندیاں تماشائیوں، کھلاڑیوں، آفیشلز اور دیگر شرکا کی حفاظت کے لیے عائد کی گئی ہیں تاکہ ایونٹ خوشگوار اور محفوظ ماحول میں مکمل ہوسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایشیا کپ بھارت پاکستان دبئی پولیس سیکیورٹی ہدایات.ذریعہ: WE News
کلیدی لفظ: ایشیا کپ بھارت پاکستان دبئی پولیس سیکیورٹی ہدایات پاک بھارت ایشیا کپ یہ بھی کے لیے
پڑھیں:
شمالی وزیرستان: پاک افغان سرحد کے قریب سیکیورٹی فورسز کی کارروائی، 2 خوارج ہلاک، 5 زخمی
شمالی وزیرستان میں پاکستان،افغانستان سرحد کے قریب سیکیورٹی فورسز نے اہم کارروائی کرتے ہوئے 2 خوارج کو ہلاک کر دیا ہے۔سیکیورٹی ذرائع نے بتایا کہ خوارج کے خلاف کارروائی خفیہ معلومات کی بنیاد پر عمل میں لائی گئی، اس دوران فائرنگ کے تبادلے میں 2 خوارج ہلاک ہوئے۔سیکیورٹی ذرائع کے مطابق ہلاک ہونے والے خوارج میں سے ایک کا تعلق افغان طالبان سے ہے۔مزید بتایا گیا کہ کامیاب کارروائی میں مزید 2 خوارج کے ہلاک اور 4 سے 5 کے زخمی ہونے کی بھی اطلاعات ہیں، جب کہ سیکیورٹی فورسز کی جانب سے علاقے میں سرچ اور سینیٹائزیشن آپریشن جاری ہے۔
قبل ازیں خیبرپختونخوا کے ضلع ہنگو کے علاقے دوآبہ میں پولیس قافلے پر آئی ای ڈی حملے کے نتیجے میں ایس ایچ او سمیت 3 اہلکار زخمی ہوگئے۔ دوآبہ میں پولیس قافلے کو آئی ای ڈی حملے کا نشانہ اس وقت بنایا گیا جب پولیس افسران سرچ آپریشن سے واپس آ رہے تھے۔پولیس نے بتایا کہ دھماکے کے نتیجے میں ایس ایچ او تھانہ دوآبہ عمران الدین سمیت زخمی اہلکاروں کو فوری طور پر ڈی ایچ کیو ہسپتال ہنگو منتقل کر دیا گیا۔واقعے کے فورا بعد پولیس کی بھاری نفری موقع پر پہنچ گئی.علاقے کو گھیرے میں لے کر سرچ آپریشن شروع کر دیا گیا ہے، سیکیورٹی فورسز نے واقعےکی تحقیقات شروع کر دی ہیں جب کہ ضلع بھر میں سیکیورٹی کو ہائی الرٹ کر دیا گیا ہے۔
واضح رہے کہ خیبرپختونخوا اور بلوچستان میں خاص طور پر دہشت گردی کی سرگرمیوں اس وقت نمایاں طور پر اضافہ دیکھا گیا جب کالعدم تحریک طالبان پاکستان (ٹی ٹی پی) نے نومبر 2022 میں حکومت کے ساتھ ہونے والا جنگ بندی معاہدہ ختم کر دیا تھا۔معاہدہ ختم کرتے ہوئے کالعدم ٹی ٹی پی نے اعلان کیا تھا کہ وہ سیکورٹی فورسز، پولیس اور دیگر قانون نافذ کرنے والے اداروں پر حملوں میں تیزی لائے گی۔
پاکستان میں آئندہ حج سستا ہونے کا امکان