گجرات کے پانی میں ڈوبنے کی ذمہ دار ن لیگ ہے، چوہدری پرویز الٰہی
اشاعت کی تاریخ: 13th, September 2025 GMT
سابق وزیراعلیٰ پنجاب چوہدری پرویز الٰہی نے گجرات میں سیلاب کا ذمہ دار مسلم لیگ ن کو قرار دے دیا ہے۔
پاکستان تحریک انصاف کے مرکزی صدر چودھری پرویز الٰہی نے سیکرٹری جنرل سلمان اکرم راجا کے ہمراہ گجرات میں سیلاب متاثرین سے خطاب کرتے ہوئے کہا کہ گجرات شہر کی نکاسی آب کے لیے اربوں روپے کے فنڈز لائے گئے تھے، مگر موجودہ حکومت نے انہیں استعمال ہی نہیں کیا۔
یہ بھی پڑھیں:گجرات ڈسٹرکٹ جیل سے 100 خطرناک قیدیوں کو لاہور جیل کیوں منتقل کیا گیا؟
پرویز الٰہی اگر ن لیگ ہمارے شروع کیے گئے سیوریج منصوبوں کے فنڈز نہ روکتی تو آج گجرات شہر پانی میں نہ ڈوبتا، اصل مجرم وہ لوگ ہیں جو آج یہاں آکر بڑی بڑی باتیں کر رہے ہیں، مگر حقیقت یہ ہے کہ ان کے کام میں برکت ہی نہیں۔
انہوں نے کہا کہ جب بھی یہ اقتدار میں آتے ہیں ملک سے برکت اٹھ جاتی ہے، اگر ہماری حکومت نے گجرات کے گرد حفاظتی بند نہ بنوائے ہوتے تو حالات اس سے بھی زیادہ خراب ہوتے۔
چودھری پرویز الہیٰ کا گجرات میں سیلاب متاثرہ علاقوں کا دورہ pic.
— Naya Daur Videos (@nayadaurpk_urdu) September 13, 2025
انہوں نے بتایا کہ مونس الٰہی نے جیل چوک تا بولے پل 40 کروڑ روپے کے فنڈز سے 50 کیوسک کی بارشی پائپ لائن مکمل کروائی، لیکن ن لیگ نے شاہ حسین اور چاہ ترنگ کے بڑے نالوں پر کنکریٹ کی سڑکیں بنا کر صفائی ناممکن کردی۔
یہ بھی پڑھیں: سیلاب متاثرین کو تنہا نہیں چھوڑیں گے، وزیراعلیٰ پنجاب
پرویز الٰہی نے کہا کہ اپنی وزارت اعلیٰ کے دور میں انہوں نے عمران خان کے ویژن کوعملی شکل دی اور ہمیشہ انسانیت کی خدمت کو ترجیح دی، ریسکیو 1122 آج پورے پنجاب میں سیلاب متاثرین کی مدد کررہا ہے، یہ منصوبہ انہی کی حکومت کا کارنامہ ہے۔
انہوں نے کہا کہ جب بھی عوام مشکل میں ہوں، ہمارے خاندان کا ایک ایک فرد ان کی مدد کے لیے پہنچے گا۔ ن لیگ ہمارے ریسکیو 1122 کے معیار کا ایک بھی منصوبہ لا کر دکھائے۔
????یہ ایسے جادوگر ہیں انہوں نے میری گجرات والی سیٹ چھین لی کوئی بات نہیں ان سے سیٹ واپس لیں گے اور ان کے پیٹوں سے فنڈز نکالیں گے تحریک انصاف آپ سے وعدہ کرتی ہے کہ آپ کے گھر آپ کے کاروبار سب دوبارہ بنیں گے ۔
چوہدری پرویز الٰہی کا گجرات میں سیلاب متاثرین کے لیے کیمپ کے افتتاح پر… pic.twitter.com/cgZXwod7cL
— Ahmad Hassan Bobak (@ahmad__bobak) September 13, 2025
مزید برآں انہوں نے کہا کہ ہم نے نہ صرف گجرات کو ڈویژن بنایا بلکہ تلہ گنگ، مری، تونسہ، وزیر آباد اور کوٹ ادو کو بھی ضلع کا درجہ دیا۔
پرویز الٰہی نے کہا کہ وزیر آباد کارڈیالوجی اسپتال بھی ہمارا منصوبہ تھا جس کے فنڈز ن لیگ نے 9 سال تک روک کر رکھے، لیکن اللہ تعالیٰ نے دوبارہ موقع دیا تو ہم نے اس منصوبے کو مکمل کیا۔
یہ بھی پڑھیں: سیاسی عدم استحکام تحریک انصاف کا انتخابی مینڈیٹ تسلیم نہ کرنے کا نتیجہ ہے، پرویز الٰہی
خطاب کے موقع پر ثمیرہ الٰہی، راسخ الٰہی، عمر ڈار، میاں عمران مسعود، شوکت بسرا، امجد پرویز بٹ، چودھری یوسف سجاد چنی، سید فیض الحسن شاہ، شجاعت نواز اجنالہ، چودھری تنویر گوندل، چودھری لیاقت بھدر اور چودھری رضوان مچھیانہ سمیت دیگر رہنما بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پنجاب حکومت چوہدری پرویز الٰہی سیلاب گجرات مسلم لیگ ن
ذریعہ
ذریعہ: WE News
کلیدی لفظ: پنجاب حکومت چوہدری پرویز ال ہی سیلاب گجرات مسلم لیگ ن
پڑھیں:
حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
اسلام آباد(نیوز ڈیسک)وزیراعظم کے اپنا گھر پروگرام کے تحت اپنا ذاتی گھر حاصل کرنے کے خواہشمند شہریوں کے لیے بڑی پیش رفت سامنے آئی ہے۔ حکومت نے اعلان کیا ہے کہ پروگرام کے تحت کمرشل بینک اب تک 160 ارب روپے مالیت کے ہاؤسنگ قرضے منظور کر چکے ہیں جبکہ کامیاب درخواست گزاروں کو قرضوں کی فراہمی کا عمل بھی تیزی سے جاری ہے۔
یہ بات وزیر خزانہ کے مشیر عدنان پاشا نے کراچی میں منعقدہ فرسٹ انٹرنیشنل انشورنس کانفرنس سے خطاب کرتے ہوئے بتائی۔ انہوں نے کہا کہ وزیراعظم کا اپنا گھر پروگرام ملک میں تقریباً ایک کروڑ (10 ملین) گھروں کی کمی کو پورا کرنے کی جانب ایک اہم قدم ہے اور اس کے ذریعے کم آمدنی والے خاندانوں کو رعایتی شرائط پر اپنے گھر کا مالک بننے کا موقع فراہم کیا جا رہا ہے۔
عدنان پاشا نے بتایا کہ اس اسکیم کے تحت شہریوں کو صرف 5 فیصد رعایتی مارک اپ پر ہاؤسنگ قرض فراہم کیا جا رہا ہے جبکہ وزارت خزانہ اس منصوبے میں شامل بینکوں کے ممکنہ قرض نقصان کا 10 فیصد تک بوجھ خود برداشت کر رہی ہے۔ اس کے علاوہ حکومت پہلے 10 سال تک مارک اپ سبسڈی بھی فراہم کر رہی ہے تاکہ ہاؤسنگ فنانس زیادہ سے زیادہ سستا اور عوام کی پہنچ میں رہ سکے۔
انہوں نے کہا کہ حکومت کی کوشش ہے کہ زیادہ سے زیادہ مستحق خاندان اس سہولت سے فائدہ اٹھائیں، جس سے نہ صرف رہائشی مسائل میں کمی آئے گی بلکہ تعمیراتی شعبے، سیمنٹ، اسٹیل، ٹائلز، الیکٹریکل مصنوعات اور دیگر متعلقہ صنعتوں میں بھی معاشی سرگرمیوں کو فروغ ملے گا۔
اس موقع پر عدنان پاشا نے حکومت کے الیکٹرک موٹرسائیکل پروگرام پر بھی روشنی ڈالی۔ انہوں نے بتایا کہ حکومت آئندہ برسوں میں 20 لاکھ الیکٹرک موٹرسائیکلیں متعارف کرانے کا منصوبہ رکھتی ہے۔ ان کے مطابق پاکستان میں تقریباً 30 لاکھ رجسٹرڈ موٹرسائیکلیں ہر سال قریب 8 ارب ڈالر مالیت کا درآمدی پٹرول استعمال کرتی ہیں، جس سے نہ صرف قیمتی زرمبادلہ خرچ ہوتا ہے بلکہ ماحولیاتی آلودگی میں بھی اضافہ ہوتا ہے۔
انہوں نے کہا کہ حکومت شہریوں کو الیکٹرک بائیکس کی خریداری پر سبسڈی اور بلاسود فنانسنگ فراہم کر رہی ہے تاکہ ایندھن پر انحصار کم کیا جا سکے، تاہم ملک میں الیکٹرک بائیکس کی پیداوار اور سپلائی کے مسائل اب بھی موجود ہیں، جنہیں دور کرنے کے لیے اقدامات کیے جا رہے ہیں۔
عدنان پاشا نے زرعی شعبے کے حوالے سے بتایا کہ حکومت نے حال ہی میں زرخیزی اسکیم بھی متعارف کرائی ہے جس کے تحت 21 بینکوں پاکستان بینکس ایسوسی ایشن اور سپارکو کے تعاون سے کسانوں کو ڈیجیٹل زرعی قرضے فراہم کیے جا رہے ہیں۔ انہوں نے کہا کہ اس منصوبے میں سیٹلائٹ مانیٹرنگ اور ریئل ٹائم ڈیٹا کے ذریعے قرضوں کے استعمال کی نگرانی کی جائے گی تاکہ شفافیت کو یقینی بنایا جا سکے اور زرعی پیداوار میں اضافہ ہو۔
حکومتی حکام کے مطابق اپنا گھر پروگرام اور دیگر مالیاتی اسکیموں کا مقصد کم آمدنی والے طبقات کو سہولت فراہم کرنے معیشت کو متحرک کرنے، تعمیراتی سرگرمیوں کو فروغ دینے اور ملک میں پائیدار ترقی کی راہ ہموار کرنا ہے۔
مزید پڑھیں۔سرکاری ملازمین کی تنخواہوں کے بعد پنشن میں بھی اضافہ
پاکستان نے ورلڈ کپ 2028 کیلیے براہ راست کوالیفائی کر لیا