ایکون اور اہلیہ کی راہیں جدا ہونے کے قریب،طلاق کی درخواست دائر
اشاعت کی تاریخ: 14th, September 2025 GMT
معروف امریکی گلوکار ایکون کی اہلیہ ٹومیکا تھیام نے شادی کی 29 ویں سالگرہ سے چند روز قبل طلاق کے لیے درخواست دائر کردی۔
غیرملکی میڈیا کے مطابق ٹومیکا نے شادی کی 29 ویں سالگرہ سے صرف 4 روز قبل عدالت میں طلاق کی درخواست دائر کردی ہے۔
بین الاقوامی میڈیا کے مطابق جمع کرائے گئے دستاویزات میں طلاق کی وجہ ناقابلِ حل اختلافات بیان کیے گئے ہیں۔ 1996ء میں شادی کرنے والی اس جوڑی کی ایک 17 سالہ بیٹی جرنی ہے۔
درخواست میں ٹومیکا نے بیٹی کی مشترکہ قانونی کسٹڈی مانگی ہے جبکہ جسمانی کسٹڈی اپنی تحویل میں رکھنے کی خواہش ظاہر کی ہے، اس کے ساتھ ساتھ انہوں نے نان نفقہ (spousal support) کا مطالبہ بھی کیا ہے۔
ایکون نے اسمیَک دیٹ اور ڈونٹ میٹر جیسے مقبول گانوں سے شہرت حاصل کی، وہ شادی اور خاندان سے متعلق اپنے منفرد خیالات کے باعث ہمیشہ خبروں میں رہے ہیں۔
ایک انٹرویو میں انہوں نے یہ بھی انکشاف کیا تھا کہ ان کے 9 بچے ہیں اور ایک باپ کی حیثیت سے ان کی ذمہ داری ہے کہ وہ اپنے بچوں کو بہتر مستقبل دیں۔
ابھی تک ایکون اور ٹومیکا نے طلاق کی درخواست پر کوئی عوامی بیان جاری نہیں کیا، تاہم شادی کی سالگرہ کے قریب اس فیصلے نے مداحوں کو حیران کر دیا ہے۔
Post Views: 5.ذریعہ: Daily Mumtaz
کلیدی لفظ: طلاق کی
پڑھیں:
اداکارہ خوشبو خان کا ارباز خان سے طلاق کے بیان پر یوٹرن
پاکستانی فلم انڈسٹری کی ماضی کی مقبول اداکارہ خوشبو خان نے اپنی طلاق سے متعلق زیرِ گردش خبروں کو مسترد کر دیا۔حال ہی میں اداکارہ نے مقامی صحافی کو انٹرویو دیا اور علیحدگی سے متعلق اپنے ماضی کے بیان پر یوٹرن لے لیا۔انہوں نے کہا کہ بعض میڈیا اداروں نے خبر چلائی کہ میری اور ارباز کی طلاق ہوگئی، جبکہ میں نے اس وقت کہا تھا کہ آپ اس بارے میں ارباز سے سوال کریں، میں ارباز کے خلاف نہ کبھی گئی ہوں اور نہ جاؤں گی، وہ میرے بچوں کے باپ ہیں اور میں ابھی بھی ان کے نکاح میں ہوں۔اداکارہ خوشبو نے واضح کرتے ہوئے کہا کہ ارباز نے مجھے طلاق نہیں دی۔واضح رہے کہ اس سے قبل خوشبو نے ایک انٹرویو میں ارباز خان پر دھوکا دہی کا الزام عائد کیا تھا اور کہا تھا کہ ارباز میرے لئے سب کچھ تھے لیکن جب بھی کسی مشکل وقت میں مجھے ان کی ضرورت پیش آئی تو وہ میرے ساتھ نہیں تھے، جس پر مجھے بہت افسوس ہوتا ہے۔انہوں نے یہ بھی کہا تھا کہ میرا اور ارباز کا کوئی جھگڑا نہیں ہوا وہ بس بغیر بتائے کہیں چلے گئے اور واپس نہیں آئے، انہیں گئے ہوئے 5 برس بیت چکے ہیں لیکن آج بھی وہ میری یادوں میں میرے ساتھ ہیں، مجھے اس بات کا بہت دکھ ہے کہ مجھے کئی برسوں سے انہیں دیکھنے کا موقع بھی نہیں ملا، مجھے سمجھ نہیں آتی کہ وہ ہمیں چھوڑ کر کیوں چلے گئے۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں