روس کے تازہ حملوں میں تین یوکرینی ہلاک ہو گئے، یوکرینی صدر
اشاعت کی تاریخ: 20th, September 2025 GMT
روس کے تازہ حملوں میں تین یوکرینی ہلاک ہو گئے، زیلنسکی
ادارت: کشور مصطفیٰ
روس نے گزشتہ شب یوکرین کے کئی علاقوں پر فضائی حملے کیے، جن میں تین افراد ہلاک اور درجنوں زخمی ہوئے۔ یہ بات یوکرینی صدر وولودیمیر زیلنسکی نے آج ہفتہ 20 ستمبر کو کہی ہے۔
انہوں نے کہا کہ روسی فوج نے گزشتہ شب کے حملوں میں 40 میزائل اور کروز میزائل اور تقریبا 580 ڈرونز استعمال کیے۔زیلنسکی کے مطابق، ’’تمام شب یوکرین روس کے وسیع حملوں کا نشانہ بنا… ایسا ہر ایک حملہ کوئی فوجی ضرورت نہیں ہے، بلکہ یہ روس کی سوچی سمجھی حکمت عملی ہے تاکہ عام شہریوں کو دہشت زدہ کیا جائے انفراسٹرکچر کو تباہ کیا جائے۔
(جاری ہے)
‘‘زیلنسکی نے کہا کہ یوکرینی علاقے دنیپروپیترووسک، مائیکولائیو، چیرنیہیو اور ژاپوریژیا کے علاوہ پولٹاوا، کییف، اوڈیسا، سومی اور خارکیف کے علاقوں میں آبادیاں بھی ان حملوں کی زد میں آئیں۔
علاقائی گورنر، سیرہی لیساک نے ٹیلیگرام پر لکھا کہ جنوب مشرقی علاقے دنیپروپیترووسک میں ایک شخص ہلاک اور 26 زخمی ہوئے۔
انہوں نے کہا کہ ڈرون اور میزائل کے مشترکہ حملے میں رہائشی عمارتوں، فارم ہاؤسز اور صنعتی تنصیبات کو بھی نقصان پہنچا۔
زیلنسکی نے ٹیلیگرام پر لکھا کہ یوکرین نے ثابت کر دیا ہے کہ وہ اپنا اور یورپ کا دفاع کر سکتا ہے۔ انہوں نے ملک پر ایک حفاظتی ڈھال بنانے، فضائی دفاع کو مضبوط بنانے، ہتھیاروں کی ترسیل بڑھانے اور روس پر پابندیوں کو دوگنا کرنے کے لیے مشترکہ کارروائی کا مطالبہ کیا۔.
ذریعہ
ذریعہ: UrduPoint
کلیدی لفظ: تلاش کیجئے حملوں میں میں تین روس کے
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار