سوشل میڈیا پر دولت کی نمائش کرنے والوں کا ڈیٹا اکٹھا، ایف بی آر بڑی کارروائی کے لیے تیار
اشاعت کی تاریخ: 20th, September 2025 GMT
فیڈرل بورڈ آف ریونیو (ایف بی آر) نے اعلان کیا ہے کہ سوشل میڈیا پر دولت کی نمائش کرنے والے اور انکم ٹیکس گوشوارے جمع نہ کرانے والے افراد کے خلاف یکم اکتوبر سے کارروائی شروع کی جائے گی۔
ایک لاکھ افراد کا ڈیٹا جمعمیڈیا رپورٹس کے مطابق ایف بی آر نے نادرا اور لائف اسٹائل مانیٹرنگ ٹیم کی مدد سے سوشل میڈیا پر اپنی عیش و عشرت دکھانے والے ایک لاکھ امیر افراد کا ڈیٹا اکٹھا کر لیا ہے۔ شادیوں پر بڑے اخراجات کرنے والے نان فائلرز کو بھی کڑی نگرانی میں رکھا جا رہا ہے۔
مہنگی گاڑیوں، کشتیوں، موٹرسائیکلوں، فارم ہاؤسز، فلیٹس، بنگلوں اور قیمتی کپڑوں، جیولری اور گھڑیوں کی نمائش کرنے والے افراد کے گوشواروں کی سختی سے جانچ پڑتال کی جائے گی۔
یہ بھی پڑھیں:ایف بی آر کا بڑا فیصلہ، ٹیکس چوری کی ٹھیک اطلاع پر ڈیڑھ کروڑ تک کا اعلان کردیا
شادیوں میں 20،20 ہزار ڈالر کے سوٹ پہننے اور نوٹ نچھاور کرنے والے بھی کارروائی کی زد میں آئیں گے۔
نادرا کی معاونت، مکمل تفصیلات ایف بی آر کے پاسایف بی آر حکام کے مطابق نادرا کی معاونت سے ان افراد کے کریڈٹ اور اے ٹی ایم کارڈز، بیرون ملک سفر اور دیگر اخراجات کی تمام تر تفصیلات حاصل کر لی گئی ہیں۔
ایف بی آر نے واضح کر دیا ہے کہ انکم ٹیکس گوشوارے جمع کرانے کی آخری تاریخ 30 ستمبر ہے اور اس میں کوئی توسیع نہیں کی جائے گی۔
جو افراد مقررہ تاریخ تک گوشوارے جمع نہیں کرائیں گے، ان کے خلاف فوری کارروائی عمل میں لائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آر پاکستان دولت کی نمائش سوشل میڈیا.ذریعہ: WE News
کلیدی لفظ: ایف بی ا ر پاکستان دولت کی نمائش سوشل میڈیا گوشوارے جمع سوشل میڈیا کرنے والے ایف بی آر کی نمائش جائے گی
پڑھیں:
دیشا پٹانی کے گھر کے باہر فائرنگ کرنے والے افراد کی ویڈیو سامنے آگئی
بالی ووڈ اداکارہ دیشا پٹانی کے گھر کے باہر فائرنگ کرنے والے افراد کی ویڈیو سامنے آگئی۔
بھارتی میڈیا کے مطابق گزشتہ جمعہ کی شب 3:30 بجے کے قریب 33 سالہ اداکارہ کے بریلی میں واقع گھر پر فائرنگ کی گئی تھی۔
اس دوران موٹرسائیکل پر سوار 2 افراد اندھا دھند فائرنگ کر کے فرار ہوگئے تھے۔
بھارتی میڈیا کے مطابق دیشا پٹانی کی رہائش گاہ پر فائرنگ کرنے والے 2 ملزمان 17 ستمبر کو اتر پردیش کے علاقے غازی آباد میں پولیس مقابلے میں مارے گئے تھے۔ دونوں ملزمان کا تعلق ممتاز بین الاقوامی جرائم پیشہ گروہ سے تھا۔
View this post on InstagramA post shared by Times Now (@timesnow)
اداکارہ کے گھر پر حملے کی ذمہ داری بدنام زمانہ گینگسٹر روہت گودارا اور گولڈی برار گینگ نے سوشل میڈیا پوسٹ کے قبول کی تھی۔
خیبر پختونخوا میں سیکیورٹی فورسز کی کارروائیاں، 35 دہشتگرد ہلاک، 12 جوان شہید