پاک،سعودیہ دفاعی معاہدہ: کیا مطالبات رکھے گئے؟
اشاعت کی تاریخ: 20th, September 2025 GMT
حالیہ دنوں پاکستان اور سعودی عرب کے درمیان ایک ب اہم دفاعی معاہدہ طے پایا ہے، جسے بعض مبصرین نیٹو جیسے اتحاد کی ابتدائی شکل قرار دے رہے ہیں۔ اگرچہ فی الحال اس میں صرف دو ممالک شامل ہیں، لیکن امکان ہے کہ جلد ہی دیگر عرب اور مسلم ممالک بھی اس میں شامل ہوں گے۔
یہ معاہدہ نیٹو جیسا کیوں ہے؟
نیٹو کے آرٹیکل 5 کے مطابق، کسی ایک رکن ملک پر حملہ پورے اتحاد پر حملہ تصور ہوتا ہے۔ پاک-سعودیہ معاہدے میں بھی اسی طرح کی شق شامل ہے کہ اگر ان میں سے کسی ایک ملک پر حملہ ہو تو دونوں اسے مشترکہ خطرہ تصور کریں گے اور مل کر جواب دیں گے۔
دفاعی اتحاد کی ضرورت کیوں پیش آئی؟
یہ معاہدہ ایک ایسے وقت میں ہوا جب اسرائیل نے قطر پر حملہ کیا، باوجود اس کے کہ وہاں امریکی فوجی اڈے موجود ہیں۔ اس واقعے نے عرب دنیا کو جھنجھوڑ کر رکھ دیا اور انہیں یہ احساس دلایا کہ امریکا ان کا قابلِ بھروسہ محافظ نہیں۔ چنانچہ، خطے میں ایک اسلامی دفاعی بلاک بنانے کی سوچ ابھری، جس میں پاکستان کلیدی کردار ادا کر سکتا ہے۔
گریٹر اسرائیل منصوبہ
بہت سے ماہرین کا ماننا ہے کہ اسرائیل کا طویل المدتی منصوبہ گریٹر اسرائیل” ہے، جس میں عرب ممالک کے کئی علاقے شامل کرنے کی بات کی جاتی ہے۔ کچھ خفیہ نقشوں میں مدینہ منورہ تک کو شامل کیا گیا ہے۔ یہی خدشات سعودی عرب کو پاکستان جیسے ایٹمی طاقت رکھنے والے اتحادی کی طرف لے گئے۔
پاکستان کا مطالبہ کیا تھا؟
معاہدے سے قبل پاکستان نے سعودی حکام کے ساتھ کئی نشستیں کیں اور واضح طور پر کہاکہ ہمیںبھارت، اسرائیل گٹھ جوڑ کے خلاف سعودی حمایت درکار ہے۔ اسرائیل جہاں عرب دنیا کے لیے خطرہ ہے، وہیں بھارت پاکستان کے لیے براہِ راست خطرہ ہے، اور دونوں ایک دوسرے کے اتحادی ہیں۔
پاکستان کو فائدہ کیا ہوگا؟
سعودی عرب کی حمایت سے پاکستان کو سفارتی، دفاعی اور انٹیلی جنس سطح پر تقویت ملے گی۔
مستقبل میں اگر بھارت حملہ کرے اور اسرائیل اس کی مدد کرے تو پاکستان تنہا نہیں ہوگا۔
معاشی اور اسٹریٹیجک تعلقات مزید مضبوط ہوں گے، خاص طور پر سعودی سرمایہ کاری اور تیل کے معاملات میں۔
تاریخی تناظر
پاکستان اور سعودی عرب کا دفاعی تعاون نیا نہیں۔ 1969 سے پاکستانی پائلٹس سعودی فضائیہ کی مدد کر رہے ہیں۔ 1979 میں خانہ کعبہ پر حملے کے وقت پاکستانی کمانڈوز نے آپریشن میں حصہ لیا۔ 1980 کی دہائی میں ایران،عراق جنگ کے دوران ہزاروں پاکستانی فوجی سعودی عرب میں تعینات رہے۔
ذریعہ
ذریعہ: Daily Mumtaz
کلیدی لفظ: پر حملہ
پڑھیں:
ٹرمپ کے بدلتے پینترے
امریکا ایران معاہدے کے حوالے سے فریقین کے درمیان بیشتر نکات پر اتفاق ہو چکا ہے، تاہم حتمی معاہدے کے لیے ابھی وقت درکار ہے۔ بعض معاملات پر دونوں جانب سے سخت گیر موقف کے باعث مذاکرات کی تان بار بار ٹوٹ جاتی ہے۔ بالخصوص امریکی صدر ڈونلڈ ٹرمپ کے بدلتے ہوئے بیانات، غیر لچکدار رویے اور نت نئی شرائط پیش کرنے کی وجہ سے تادم تحریر حتمی معاہدہ طے نہ پا سکا۔ نیز مذاکرات کا عمل ہنوز جاری ہے۔
دونوں جانب سے تجاویز اور شرائط کا تبادلہ کیا جا رہا ہے۔ پاکستان سر توڑ کوشش میں مصروف ہے کہ کسی صورت امریکا اور ایران کے درمیان مفاہمت ہو جائے اور حتمی معاہدہ طے پا جائے تاکہ مشرق وسطیٰ میں امن قائم ہو، سروں پر منڈلاتے جنگ کے بادل ہمیشہ کے لیے ختم ہو جائیں۔ اس ضمن میں فیلڈ مارشل عاصم منیر کی کاوشوں کو عالمی سطح پر سراہا جا رہا ہے ابھی چند روز قبل فیلڈ مارشل نے ایران کا ہنگامی دورہ اور ایران کی اعلیٰ قیادت سے ملاقات کرکے مجوزہ امن معاہدے کے نکات پر بات چیت کی۔ عالمی ذرائع ابلاغ نے فیلڈ مارشل کے تہران کے دورے کو نمایاں طور پر شائع کیا جس کے مطابق فیلڈ مارشل کے تہران دورے نے مذاکرات کو حتمی نتیجے تک پہنچانے میں کلیدی کردار ادا کیا۔
ایرانی خبر رساں ایجنسی کے مطابق دو تین نکات پر اختلاف اب بھی برقرار ہے۔ الجزیرہ کے مطابق واشنگٹن منجمد اثاثوں کی بحالی اور لبنان میں جنگ کے دو اہم نکات پر مفاہمت سے پیچھے ہٹ گیا ہے۔ یورینیم کی افزودگی اور آبنائے ہرمز پر جنگ کے آغاز سے پہلے کی طرح مکمل ایرانی کنٹرول پر بھی اختلاف اپنی جگہ موجود ہے۔ امریکی صدر ڈونلڈ ٹرمپ کا کہنا ہے کہ انھوں نے اپنی مذاکراتی ٹیم کو ہدایت جاری کر دی ہے کہ معاہدے میں جلد بازی نہ کرے، کوئی غلطی نہیں ہونی چاہیے اور وقت ہمارے ہاتھ میں ہے۔ صدر ٹرمپ نے یہ بھی عندیا دیا ہے کہ کسی بھی حتمی معاہدے تک ایرانی بندرگاہوں کی ناکہ بندی جاری رہے گی۔
دوسری جانب ایران کے سپریم لیڈر کے فوجی مشیر محسن رضائی کا موقف ہے کہ قومی سلامتی کو یقینی بنانے کے لیے آبنائے ہرمز کا انتظام سنبھالنا ایران کا قانونی حق ہے۔ ایرانی صدر مسعود پزشکیان نے یہ اہم بیان دیا ہے کہ ان کا ملک دنیا کو اس بات کا یقین دلانے کو تیار ہے کہ وہ جوہری ہتھیار حاصل کرنے کا خواہاں نہیں ہے لیکن ایرانی مذاکرات کار ملک کی عزت اور وقار پر کوئی سمجھوتہ نہیں کریں گے۔ جوہری ہتھیاروں کی تیاری کے حوالے سے ایران کی اعلانیہ پیش کش کے بعد صدر ٹرمپ کا افزودہ یورینیم کی ایران سے منتقلی پر زور دینے کا جواز باقی نہیں رہتا، لیکن اسرائیلی وزیر اعظم نیتن یاہو کا یہ بیان کہ ان کی اور صدر ٹرمپ کی پالیسی میں کوئی تبدیلی نہیں آئی۔
ہمارے مابین اس بات پر مکمل اتفاق ہے کہ تہران کے ساتھ کسی بھی حتمی معاہدے میں جوہری خطرے کا مکمل خاتمہ ہونا چاہیے، اس امر کا عکاس ہے کہ اسرائیل امریکا ایران ممکنہ معاہدے کو سبوتاژ کرنا چاہتا ہے نیتن یاہو کی کوشش اور خواہش ہے کہ ایران کے ساتھ معاہدہ ان کی مرضی کے مطابق ہو اور خطے میں اس کا اثر و رسوخ کم نہ پڑنے پائے۔ اسی باعث وہ صدر ٹرمپ کو بہکاتے اور اکساتے رہتے ہیں اور صدر ٹرمپ اسرائیل کی سازشی چالوں کے فریب میں آ کر ایسے دھمکی آمیز بیانات جاری کرتے ہیں جن سے امن مذاکرات چار قدم آگے بڑھتے ہیں تو دو قدم پھر پیچھے ہٹ جاتے ہیں اور پرنالہ وہیں کا وہیں رہتا ہے۔
ابھی امن مذاکرات حتمی مراحل میں داخل نہیں ہوئے کہ صدر ٹرمپ نے پھر معاہدہ ابراہیمی کا نیا شوشہ چھوڑ دیا ہے۔ ساتھ ہی صدر ٹرمپ نے یہ بھی کہہ دیا ہے کہ ایران کے ساتھ ایک عظیم معاہدہ ہوگا یا پھر کوئی معاہدہ نہیں ہوگا اور دوبارہ جنگ ہوگی۔ صدر ٹرمپ کے دھمکی آمیز صبح شام بدلتے بیانات مطالبات اور کڑی شرائط معاہدے کو سبوتاژ کرنے کا باعث بن سکتے ہیں ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ