گٹر کی صفائی کے دوران 3 افراد جاں بحق
اشاعت کی تاریخ: 21st, September 2025 GMT
ویب ڈیسک:کراچی کے علاقے گارڈن عثمان آباد میں گٹر کی صفائی کے دوران 3 افراد جاں بحق ہوگئے جبکہ چوتھے شخص کی حالت تشویش ناک ہے۔
اہلِ علاقہ کا کہنا ہے کہ صفائی کے لیے مین ہول میں اترنے والے شخص نے مدد کے لیے پکارا جس کے بعد اسے بچانے باپ اور دوسرا بیٹا گئے تاہم وہ بھی جان سے گئے۔
پولیس کے مطابق تینوں افراد کو بچانے کیلئے جانے والے شخص کو تشویشناک حالت میں اسپتال منتقل کردیا گیا ہے۔
جلد کے ٹیٹوز سے اکتا کر چینی نوجوان دانتوں پر ٹیٹوز بنوانے لگے
علاقہ مکین کے مطابق ڈوبنے والے تینوں افراد کو واٹر کارپوریشن نے صفائی کے لیے بلایا تھا، جو 15ہزار روپے کے عوض صفائی کیلئے گئے، واٹر کارپوریشن کی گاڑیوں میں رسیاں تک نہیں تھیں۔
.ذریعہ: City 42
کلیدی لفظ: صفائی کے
پڑھیں:
سوشل میڈیا پر دولت کی نمائش کرنیوالے نان فائلرز کی لسٹیں تیار
ایف بی آر مانیٹرنگ ٹیم نے ان کے اخراجات، بینک اکاؤنٹس، کریڈٹ اور اے ٹی ایم کارڈز کی تفصیلات حاصل کرلی
مہنگے کپڑوں، زیورات، گھڑیوں اور شادی یا قوالی تقریبات میں نوٹ نچھاور کرنیوالوں کیخلاف کارروائی کا آغاز کر دیا
سوشل میڈیا پر دولت کی نمائش کرنیوالے نان فائلرز کی لسٹیں تیار کرلی گئیں اور ان کے اخراجات، بینک اکاؤنٹس، کریڈٹ اور اے ٹی ایم کارڈز کی تفصیلات بھی حاصل کرلی ہیں۔تفصیلات کے مطابق فیڈرل بورڈ آف ریونیو (ایف بی آر) نے سوشل میڈیا پر دولت کی نمائش کرنے والے افراد کے خلاف کارروائی کا آغاز کر دیا ہے۔ذرائع نے بتایا کہ ایف بی آر کی سوشل میڈیا لائف اسٹائل مانیٹرنگ ٹیم نے شہریوں کے آن لائن رویوں، پوسٹس اور ویڈیوز سے اہم مالیاتی ڈیٹا حاصل کرلیا ہے۔ذرائع کا کہنا ہے کہ مہنگی گاڑیوں، کشتیوں، بنگلوں، فلیٹس، فارم ہاؤسز اور دیگر قیمتی اثاثوں کی نمائش کرنے والے مگر گوشوارے جمع نہ کرانے والے افراد ایف بی آر کے ریڈار پر آگئے ہیں۔ذرائع نے مزید بتایا گیا کہ مہنگے کپڑوں، زیورات، گھڑیوں اور شادی یا قوالی تقریبات میں نوٹ نچھاور کرنے والوں کے خلاف بھی کارروائی کا فیصلہ کیا گیا ہے۔ذرائع کا کہنا تھا کہ ایف بی آر نے ان افراد کی نادرا سے مدد لے کر شناخت مکمل کرلی ہے، جب کہ ان کے اخراجات، بینک اکاؤنٹس، کریڈٹ اور اے ٹی ایم کارڈز کی تفصیلات بھی حاصل کرلی گئی ہیں۔ذرائع کے مطابق مہنگے ہوٹلوں میں کھانوں کی نمائش کرنے والے اور بیرونِ ملک پرتعیش سفر دکھانے والے افراد کے بھی مالی گوشوارے چیک کیے جا رہے ہیں۔ابتدائی فہرست میں ایسے افراد شامل ہیں جنہوں نے سوشل میڈیا پر دولت، گاڑیوں، یا تقریبات کی نمائش تو کی مگر انکم ٹیکس گوشوارے جمع نہیں کرائے۔ایف بی آر کا کہنا ہے کہ ثبوت کی بنیاد پر کارروائی ہوگی اور غیر ظاہر شدہ آمدنی پر بھاری جرمانے عائد کیے جائیں گے۔
پشاور: وزیراعلیٰ خیبر پختونخوا سہیل آفریدی سینیٹ کے ضمنی انتخابات میں اپنا ووٹ کاسٹ کررہے ہیں