نتین یاہو نے شام کیساتھ مذاکرات میں پیشرفت کی خبر دیدی
اشاعت کی تاریخ: 21st, September 2025 GMT
اپنے ایک انٹرویو می ابو محمد الجولانی کا کہنا تھا کہ اسرائیل کے ساتھ معاہدے کا مطلب، صیہونی رژیم کے ساتھ تعلقات کی بحالی یا "ابراہیم معاہدے" میں شمولیت نہیں ہے۔ اسلام ٹائمز۔ آج کابینہ اجلاس کے دوران صیہونی وزیراعظم "نیتن یاہو" نے کہا کہ تل ابیب اور دمشق کے درمیان مذاکرات میں پیش رفت ہو رہی ہے، تاہم ابھی حتمی معاہدے پر دستخط کے لئے حالات سازگار نہیں۔ نتین یاہو کا یہ بیان اس وقت سامنے آیا جب شام پر قابض باغیوں کے سربراہ "ابو محمد الجولانی" نے حال ہی میں اسی نوعیت کے خیالات کا اظہار کیا۔ ابو محمد الجولانی نے گزشتہ روز ایک ترک میڈیا کو انٹرویو دیتے ہوئے امکان ظاہر کیا کہ مستقبل قریب میں اسرائیل کے ساتھ کوئی معاہدہ طے پا سکتا ہے۔ البتہ انہوں نے واضح کیا کہ اسرائیل کے ساتھ معاہدے کا مطلب، صیہونی رژیم کے ساتھ تعلقات کی بحالی یا "ابراہیم معاہدے" میں شمولیت نہیں ہے۔ واضح رہے کہ شام پر قابض باغیوں نے اس ملک میں اقتدار سنبھالنے کے چند ماہ بعد ہی اسرائیل کے ساتھ مذاکرات کا آغاز کیا۔
دونوں فریقوں کے درمیان مذاکرات، اپریل 2025ء کے وسط سے شروع ہوئے۔ اسی تناظر میں ابو محمد الجولانی نے 13 اپریل کو متحدہ عرب امارات کے سرکاری دورے کے دوران ابوظہبی میں اسرائیلی حکام سے ملاقات کی۔ یہ ملاقات اماراتی ثالث کے ذریعے ہوئی، جس نے دمشق اور تل ابیب کے درمیان بالواسطہ بات چیت کی راہ ہموار کی۔ بعد ازاں، 7 مئی 2025ء کو ابو محمد الجولانی نے خبر رساں ادارے ایسوسی ایٹڈ پریس کو انٹرویو دیتے ہوئے اسرائیل کے ساتھ بالواسطہ مذاکرات کے آغاز کی تصدیق کی اور کہا کہ یہ مذاکرات ثالثوں کے ذریعے ہو رہے ہیں، جن کا مقصد کشیدگی میں کمی لانا ہے۔ ذرائع کے مطابق، اب تک ان مذاکرات میں سیکورٹی امور اور 1974ء میں متعین ہونے والی مقبوضہ گولان ہائٹس پر بات چیت جاری ہے۔
ذریعہ
ذریعہ: Islam Times
کلیدی لفظ: ابو محمد الجولانی اسرائیل کے ساتھ
پڑھیں:
اب وقت آگیا، دونوں ممالک کسی نہ کسی شکل میں ایک معاہدے تک پہنچ جائیں، ٹرمپ کا ایران کو پیغام
واشنگٹن: امریکی صدر ڈونلڈ ٹرمپ نے کہا ہے کہ انہوں نے ایران کو واضح پیغام دیا ہے کہ اب وقت آگیا ہے کہ دونوں ممالک کسی نہ کسی شکل میں ایک معاہدے تک پہنچ جائیں۔
اپنے تازہ بیان میں صدر ٹرمپ نے کہا کہ ایران گزشتہ 47 برس سے جس طرزِ عمل پر عمل پیرا ہے، اسے مزید جاری رکھنے کی اجازت نہیں دی جا سکتی۔ ان کا کہنا تھا کہ موجودہ حالات میں سفارتی حل اور معاہدہ ہی آگے بڑھنے کا بہترین راستہ ہے۔
ڈونلڈ ٹرمپ نے امریکا اور ایران کے درمیان مذاکرات کے تعطل سے متعلق خبروں کو بھی مسترد کر دیا۔ انہوں نے کہا کہ بعض اطلاعات کے برعکس دونوں ممالک کے درمیان رابطے اور بات چیت مسلسل جاری ہے اور مذاکرات کا عمل رکا نہیں ہے۔
امریکی صدر کے مطابق ایران اور امریکا کے درمیان ہونے والی گفتگو مختلف معاملات پر جاری ہے، تاہم ابھی یہ کہنا قبل از وقت ہوگا کہ مذاکرات کا حتمی نتیجہ کیا نکلے گا۔
انہوں نے مزید کہا کہ اس وقت کوئی بھی یقین کے ساتھ نہیں کہہ سکتا کہ یہ مذاکرات کس سمت جائیں گے یا ان کا اختتام کس نوعیت کے معاہدے پر ہوگا، لیکن دونوں فریقوں کے درمیان رابطے برقرار ہیں۔
ٹرمپ کا بیان ایسے وقت میں سامنے آیا ہے جب حالیہ ہفتوں میں امریکا اور ایران کے درمیان ممکنہ معاہدے، جوہری پروگرام، علاقائی کشیدگی اور اقتصادی پابندیوں کے حوالے سے مختلف قیاس آرائیاں جاری ہیں۔
عالمی مبصرین کی نظریں بھی دونوں ممالک کے درمیان جاری سفارتی رابطوں پر مرکوز ہیں کیونکہ کسی بھی ممکنہ پیش رفت کے مشرق وسطیٰ اور عالمی سیاست پر اہم اثرات مرتب ہو سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ