توشہ خانہ ٹو کیس ، سابق ملٹری سیکرٹری کا بلغاری سیٹ جمع نہ کروانے کا اعتراف
اشاعت کی تاریخ: 22nd, September 2025 GMT
عمران خان اور بشری بی بی نے تحفہ توشہ خانہ میں جمع نہ کروانے کی ہدایت کی تھی، بریگیڈیٔر ریٹائرڈ محمد احمد
سعودی ولی عہد تحائف پر وزارت خارجہ نے وزیراعظم آفس کو تحریری طور پر آگاہ کیا تھا،بیان سامنے آگیا
بانی پی ٹی آئی اور بشریٰ بی بی کے خلاف توشہ خانہ ٹو کیس کے چشم دید گواہ سابق ملٹری سیکرٹری کا عدالت میں ریکارڈ کروایا گیا بیان سامنے آگیا۔ بریگیڈیٔر ریٹائرڈ محمد احمد نے بلغاری سیٹ توشہ خانہ میں جمع نہ کروانے کا اعتراف کیا ۔ کہا بانی پی ٹی آئی اور بشری بی بی نے تحفہ توشہ خانہ میں جمع نہ کروانے کی ہدایت کی تھی۔بریگیڈیٔر ریٹائرڈ محمد احمد مئی 2020 سے اپریل 2022 تک وزیراعظم کے ملٹری سیکرٹری رہ چکے ہیں۔ 2021 میں دورہ سعودی عرب کے دوران بھی وہ سابق وزیراعظم کے ساتھ تھے۔سابق ملٹری سیکرٹری کے مطابق بلغاری جیولری سیٹ سعودی ولی عہد نے تحفے میں دیا تھا۔ تحائف میں عود کی بوتلیں،زیتون کا تیل، کھجور اور کتاب بھی شامل تھی۔ بریگیڈیٔر ریٹائرڈ محمد احمد کے مطابق بانی پی ٹی آئی نے تحائف توشہ خانہ میں جمع کروانے سے روکا تھا۔ تمام تحائف کی سرکاری پروٹوکول کے مطابق تصاویر بنائی گئیں۔بیان کے مطابق سعودی تحائف پر وزارت خارجہ نے وزیراعظم آفس کو تحریری طور پر آگاہ کیا تھا۔ سعودی تحائف کی مالیت 29 لاکھ ساڑھے 14 ہزار روپے لگائی گئی۔ سابق ملٹری سیکرٹری کے مطابق سعودی ولی عہد سے بشریٰ بی بی کو ملنے والے تحائف کے عوض رقم جمع کروائی گئی۔ توشہ خانہ سیکشن کی طرف سے کوئی اعتراض نہیں آیا۔ تحائف کی مالیت کا تعین اور توشہ خانہ کے ساتھ خط و کتابت بانی کے حکم پر ہوئی۔
ذریعہ: Juraat
کلیدی لفظ: سابق ملٹری سیکرٹری توشہ خانہ میں جمع جمع نہ کروانے کے مطابق
پڑھیں:
سابق صدر کے یوجے دستورحامد الرحمن کے والد سپرد خاک
data-id="863a0a8" data-element_type="widget" data-widget_type="theme-post-content.default">
250920-08-8
کراچی(اسٹاف رپورٹر)کراچی پریس کلب کے سینئر ممبر،سیکرٹری ہیلتھ کمیٹی اور کراچی یونین آف جرنلسٹس دستور کے سابق صدر و سیکرٹری، سما ٹی وی چینل کے سینئر رپورٹر حامد الرحمن کے والد فضل الرحمن جمعہ کی علی الصبح خالق حقیقی سے جاملے ،وہ کچھ عرصے سے علیل تھے ۔مرحوم کی نماز جنازہ بعد نمازجمعہ عید گاہ گراونڈ ہزارہ کالونی کالا پل پر اداکی گئی۔ بعد ازاں انہیں مقامی قبرستان میں سپرد خاک کر دیا گیا۔نمازجنازہ میں جماعت اسلامی کراچی کے امیر منعم ظفر خان، امیر ضلع جنوبی سفیان دلاور، سینئر ڈپٹی سیکرٹری اطلاعات و انچارج سوشل میڈیا کراچی صہیب احمد ، صدرپاکستان اسلامک میڈیکل ایسوسی ایشن (پیما) پاکستان ڈاکٹر عاطف حفیظ،سندھ کے صدر ڈاکٹر عبد اللہ متقی، صدر پریس کلب فاضل جمیلی، سیکرٹری سہیل افضل خان، جوائنٹ سیکرٹری محمد منصف، ممبر گورننگ باڈی قاضی محمد یاسر، عبدالحفیظ بلوچ، سابق صدر سعید سربازی،سابق سیکرٹریز محمد رضوان بھٹی، شعیب احمد،سابق جوائنٹ سیکرٹری محمد اسلم خان، پی ایف یو جے دستور کے سیکرٹری اے ایچ خانزادہ،اسسٹنٹ سیکرٹری پی ایف یو جے جاوید اصغر چودھری، کے یوجے دستور کے صدر نصر اللہ چودھری، سیکرٹری ریحان خان ، سینئر نائب صدر فاروق سمیع، نائب صدر منصور احمد، نیو نیوز کے فواد احمد، اظہر حسین، فیض اللہ خان، سمیت صحافیوں، عزیز و اقارب اور شہریوں کی ایک بڑی تعداد نے شرکت کی۔ علاوہ ازیں منعم ظفر خان نے حامد الرحمن سے ملاقات کی اور والد کے انتقال پر گہرے دکھ اور غم کا اظہار کرتے ہوئے مرحوم کے لیے مغفرت ،لواحقین وپسماندگان کے لیے صبر جمیل کی دعا کی ہے۔ کراچی پریس کلب سے جاری اپنے تعزیتی بیان میںکراچی پریس کے صدر فاضل جمیلی، سیکرٹری سہیل افضل خان ، مجلس عاملہ اور پریس کلب کے عہدیداروں نے حامد الرحمن کے والد کے انتقال پر گہرے رنج و غم کا اظہار کرتے ہوئے کہا کہ غم کی اس گھڑی میں ہم حامد الرحمن اور ان کے اہل خانہ کے دکھ میں برابر کے شریک ہیں۔انہوں نے دعا کی کہ اللہ پاک مرحوم کو اپنے جوار رحمت میں اعلیٰ مقام عطا فرمائے اور لواحقین کو صبر جمیل دے ۔
پاکستان مقبوضہ کشمیر کے عوام کی حمایت جاری رکھے گا، عطاء اللہ تارڑ