سکھر،یوسی9 نیوگوٹھ میں ترقیاتی کام زوروشور سے جاری ہیں ، ذاکربندھانی
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
250923-11-2
سکھر(نمائندہ جسارت )سکھر میونسپل کارپوریشن ( مکی شاہ ٹائون ) کی یوسی 9 نیو گوٹھ کے چیئرمین محمد ذاکر بندھانی نے کہا ہے کہ علاقہ مکینوں کی بے لوث عوامی خدمات کا سلسلہ جاری و ساری ہے علاقہ مکینوں کے تعاون سے ہی انشاء اللہ یوسی کو مثالی یوسی بنایا جائیگا ، ہم نے علاقہ مکینوں سے جو بھی وعدے کئے ان کو پورا کرنے کی ہر ممکن کوشش کررہے ہیں بہت جلد دیگر دیرینہ مسائل کی طرح یوسی نیو گوٹھ کے مکینوں کو پانی کے سلسلے میں درپیش مشکلات بھی حل ہو جائینگی ان خیالات کا اظہار انہو ں نے یوسی کے وارڈ 2کی پٹھان برادری کی جانب سے اپنے دیئے گئے اعزازیہ کے موقع پر گفتگو کے دوران کیا گیا ، تقریب میں یوسی 9 وارڈ 2کی پٹھان برادری کے معززین سمیت کونسلرز صاحبان و دیگر شریک تھے۔ علاقہ مکینوں اور یوسی چیئرمین کے مابین وارڈ کے ترقیاتی کاموں کے حوالے سے بھی بات چیت کی گئی اور یوسی چیئرمین ذاکر بندھانی نے کچھ کاموں پر کاروائی کی یقین دہانی کرائی اور ان کاموں کے حوالے سے 2رکنی کمیٹی تشکیل دی گئی جو کاموں کے حوالے سے براہ راست یوسی چیئرمین سے رابطے میں ہوںگی۔ علاقہ مکینوں نے یوسی چیئرمین ذاکر بندھانی سے یوسی میں ترقیاتی کاموں سمیت دیگر مسائل کے حل پر اظہار تشکر کرتے ہوئے اپنے مکمل تعاون کا بھی یقین دلایا۔
ذریعہ: Jasarat News
کلیدی لفظ: علاقہ مکینوں یوسی چیئرمین
پڑھیں:
وزیرِ اعلیٰ سندھ کے حکم پر اونٹ کا علاج جاری
سکھر میں ٹانگ کاٹنے سے زخمی ہوئے اونٹ کو وزیرِ اعلیٰ سندھ مراد علی شاہ کے حکم پر علاج کے لیے لے جایا جا رہا ہے—سوشل میڈیا ویڈیو گریبسکھر میں اونٹ کی ٹانگ کاٹنے کے واقعے پر وزیرِاعلیٰ سندھ مراد علی شاہ کے نوٹس لینے کے بعد ان کے حکم پر عمل درآمد کرتے ہوئے زخمی اونٹ کا علاج کیا جا رہا ہے۔
ترجمان وزیرِ اعلیٰ سندھ عبدالرشید چنا کے مطابق وزیرِاعلیٰ سندھ مراد علی شاہ کا اس حوالے سے کہنا ہے کہ بے زبان جانوروں پر ظلم ناقابلِ برداشت ہے، جانوروں پر ظلم کرنے والوں کے خلاف کارروائی ہو گی۔
وزیرِ اعلیٰ سندھ کے حکم پر چیئرمین ڈسٹرکٹ کونسل کمیل شاہ کی نگرانی میں روہڑی میں زخمی اونٹ کا علاج جاری ہے۔
سکھر کی تحصیل صالح پٹ میں با اثر وڈیرے نے مبینہ طور پر بے زبان اونٹنی کو بد ترین تشدد کا نشانہ بنایا۔
وزیرِاعلیٰ سندھ مراد علی شاہ نے ہدایت کی ہے کہ اگر ضرورت پڑے تو مزید علاج کے لیے زخمی اونٹ کو کراچی منتقل کیا جائے۔
زخمی اونٹ کے علاج پر اس کے مالک محمد امین نے سندھ حکومت کے اقدامات پر اطمنان کا اظہار کرتے ہوئے کہا ہے کہ وزیرِ اعلیٰ سندھ کی ہدایت پر ضلعی چیئرمین، مختارِکار اور دیگر حکام موقع پر پہنچے، وزیرِ اعلیٰ سندھ مراد علی شاہ اور چیئرمین ڈسٹرکٹ کونسل سکھر کمیل شاہ کے مشکور ہیں۔
چیئرمین ڈسٹرکٹ کونسل سکھر کمیل شاہ نے وزیرِ اعلیٰ سندھ کو رپورٹ بھی پیش کر دی جس کے مطابق روہڑی میں جانوروں کے اسپتال کے ڈاکٹرز کی ٹیم اونٹ کا علاج کر رہی ہے۔
سید کمیل شاہ کا کہنا ہے کہ اگر ضرورت پڑی تو اونٹ کا علاج کراچی میں کروایا جائے گا۔
یاد رہے کہ گزشتہ رات کچھ لوگ اونٹ کو کلہاڑیوں سے زخمی کر کے فرار ہو گئے تھے جس پر وزیرِ اعلیٰ سندھ نے نوٹس لیتے ہوئے مجرموں کے خلاف کارروائی کرنے کی ہدایت کی تھی۔
بلوچستان کے اسکواش کھلاڑی شاہد مسعود خان نے یورپ و امریکا میں کامیابی کے جھنڈے گاڑدیے