ضمنی بلدیاتی انتخابات: سندھ کے 14 اضلاع میں 24 ستمبر کو عام تعطیل
اشاعت کی تاریخ: 22nd, September 2025 GMT
سندھ حکومت نے 24 ستمبر کو ہونے والے ضمنی بلدیاتی انتخابات کے موقعے پر متعلقہ اضلاع میں عام تعطیل کا اعلان کیا ہے۔
یہ بھی پڑھیں: سندھ بلدیاتی انتخابات ری پولنگ نتائج، 59نشستوں میں سے 39 پر پیپلز پارٹی کامیاب
یہ فیصلہ صوبے میں 14 اضلاع میں ہونے والے بلدیاتی ضمنی انتخابات کے پیش نظر کیا گیا ہے جہاں 28 نشستوں پر پولنگ ہوگی۔
سندھ حکومت کی جانب سے جاری اعلامیے کے مطابق ان ضمنی انتخابات میں جن نشستوں پر پولنگ ہو گی ان میں 2ضلع کونسل نشستیں،6 چیئرمین،7 وائس چیئرمین اور13 جنرل وارڈ ممبران کی سیٹیں شامل ہیں۔
الیکشن کمیشن سندھ کے ترجمان کے مطابق167 پولنگ اسٹیشنز قائم کیے گئے ہیں جن میں سے 127 کو انتہائی حساس اور 34 کو حساس قرار دیا گیا ہے۔ ان میں 17 مردوں کے لیے اور 17 خواتین کے لیے جبکہ 134 مشترکہ پولنگ اسٹیشنز ہوں گے۔
مزید پڑھیے: سندھ حکومت اور بلدیاتی اداروں کے دعوے بارش کے پانی میں بہہ گئے، فاروق ستار
پولنگ کے دوران 1،512 اہلکار ڈیوٹی انجام دیں گے جن میں 14 ضلعی مانیٹرنگ افسران اور21 دیگر مانیٹرنگ افسران شامل ہوں گے۔
ووٹرز کی تعدادرجسٹرڈ ووٹرز کی مجموعی تعداد 243،187 ہے جس میں 133,038 مرد جبکہ 110,154 خواتین ووٹرز شامل ہیں۔
انتخابی ضابطہ اخلاقالیکشن ایکٹ 2017 کی دفعہ 182 کے تحت تمام سیاسی جماعتوں پر پبلک اجتماعات، ریلیوں، جلسوں اور کارنر میٹنگز پر 48 گھنٹے پہلے سے پابندی ہوگی۔
مزید پڑھیں: سندھ میں ضمنی بلدیاتی انتخابات: مرتضیٰ وہاب صدر کی یوسی 13 سے چیئرمین منتخب
یہ پابندی 22 اور 23 ستمبر کی درمیانی رات سے پولنگ کے اختتام تک مؤثر رہے گی۔
موبائل فون پر پابندیپولنگ اسٹیشنز کے اندر موبائل فون لے جانے پر پابندی عائد ہو گی، تاہم پولنگ اسٹاف اور سیکیورٹی اہلکاروں کو اس پابندی سے مستثنیٰ ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلدیات کے ضمنی انتخابات بلدیاتی انتخابات پولنگ سندھ سندھ 14 اضلاع میں پولنگ سندھ بلدیاتی ضمنی انتخابات سندھ میں عام تعطیل.ذریعہ: WE News
کلیدی لفظ: بلدیات کے ضمنی انتخابات بلدیاتی انتخابات پولنگ سندھ 14 اضلاع میں پولنگ سندھ بلدیاتی ضمنی انتخابات سندھ میں عام تعطیل بلدیاتی انتخابات ضمنی انتخابات اضلاع میں
پڑھیں:
خیبرپختونخوا کے بلدیاتی نمائندوں کا ایک بار پھر سڑکوں پر نکلنے کا اعلان
پشاور:خیبرپختونخوا کے بلدیاتی نمائندوں نے ایک بار پھر سڑکوں پر نکلنے کا اعلان کردیا۔
صوبہ بھر کے بلدیاتی نمائندے 30 ستمبر کو پشاور میں صوبائی اسمبلی کے سامنے دھرنا دیں گے، بلدیاتی نمائندوں کی جانب سے آل پارٹیز کانفرنس کے لیے کمیٹی بھی تشکیل دے دی گئی۔
ترجمان لوکل کونسلز ایسوسی ایشن عزیز اللہ خان مروت کے مطابق خیبرپختونخوا کے بلدیاتی نمائندوں نے مستحکم بلدیاتی نظام، عوام کو سماجی ومیونسپل سروسز فراہمی، عوامی حقوق کے تحفظ کے لیے متعدد بار احتجاج کیا اور وزیراعلیٰ سردار علی امین گنڈاپور سے مذاکرات کیے جس میں ہر بار بلدیاتی نمائندوں کو ان کے قانونی آئینی اختیارات کے ساتھ ساتھ ترقیاتی فنڈز کی فراہمی کے وعدے کیے گئے مگر صوبائی حکومت اپنے کسی وعدے کو پورا نہیں کر سکی جس پر لوکل کونسلز ایسوسی ایشن خیبر پختونخوا نے ایک دفعہ پھر سڑکوں پر نکلنے کا فیصلہ کیا ہے۔
انہوں نے کہا کہ 30 ستمبر 2025 کو صوبائی اسمبلی کے سامنے بھرپور احتجاجی دھرنا شروع کیا جائے گا، خیبر پختونخواہ کے تمام میئرز تحصیل ولیج نیبر ہوڈ کونسل چیئرمینز و ممبران کو 30 ستمبر کے احتجاج کے حوالے سے تیاریاں تیز کرنے کی ہدایت کی گئی ہے۔
عزیز اللہ مروت نے کہا کہ خیبرپختونخوا کے مختلف اضلاع سے ہزاروں کی تعداد میں بلدیاتی نمائندگان پشاور کا رخ کریں گے اور ساتھ ہی ائندہ ہفتے بلدیاتی مسائل پر آل پارٹیز کانفرنس کا انعقاد بھی متوقع ہے جس کے لیے کمیٹی تشکیل دے دی گئی ہے جس کے کنوینر ہارون صفت تحصیل چیئرمین پشتخرہ پشاور ہے جبکہ دیگر اراکین میں تحصیل چیئرمین ہمایون خان، تحصیل چیئرمین عادل خان، تحصیل چیئرمین غلام حقانی، تحصیل چیئرمین رفیع اللہ خان اور دیگر شامل ہیں۔
معرکۂ حق کی کامیابی کے بعد بھارت بوکھلاہٹ کا شکار ہے: اے پی سی