ماڈل کالونی ٹاؤن اجلاس:سندھ سالڈ ویسٹ مینجمنٹ بورڈ کے رویے کی مذمت
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر )چیئرمین ٹاؤن میونسپل کارپوریشن ماڈل کالونی ظفر احمد خان، ٹاؤن میونسپل کمشنر ابراہیم عمرانی، ٹاؤن وائس چیئرمین فیصل باسط کی زیر صدارت ٹاؤن کونسل ماڈل کالونی کا 24 واں باقاعدہ اجلاس منعقد کیا گیا اجلاس کا آغاز تلاوت کلام پاک سے یوسی 7 وائس چیئرمین مفتی راؤ وقاص نے کیا۔ٹاؤن وائس چیئرمین فیصل باسط نے گزشتہ اجلاس کا مسودہ پیش کیا اور قراردادوں کی توثیق کروائی۔اراکین کی جانب سے پیش کردہ مذکورہ قراردادوں کو اتفاق رائے سے منظور کرلیا گیا۔جیسا کہ ٹاؤن کونسل ٹاؤن میونسپل کارپوریشن ماڈل کالونی کے علم میں ہے کہ گھروں سے کچرا جمع کرنا اور پھر اس کچرے کو گاڑیوں کے ذریعے صاف کرنا سندھ سولڈ ویسٹ مینجمنٹ بورڈ کی ذمہ داری ہے جو کہ سندھ حکومت کا ادارہ ہے مگر شرم کی بات ہے کہ گھروں سے کچرا نہیں اٹھایا جا رہا ہے اجلاس کے ایم سی چارجز لینے اور اس میں اضافے کے باوجود کچرا جمع نہ کرنے پر شدید مذمت کرتا ہے اور مطالبہ کرتا ہے کہ بجلی کے میٹر کی تعداد کے حساب سے عملہ تعینات کیا جائے اور ساتھ ہی ٹاؤن کو بتایا جائے کہ کس جگہ کس یو سی میں سندھ سولڈ ویسٹ کا عملہ گھروں سے کچرا جمع کر رہا ہے اور گلیوں سڑکوں پر جھاڑو دینے کے لیے عملہ متعین کیا گیا اس کے لیے ٹاؤن کونسل سندھ سالڈویسٹ مینجمنٹ بورڈ ماڈل زون کو ایک ہفتے کا ٹائم دیتی ہے ٹاؤن چیئرمین کو تحریری طور پر آگاہ کریں کہ ڈور ٹو ڈور کچرا ٹاؤن کی 8یوسیز میں کن گلیوں سے وصول کیا جا رہا ہے اور کن کن گلیوں اور سڑکوں پر جھاڑو دینے کا عملہ متعین کیا گیا ہے اور یہ بھی جھاڑو اور کچرا جمع کرنے کی فریکونسی کیا ہے۔جلاس میں منتخب اراکین جس میں یونین کمیٹیز کے وائس چیئرمین مفتی راؤ وقاص، بلیغ الدین، احمد سلمان کاشف، عبدالغفار عزیز، یوتھ ممبر مصعب بن خالد، اسپیشل ممبر حسین ذبیح اللہ، خواتین رکن ڈاکٹر حمیرہ معروف، کراچی واٹر اینڈ سیوریج کارپوریشن کے افسران ایگزیکٹیو انجینئر عبدالقادر، اسسٹنٹ ایگزیکٹیو انجینئر محمد خرم, سندھ سالڈ ویسٹ مینجمنٹ بورڈ کے نمائندے اور ٹی ایم سی افسران ڈائریکٹر کونسل مہتاب جبار و دیگر محکمہ جاتی افسران بھی موجود تھے۔
ذریعہ
ذریعہ: Jasarat News
کلیدی لفظ: ویسٹ مینجمنٹ بورڈ وائس چیئرمین ماڈل کالونی کچرا جمع ٹاو ن کو ہے اور
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار