بھارتی اداکار کا دوران شوٹنگ ورون دھون پر ہراساں کرنے کا الزام
اشاعت کی تاریخ: 27th, September 2025 GMT
بالی وُڈ اداکار ورون دھون پر ان کی نئی فلم کی پروموشن کے دوران ساتھی اداکار روہیت سراف نے ہنستے ہنستے ’ہراساں کرنے‘ کا الزام لگا دیا۔
ورون دھون اور جھانوی کپور اپنی آنے والی فلم ”سنی سنسکاری کی تُلسی کماری“ کی پروموشن میں مصروف ہیں، جو 2 اکتوبر کو بڑے پردے پر پیش کی جائے گی۔ فلم کی کاسٹ میں جھانوی کپور، روہت سراف اور سانیا ملہوترا شامل ہیں۔
بھارتی میڈیا کے مطابق حال ہی میں پوری ٹیم نے انڈیا ٹوڈے کنکلیو میں شرکت کی، جہاں انہوں نے فلم کے حوالے سے گفتگو کے ساتھ اپنی آف اسکرین دوستی اور مزاحیہ واقعات بھی شیئر کیے۔
گفتگو کے دوران روہیت سراف نے ورون پر ”بُلی کرنے“ کا الزام لگایا اور جھانوی کو ”سب سے بڑی سازشی“ قرار دیا۔ اس پر ورون نے قہقہے لگاتے ہوئے کہا:
’یہ لوگ روز میرے کمرے میں نقلی سانپ، بچھو اور چھپکلیاں رکھ دیتے تھے۔ ہر دن کوئی نیا سرپرائز میرا انتظار کرتا تھا۔‘
جھانوی کپور نے بھی کہا کہ پروموشن ٹور کے دوران انہیں اپنی ٹیم کے درمیان ”سچی محبت اور خلوص“ کا احساس ہوا۔ ان کے مطابق: ’میں اتنی زیادہ ریلیکس ہو جاتی ہوں کہ اسٹیج پر بعض اوقات بے تکی باتیں بھی کر دیتی ہوں، اور یہی چیز پروموشن کو میرے لیے مشکل بنا دیتی ہے۔‘
انہوں نے روہیت سراف کو باصلاحیت نوجوان کہا، جبکہ ورون دھون کی تعریف کرتے ہوئے کہا کہ وہ سب کے ساتھ ایک جیسا سلوک کرتے ہیں، جو بالی وُڈ میں بہت کم دیکھنے کو ملتا ہے۔
ہدایت کار ششانک کھیتان کی یہ فلم دہلی کی کہانی پر مبنی ہے، جس میں پرانے عاشق دوبارہ ایک دوسرے کو پانے کی کوشش کرتے ہیں اور مزاحیہ غلط فہمیوں کا سلسلہ چل نکلتا ہے۔ جیسے جیسے حالات پیچیدہ ہوتے ہیں، ایک نیا رومان بھی جنم لیتا ہے۔
”سنی سنسکاری کی تُلسی کماری“ 2 اکتوبر کو ریلیز ہوگی اور اسی دن رِشاب شیٹھی کی فلم ”کانتارا: چیپٹر1“ بھی بھارتی سینما گھروں میں نمائش کے لیے پیش کی جائے گی، جس سے دونوں فلموں کے درمیان سخت مقابلہ متوقع ہے۔
Post Views: 2.ذریعہ: Daily Mumtaz
کلیدی لفظ: ورون دھون
پڑھیں:
پاکستان آرمی رائفل ایسوسی ایشن کا 45 واں اجلاس، فیلڈ مارشل کی خصوصی شرکت
آرمی مارکس مین شپ یونٹ، جہلم میں 45 ویں پاکستان آرمی رائفل ایسوسی ایشن (پیرا) کے مرکزی اجلاس کی اختتامی تقریب منعقد ہوئی۔
اس تقریب میں فیلڈ مارشل سید عاصم منیر نے بطور مہمان خصوصی شرکت کی۔ 45 واں پیرا سنٹرل میٹ 1 اکتوبر 2025 سے 10 نومبر 2025 تک منعقد ہوا۔ پاکستان آرمی، ایئر فورس، نیوی، سول آرمڈ فورسز، پنجاب، سندھ، کے پی کے، بلوچستان اور فیڈرل رائفل ایسوسی ایشن کے 2000 سے زائد شرکاء نے پورے جوش اور جذبے کے ساتھ اپنی شوٹنگ کی مہارت کا مظاہرہ کیا۔
پاک آرمی نے تمام چار انٹر سروسز میچز جیت کر تیسری انٹر سروسز کمبیٹ شوٹنگ چیمپئن شپ 2025 جیت لی ۔ پنجاب رجمنٹ نے یونٹ فائرنگ کی مہارت کا میچ گروپ جیت لیا۔ پنجاب رجمنٹ کے سپاہی محمد عرفان نے ماسٹر ایٹ آرمز کا ٹائٹل اپنے نام کیا۔ آرمی مارکس مین شپ یونٹ کے نائب صوبیدار عمر فاروق نے آرمی ہنڈریڈ رائفل میچ ٹرافی جیت لی۔
فیلڈ مارشل نے شرکاء کے ساتھ بات چیت کرتے ہوئے، ان کی شاندار نشانہ بازی کی تعریف کی اور اس بات پر زور دیا کہ شوٹنگ میں مہارت فوجی تربیت کا بنیادی مقصد رہنا چاہیے ۔
بعد ازاں، فیلڈ مارشل نے ملٹری کالج جہلم کی صد سالہ تقریبات میں بطور مہمان خصوصی شرکت کی۔ سی او اے ایس نے صد سالہ یادگار اور کالج میوزیم کا افتتاح کیا جس نے ایک صدی کی فضیلت اور ادارے کے بھرپور ورثے کو محفوظ رکھا۔
انہوں نے قیادت، نظم و ضبط اور حب الوطنی کو پروان چڑھانے میں ادارے کے کردار کو سراہتے ہوئے پاکستان اور اس کی مسلح افواج میں عالمگیریوں کی خدمات کو سراہا۔ سی او ایس نے یادگار شہدا پر پھولوں کی چادر بھی چڑھائی۔
حسان نیازی کی کورٹ مارشل کارروائی کیخلاف درخواست پر اہم پیشرفت