صوبے میں 8 ہزار سے زائد این جی اوز کو رجسٹر کیا جا چکا، محکمہ داخلہ پنجاب کے اجلاس میں بریفنگ
اشاعت کی تاریخ: 27th, September 2025 GMT
محکمہ داخلہ پنجاب میں انسدادِ منی لانڈرنگ اور کاؤنٹر ٹیرر فنانسنگ کے حوالے سے ایک اہم اجلاس منعقد ہوا جس کی صدارت چیئرمین اے ایم ایل/سی ایف ٹی اور سابق آئی جی پولیس مشتاق سکھیرا نے کی۔
اجلاس میں ڈی جی احسان صادق اور سیکرٹری داخلہ پنجاب ڈاکٹر احمد جاوید قاضی سمیت مختلف محکموں کے اعلیٰ حکام نے شرکت کی۔
سیکرٹری داخلہ نے اجلاس کو بریفنگ دیتے ہوئے بتایا کہ پنجاب نے ایف اے ٹی ایف ایکشن پلان پر مؤثر عملدرآمد کیا اور عالمی قواعد و ملکی قوانین کے تحت انسدادِ منی لانڈرنگ اور دہشت گردی کی مالی معاونت کی روک تھام کے اقدامات کیے۔ اجلاس میں اوقاف، ٹرسٹ اور کوآپریٹو ڈیپارٹمنٹس کی مانیٹرنگ کا تفصیلی جائزہ بھی لیا گیا۔
یہ بھی پڑھیے: مقدس اوراق کی حرمت کے پیش نظر محکمہ داخلہ پنجاب کا بڑا فیصلہ
بریفنگ میں بتایا گیا کہ پنجاب کابینہ نے وقف، ٹرسٹ اور کوآپریٹو سوسائٹیز منیجمنٹ ایکٹ 2025 کی منظوری دی ہے، جو دیگر صوبوں کے لیے بھی رول ماڈل ثابت ہوگا۔ اجلاس میں اس بات پر اطمینان کا اظہار کیا گیا کہ ان اقدامات سے صوبے کے قانونی اور ادارہ جاتی فریم ورک میں نمایاں بہتری آئی ہے۔
یہ بھی پڑھیے: پنجاب میں قبضے ختم کرانے کے لیے خصوصی عدالتیں قائم ہوں گی، فیصلے 90 دن میں ہوں گے: وزیراعلیٰ
چیئرمین مشتاق سکھیرا نے کہا کہ پاکستان کو ایف اے ٹی ایف گرے لسٹ سے نکالنے کے لیے پنجاب کا کردار فیصلہ کن رہا ہے۔ انہوں نے کہا کہ صوبے نے مؤثر مانیٹرنگ رجیم نافذ کر کے دیگر صوبوں کے لیے مثال قائم کی ہے۔ انہوں نے مزید کہا کہ اصلاحی اقدامات کو جاری رکھنا ہی کامیابی کی ضمانت ہے۔
اجلاس میں انسانی اسمگلنگ کی روک تھام کے لیے محکمہ لیبر، پولیس، سوشل ویلفیئر اور چائلڈ پروٹیکشن کی کارکردگی کو بھی سراہا گیا۔ چیئرمین نے کہا کہ پاکستان کو ٹریفکنگ آف پرسنز کی واچ لسٹ سے نکالنے میں پنجاب کے اقدامات فیصلہ کن رہے۔
یہ بھی پڑھیے: لاپتا یا دہشتگرد گروہ میں شامل رشتے دار کی اطلاع نہ دینے پر کارروائی ہوگی، محکمہ داخلہ بلوچستان کا انتباہ
پنجاب چیریٹیز کمیشن کی کارکردگی پر بھی اطمینان کا اظہار کیا گیا۔ سی ای او کرنل شہزاد عامر نے بتایا کہ اب تک صوبے میں 8 ہزار سے زائد این جی اوز کو رجسٹر کیا جا چکا ہے اور ان کی مانیٹرنگ، ڈیجیٹلائزیشن اور آؤٹ ریچ سسٹم کو بہتر بنایا گیا ہے۔ اجلاس میں چیئرمین نے این جی اوز کے ٹیکس اور بینک اکاؤنٹس کے مسائل حل کرانے کی بھی یقین دہانی کرائی۔
اجلاس میں محکمہ داخلہ، اوقاف، کوآپریٹو، بورڈ آف ریونیو، سکول ایجوکیشن، ہیلتھ اینڈ پاپولیشن، پولیس، چائلڈ پروٹیکشن بیورو، سوشل ویلفیئر اور پراسیکیوشن کے سیکرٹریز اور دیگر اعلیٰ عہدیداروں نے بھی بریفنگ دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این جی اوز پنجاب فنڈنگ محکمہ داخلہ.ذریعہ: WE News
کلیدی لفظ: این جی اوز محکمہ داخلہ محکمہ داخلہ داخلہ پنجاب جی اوز اجلاس میں کے لیے کہا کہ
پڑھیں:
پنجاب کے میڈیکل کالجز کیلیے داخلہ پالیسی منظور، ایم ڈی کیٹ ٹیسٹ پاس کرنا لازمی قرار
لاہور:پنجاب کے پبلک اور پرائیویٹ میڈیکل اینڈ ڈینٹل کالجز کے لیے ایڈمیشن پالیسی کی منظوری دے دی گئی۔
ایڈمیشن پالیسی کے تحت سرکاری میڈیکل کالجز میں داخلے کے لیے ایم ڈی کیٹ ٹیسٹ پاس کرنا ضروری قرار دیا گیا جبکہ اوورسیز پاکستانیوں کے بچوں کے لیے ایم ڈی کیٹ میں 10ہزار ڈالر فیس مقرر کرنے کا فیصلہ کیا گیا۔
وزیر اعلیٰ پنجاب مریم نواز شریف کی زیر صدارت خصوصی اجلاس ہوا جس میں محکمہ صحت سے متعلق اہم فیصلے لیے گئے۔
پرائیویٹ میڈیکل کالج لسٹ میں نام آنے پر امیدوار کو یونیورسٹی آف ہیلتھ سائنسز میں ایک تہائی فیس جمع ہوگی جبکہ پرائیویٹ میڈیکل اینڈ ڈینٹل کالجز کی حتمی میرٹ لسٹ آنے کے بعد یو ایچ ایس متعلقہ کالج کو جمع شدہ ایک تہائی فیس ٹرانسفر کر دے گی۔
داخلے کے خواہشمند طلبہ حتمی میرٹ لسٹ آنے پر متعلقہ پرائیویٹ میڈیکل اینڈ ڈینٹل کالج میں ہی باقی فیس جمع کروائیں گے۔
اجلاس میں پرائیویٹ اسپتالوں میں پوسٹ گریجویٹ ٹریننگ کے بعد لازمی سروس کی باہمی تجویز پر اتفاق کیا گیا۔ اسپیشلسٹ کی مانگ کے مطابق ٹرینی ڈاکٹر کو پرائیویٹ میڈیکل کالجز کے متعلقہ شعبے میں سپیشلائزیشن کے لیے بھیجا جائے گا۔
وزیراعلیٰ مریم نواز شریف نے ساہیوال میں پہلی کامیاب انجیو پلاسٹی پر اظہار مسرت کیا اور کارڈیک مرکز میں سرجری کے آغاز کو خوش آئند قرار دیا۔
مریم نواز نے میو اسپتال کو ابلیشن سینٹر میں مریضوں کے علاج کےل یے فول پروف اور شفاف طریقے کار وضع کرنے کی ہدایت کی۔ انہوں نے کینسر کے مریضوں کو ہر صورت ریلیف دینے کی ہدایت کر دی۔
پنجاب میں نئے میڈیکل کالج کی الگ بلڈنگ بنانے کے بجائے سرکاری یونیورسٹیوں میں ہی میڈیکل بلاک بنانے کی تجویز پر اتفاق کیا گیا۔ وزیراعلیٰ مریم نواز شریف نے پنجاب کے مختلف اداروں کے بورڈ آف مینجمنٹ کی منظوری بھی دے دی۔
مریم نواز نے کہا کہ پنجاب کے ہر اسپتال میں غریب مریض کو روپیہ خرچ کیے بغیر علاج کی سہولت ملنی چاہیے، چاہتی ہوں کہ کینسر کے ہر مریض کا علاج ممکن بنایا جائے۔
وزیراعلیٰ پنجاب نے نواز شریف میڈیکل سٹی کے جلد قیام کے لیے ضروری اقدامات کرنے کی ہدایت کر دی۔
وین ڈرائیور ز اورمالکان نے کرایوں میں من مانا اضافہ کردیا