باکسنگ میں پاکستان کی بھارت کو پھینٹی ، تاریخ رقم
اشاعت کی تاریخ: 29th, September 2025 GMT
پاکستانی نوجوان باکسرسمیر خان نے تھائی لینڈ ، بنکاک میں ہونے والی یو بی اویوتھ ورلڈ بینٹم ویٹ چیمپئن شپ جیت کر تاریخ رقم کر دی — اور پاکستان کے لیے یہ اعزازپہلی بار حاصل کیا۔
ہفتے کے روز ورلڈ سیام اسٹیڈیم میں ہونے والی فائٹ میں سمیر خان نے بھارتی باکسربنٹی سنگھ کو شاندار مقابلے کے بعد شکست دی۔ پورے مقابلے میں سمیر خان نے نہ صرف اپنی برتری برقرار رکھی بلکہ اپنے طاقتور مکوں سے حریف کو دفاعی پوزیشن پر مجبور کر دیا۔ ریفریز نےمتفقہ فیصلے کے تحت انہیں فاتح قرار دیا اور چیمپئن شپ بیلٹ ان کے حوالے کی گئی۔
فتح کے بعد سمیر خان نے سوشل میڈیا پر اپنے جذبات کا اظہار کرتے ہوئے کہاکہ یہ جیت صرف میری نہیں، پورے پاکستان کی ہے۔ الحمدللہ! میں یہ ٹائٹل جیتنے والا پہلا پاکستانی ہوں۔ انہوں نے اپنی کامیابی پاک فوج اور شہدائے وطن کے نام کرتے ہوئے کہا کہ ان کی قربانیوں کی بدولت آج ہم دنیا بھر میں سر اٹھا کر جیت سکتے ہیں۔
سمیر خان نے اپنے پیغام میں تمام پاکستانیوں کا شکریہ ادا کیا جو دعاؤں میں ان کے ساتھ تھے۔ ان کےجیت منانے کے انداز نے نہ صرف اسٹیڈیم کا ماحول گرما دیا بلکہ بھارتی حریف کا حوصلہ بھی توڑ دیا۔
یہ جیت نہ صرف باکسنگ کی دنیا میں پاکستان کی موجودگی کو منوایا ہے بلکہ عالمی سطح پر ہمارے نوجوان ٹیلنٹ کی صلاحیتوں کو بھی اجاگر کیا ہے۔
ذریعہ
ذریعہ: Daily Mumtaz
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی