مفتی منیب الرحمن کا سودی نظام کے خاتمے اور اسلامی عدل و انصاف کے نفاذ پر زور
اشاعت کی تاریخ: 29th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی: معروف عالم دین و اسکالر مفتی منیب الرحمن کاکہنا ہے کہ عوام حکمرانوں کو اچھی طرح جانتے ہیں اور یہ بھی جانتے ہیں کہ وہ عملی زندگی میں کس کے تابع ہیں اور قانون کس کی مرضی سے بناتے ہیں، قادیانیوں کو پاکستان کے آئین کو تسلیم کرنا ہوگا جس میں انہیں غیر مسلم قرار دیا گیا ہے، انہیں وہی حقوق دیے جائیں جو دیگر اقلیتوں کو حاصل ہیں۔
نارتھ ناظم آباد بلاک ڈی میں جماعت اسلامی ضلع وسطی کے زیر اہتمام منعقدہ سیرت النبیؐ کانفرنس بعنوان عہد رسالت میں انسانی حقوق، آزادی اور انصاف آج کے تقاضے سے خطاب کرتے ہوئے مفتی منیب الرحمن نے کہا کہ 26ویں آئینی ترمیم کے تحت یکم جنوری 2028ء تک سودی نظام کے خاتمے کا وعدہ کیا گیا ہے لیکن تاحال کوئی پیش رفت نظر نہیں آتی بلکہ حکومت عالمی بینک سے 20 سالہ سودی قرض کے معاہدے میں مصروف ہے، اس سے حکومت کی نیت کے خلوص کے آثار نظر نہیں آتے۔
کانفرنس سے خطاب کرتے ہوئےنائب امیر جماعت اسلامی پاکستان ڈاکٹر اسامہ رضی نے کہا کہ حضرت محمد صلی اللہ علیہ وسلم کو صرف درس و تبلیغ کے لیے نہیں بھیجا گیا بلکہ آپؐ کا مشن باطل نظام کو بدل کر اسلام کا عادلانہ نظام قائم کرنا تھا اور آج جماعت اسلامی اسی مقصد کے لیے جدوجہد کر رہی ہے۔
ان کا کہنا تھا کہ ملک میں رائج نظام ظالمانہ اور استحصالی ہے، عوام کی رائے کو کچلا جا رہا ہے، میڈیا اور عدالتیں آزاد نہیں ہیں، حالیہ پاک سعودی معاہدے اور ابراہام اکارڈ میں کیا تعلق ہے، یہ بات ابھی واضح نہیں۔
امیر تنظیم اسلامی شجاع الدین شیخ نے کہا کہ اسلام میں حقوق سے زیادہ فرائض پر زور دیا گیا ہے، نفاذ شریعت کا مطالبہ اسی جذبے سے کیا جائے جس طرح تحریک ختم نبوت کے وقت کیا گیا تھا۔ ان کا کہنا تھا کہ پاکستان میں ہر بچہ پیدائش کے وقت ہی سوا تین لاکھ روپے کا مقروض ہوتا ہے جو نظام کی ناکامی کا کھلا ثبوت ہے۔
امیر جماعت اسلامی ضلع وسطی سید وجیہہ حسن نے کہا کہ ملک میں نظام انصاف کا یہ حال ہے کہ ججز خود انصاف کی دہائی دے رہے ہیں، عوام کا حال اس سے بھی بدتر ہے۔ خاص لوگوں کے لیے عدالتیں رات کو کھل جاتی ہیں جبکہ عوامی مسائل کا کوئی پرسان حال نہیں۔ انہوں نے کہا کہ پاکستان میں دس کروڑ مفلس بھوکے سوتے ہیں، عوام کی اکثریت کا گزارہ مشکل ہو چکا ہے۔
ذریعہ: Jasarat News
کلیدی لفظ: جماعت اسلامی نے کہا کہ
پڑھیں:
مینار پاکستان کا اجتماع تاریخ رقم کرے گا‘ کاشف سعیدشیخ
data-id="863a0a8" data-element_type="widget" data-widget_type="theme-post-content.default">
251117-08-30
کراچی‘ مٹیاری (اسٹاف رپورٹر) جماعت اسلامی سندھ کے امیر کاشف سعید شیخ نے کہا ہے کہ مفاد پرست قیادت نے آئی ایم ایف سے کڑی شرائط پر قرضے لے کر ملک و قوم کو مزید مقروض ، مہنگائی کا طوفان، بے روزگاری میں اضافہ اور ملکی آزادی و خود مختاری کو دائو پر لگا دیا ہے، دنیا کی تاریخ گواہ ہے کہ جس نے بھی آئی ایم ایف سے قرضہ لیا وہ ترقی نہیں تنزلی کی طرف گیا، ملک کا آدھا سالانہ بجٹ سود اور قرضوں کی واپسی میں چلا جاتا ہے، وفاقی وزیر خزانہ کا قومی اسمبلی میں2025ء کے دوارن سر کاری قرضے میں9.3 ٹر یلین روپے کا اضافہ کا بیان معاشی ترقی کے حکومتی دعووں کی نفی ہے، بیرونی و اندرونی قرضوں کا بوجھ کم کرنے کے لیے مزید قرضے نہیں بلکہ شاہی اخراجات میں کمی وی آئی پی کلچر کا خاتمہ اور سادگی و کفایت شعاری کی پالیسی اختیار کرنے کی ضرورت ہے، بدل دو نظام کے سلوگن کے تحت مینار پاکستان کا اجتماع تاریخ رقم کرے گا، جس میں امیرجماعت اسلامی حافظ نعیم الرحمن انجمن غلامان امریکا قیادت سے نجات سمیت ملکی ترقی عوامی خوشحالی کا ایجنڈا پیش کریں گے۔ ان خیالات کا اظہار انہوں نے اجتماع عام کی تیاریوں کے سلسلے میں مٹیاری کے ضلعی ذمے داران کے اجلاس سے خطاب کے دوران کیا۔ صوبائی نائب امیر محمد افضال، نائب قیم سہیل احمد شارق، فقیر محمد لاکھو و دیگر ذمے داران بھی اس موقع پرموجود تھے۔ انہوں نے کہا کہ قوم نے سب کو آزمالیا مگر سب نے عوام کو دھوکہ دیا کیونکہ جھنڈے پارٹیاں بدلنے سے نہیں بلکہ نظام بدلنے سے ہی ملک و قوم کی تقدیر بدل سکتی ہے۔ اس لیے جماعت اسلامی ملک کے مکمل نظام کو تبدیل کرنے کی جد و جہد کر رہی ہے۔
نارووال: پولیس تشدد سے خاتون جاں بحق، 6 اہلکاروں کیخلاف مقدمہ درج