ترک ریڈ کریسنٹ کی گلوبل صمود فلوٹیلا کو امداد، جہاز کے مسافروں کا کامیاب انخلا
اشاعت کی تاریخ: 29th, September 2025 GMT
data-id="863a0a8" data-element_type="widget" data-widget_type="theme-post-content.default">
انقرہ: ترکی کی ریڈ کریسنٹ نے گلوبل صمود فلوٹیلا کو خوراک اور طبی امداد فراہم کی ہے جو غزہ کے لیے انسانی ہمدردی کی سب سے بڑی بیڑے کی شکل میں بحیرہ روم کے راستے امداد لے جا رہا ہے، یہ امداد یونان کے جزیرے کریٹ، قبرص اور مصر کے درمیانی علاقے میں موجود جہازوں تک پہنچائی گئی۔
بین لاقوامی میڈیا رپورٹس کےمطابق پچاس سے زائد جہازوں پر مشتمل یہ فلوٹیلا کئی دنوں سے غزہ کی جانب رواں دواں ہے اور اس میں بالخصوص طبی ساز و سامان اور دیگر انسانی ضروریات کی بڑی مقدار موجود ہے۔ “صمود” جس کا مطلب ہے استقامت اور ثابت قدمی، فلسطینی عوام کے لیے 1967 کی جنگ کے بعد جدوجہد اور مزاحمت کی علامت بن گیا تھا۔
دوسری جانب فلوٹیلا کے ایک جہاز جونی ایم نے پانی بھرنے کی وجہ سے مدد طلب کی، جس پر ترکی نے فوری ایکشن لیتے ہوئے مسافروں کے انخلا کو مربوط کیا۔ جہاز پر لگژمبرگ، فرانس، فن لینڈ، میکسیکو اور ملائیشیا سمیت کئی ممالک کے مسافر موجود تھے۔ ترک ریڈ کریسنٹ اور دیگر اداروں کی تیز رفتار کارروائی سے یہ انخلا بخیر و خوبی مکمل ہوا۔
انسٹاگرام پر جاری بیان میں فلوٹیلا کے منتظمین نے کہا کہ ترک حکومت اور ریڈ کریسنٹ کے بروقت تعاون اور مربوط کوششوں کی بدولت ریسکیو آپریشن کامیاب رہا۔
فلسطینی عوام کے لیے یہ بیڑہ نہ صرف امداد لے کر جا رہا ہے بلکہ صمود کے تصور کو اجاگر کرتا ہے، جو زمین پر ڈٹے رہنے، فلسطینی شناخت کو برقرار رکھنے اور پرامن شہری مزاحمت کے ذریعے قابض قوتوں کے خلاف جدوجہد کی علامت ہے۔
واضح رہے کہ غزہ میں امریکا اور اسرائیل امداد کےنام پر دہشت گردی کررہے ہیں جبکہ عالمی ادارے خاموش تماشائی بنے ہوئے ہیں اور مسلم حکمران صرف بیانا ت دے کر اپنی عوام کو بے وقوف بنارہے ہیں۔
ذریعہ
ذریعہ: Jasarat News
کلیدی لفظ: ریڈ کریسنٹ
پڑھیں:
مریم نواز کی کارکردگی پر لاہور کے عوام کی رائے کیا ہے؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ