چین میں آتشبازی مقابلوں میں پاکستان کی شاندار کارکردگی، دوسری پوزیشن نام کرلی
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
چین کے شہر شنگلی میں ہونے والے بین الاقوامی آتشبازی مقابلے میں پاکستان نے شاندار کارکردگی دکھاتے ہوئے دوسری پوزیشن حاصل کر لی۔
عالمی مقابلے میں دنیا بھر سے اعلیٰ معیار کی ٹیموں نے شرکت کی، تاہم پاکستانی ٹیم “الائیڈ فائر ورکس انٹرنیشنل” نے اپنی تخلیقی سوچ، قومی جذبے اور فنی مہارت کے ذریعے سب کو متاثر کیا۔
پاکستانی ٹیم کے مظاہرے میں پاک چین دوستی کو آتشبازی کے رنگوں اور روشنیوں سے نہایت خوبصورتی کے ساتھ پیش کیا گیا۔ شو کا سب سے دلکش لمحہ وہ تھا جب آسمان پر جے ایف-17 تھنڈر کی شکل روشنیوں سے ابھری اور حاضرین حیرت و جوش سے جھوم اٹھے۔
یہ مظاہرہ محض تکنیکی مہارت کا نہیں بلکہ پاکستان کے جذبات، دوستی اور تعلقات کا عکاس تھا۔
شو کے دوران پاکستانی موسیقی کی دھنوں نے ماحول کو اور بھی پرجوش کر دیا۔ روشنیوں، رنگوں اور دھنوں کے امتزاج نے حاضرین کو مسحور کر دیا اور دیکھنے والوں نے کھڑے ہو کر پاکستانی ٹیم کو داد دی۔ ججز نے بھی پاکستانی فنکاروں کی جدت اور تخلیقی انداز کو بھرپور سراہا اور دوسری پوزیشن سے نوازا۔
یہ کامیابی پاکستانی فنکاروں کی محنت اور لگن کا ثبوت قرار دی جا رہی ہے۔ “الائیڈ فائر ورکس انٹرنیشنل” نے ایک بار پھر عالمی سطح پر پاکستان کا نام روشن کرتے ہوئے دنیا کو دکھایا کہ پاکستان نہ صرف فنکارانہ ذوق رکھنے والی قوم ہے بلکہ تخلیقی صلاحیتوں میں بھی نمایاں مقام رکھتا ہے۔
تقریب کے اختتام پر کمپنی کے سی ای او شاہد بٹ نے کہا کہ ان کی کوشش ہمیشہ یہی رہی ہے کہ دنیا بھر میں پاکستان کا مثبت اور خوبصورت امیج پیش کیا جائے اور وہ آئندہ بھی اس مشن کو جاری رکھیں گے۔ انہوں نے کہا کہ اس اعزاز نے پاکستان کے لیے فخر، خوشی اور عالمی شناخت کے ایک نئے باب کا اضافہ کر دیا ہے۔
.ذریعہ: Jasarat News
پڑھیں:
فیفا ورلڈکپ: شام نے پاکستان کو کوالیفائر میں پانچ صفر سے شکست دیدی
data-id="863a0a8" data-element_type="widget" data-widget_type="theme-post-content.default">
جناح اسٹیڈیم اسلام آباد میں ہونے والے فیفا ورلڈکپ کوالیفائر میں پاکستانی فٹبال ٹیم اپنے ہوم گراؤنڈ پر اعتماد کو فتح میں بدلنے میں ناکام رہی جب کہ شام کی ٹیم نے شاندار کارکردگی کا مظاہرہ کیا۔
شام کی ٹیم نے پوری حکمتِ عملی کے ساتھ یہ اہم مقابلہ پانچ کے مقابلے میں صفر سے جیت لیا اور یوں پاکستان کے اگلے مرحلے تک رسائی کے امکانات مزید دھندلا دیے۔
میچ کے آغاز پر پاکستانی کھلاڑیوں نے خاصا زور لگایا اور ابتدائی منٹوں میں دفاع کو مستحکم رکھتے ہوئے شام کے فارورڈز کو آسان جگہیں نہ دیں۔ شائقین کے لیے یہ صورتحال امید افزا تھی، کیونکہ ٹیم نے پہلے ہاف میں بھرپور توانائی کے ساتھ کھیل جاری رکھا اور کئی بار گیند پر اچھے کنٹرول کا مظاہرہ بھی کیا، تاہم بہتر رفتار، درست پاسنگ اور تیز تر حکمتِ عملی نے شام کو وہ برتری دلائی جو میچ میں ٹرننگ پوائنٹ ثابت ہوئی۔
پہلے ہاف میں شام نے ایک گول کرکے سبقت حاصل کی، جس کے بعد پاکستانی ٹیم دباؤ میں آگئی۔
دوسرے ہاف کے آغاز کے ساتھ ہی واضح نظر آرہا تھا کہ شام کے کھلاڑی پورا زور لگانے کا فیصلہ کرچکے ہیں۔ پاکستانی دفاع تھکن، غیر یقینی فیصلوں اور پوزیشننگ کی غلطیوں کا شکار ہونے لگا، جس کا فائدہ اٹھاتے ہوئے شام نے نہ صرف حملوں کی شدت بڑھائی بلکہ مسلسل 3 لائنوں میں دباؤ رکھ کر پاکستان کی مزاحمت بالکل ختم کردی۔
اس دوران محمد الحلک اور یاسین السامیہ نے شاندار فٹ ورک اور طاقت ور فِنشنگ دکھاتے ہوئے دو دو گول اسکور کیے، جبکہ الہ الدین یاسین نے بھی اپنی ٹیم کی کامیابی میں ایک گول سے حصہ ڈالا۔
پاکستانی کھلاڑیوں کی جانب سے چند مواقع پر بہتر موومنٹ دیکھنے میں آئی، لیکن فیصلہ کن لمحات میں غیر معمولی غلطیاں، پاسنگ میں بے ربطی اور دفاع میں مسلسل خلا نے حریف ٹیم کو کھیل پر مکمل غلبہ حاصل کرنے دیا۔
اس شکست نے جہاں ٹیم مینجمنٹ کے فیصلوں، حکمت عملی اور کھلاڑیوں کی تیاری پر اہم سوالات اٹھا دیے ہیں، وہیں ملک میں فٹبال ڈھانچے، اسپورٹس فنڈنگ اور گراؤنڈ لیول تربیت کے مسائل بھی ایک بار پھر نمایاں ہوگئے ہیں۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد