نامور اداکار اور ہدایت کار شہزاد بلا انتقال کر گئے
اشاعت کی تاریخ: 30th, September 2025 GMT
پاکستانی فلم انڈسٹری کے نامور اداکار اور ہدایت کار شہزاد بلا طویل علالت کے بعد انتقال کر گئے۔ شہزاد بلا کئی سالوں سے مختلف بیماریوں میں مبتلا تھے اور دو ماہ قبل ذیابیطس کی پیچیدگیوں کے باعث ان کی ایک ٹانگ کاٹنا پڑی تھی۔ ذرائع کے مطابق ان کے پھیپھڑوں میں انفیکشن اور گردے فیل ہونے کی وجہ سے ان کی حالت بگڑ گئی تھی۔ ان کی نماز جنازہ کا اعلان بعد میں کیا جائے گا۔ سینئر اداکار شہزاد بلا نے کئی مشہور کردار ادا کیے جب کہ وہ ولن کے کردار کے لیے جانے جاتے تھے۔ انہوں نے کئی پاکستانی فلموں اور ٹی وی سیریلز میں اداکاری کی۔ شہزاد بلا کے انتقال پر شوبز شخصیات کی جانب سے دکھ کا اظہار کیا جا رہا ہے۔
.ذریعہ: Nawaiwaqt
پڑھیں:
سرکاری قرضے میں ایک ہزار371 ارب روپےکمی آگئی،مشیروزیرخزانہ
اسلام آباد(نیوزڈیسک)وفاقی وزیر خزانہ کے مشیرخرم شہزاد نے سرکاری قرض میں ایک ہزار تین سو اکہتر ارب روپے کمی کا دعویٰ کیا ہے اور کہا بہترمالی نظم و ضبط اورمہنگے قرضوں کی قبل ازوقت ادائیگی سے یہ ممکن ہوا۔
وزیرخزانہ کے مشیرخرم شہزاد نے سوشل میڈیا پلیٹ فامر ایکس پر پیغام میں کہا کہ جون دوہزار پچیس میں سرکاری قرض اسی ہزار پانچ سو اٹھارہ ارب روپے تھا۔ ستمبر میں یہ قرضہ اناسی ہزار ایک سو چھیالیس ارب روپے پر آگیا۔ مشیر وزیرخزانہ کے مطابق انہتر ماہ بعد پہلی بار سہ ماہی بنیاد پرقرضے میں کمی آئی، یہ ملکی تاریخ کی سب سے بڑی سہ ماہی بنیاد پر کمی ہے۔ خرم شہزاد نے کہا کہ ملکی معیشت پر سرمایہ کاروں کےاعتماد میں اضافہ ہوا ہے۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ