جوہری ہتھیار ترک کرنا خودمختاری سے ہاتھ دھونے کے مترادف، شمالی کوریا
اشاعت کی تاریخ: 30th, September 2025 GMT
اسلام آباد (اُردو پوائنٹ ۔ UN اردو۔ 30 ستمبر 2025ء) شمالی کوریا کے نائب وزیر خارجہ کم سون گیونگ نے کہا ہے کہ ان کے ملک کی طاقتور عسکری مزاحمتی قوت ہی دشمن ممالک کی جنگی خواہشات کو تکمیل سے روک سکتی ہے۔ جوہری ہتھیار شمالی کوریا کے آئین کا حصہ ہیں جسے چھیڑا یا تبدیل نہیں کیا جا سکتا۔
اقوام متحدہ کی جنرل اسمبلی کے 80ویں اجلاس سے خطاب کرتے ہوئے انہوں نے کہا ہے کہ ان کے ملک پر جوہری ہتھیاروں کی دستبرداری کے لیے دباؤ ڈالنا اس سے اپنی خودمختاری کو چھوڑنے کے مطالبے کے مترادف ہے۔
امریکہ، جاپان اور جنوبی کوریا کے درمیان اتحاد کا ذکر کرتے ہوئے انہوں نے کہا کہ یہ اتحاد تیزی سے ایک مزید جارحانہ اور حملہ آور فوجی بلاک میں تبدیل ہو سکتا ہے۔
ان کا کہنا تھا کہ اقوام متحدہ میں ترقی پذیر ممالک کی نمائندگی کو وسعت اور مضبوطی ملنی چاہیے جبکہ سلامتی کونسل میں اصلاح کی ضرورت ہے جہاں مغربی ممالک کی نامناسب بالادستی قائم ہے۔
(جاری ہے)
اقوام متحدہ پر تنقیدکم سون گیونگ نے جوہری ہتھیاروں کے معاملے پر اپنے ملک کے موقف کا مضبوط دفاع کرنے کے ساتھ معاشی ترقی کی جانب پیش رفت کو بھی اجاگر کیا۔
انہوں نے اقوام متحدہ کے سیکرٹری جنرل انتونیو گوتریش کے جنرل اسمبلی میں افتتاحی خطاب کو سراہا جس میں انہوں نے اقوام متحدہ میں اصلاحات کا وعدہ کیا اور کہا تھا کہ کوئی بھی ریاست تنہا عالمی مسائل کا حل نہیں نکال سکتی۔
انہوں نے غربت، بیماری اور پائیدار ترقی جیسے مسائل سے نمٹنے کے لیے کثیرالفریقی تعاون کو فروغ دینے میں اقوام متحدہ کے کردار کو تسلیم کیا لیکن ان کا کہنا تھا کہ یہ ادارہ شدید بحرانوں کا شکار ہے جس کی وجہ جارحانہ رویے، من مانے فیصلے اور طاقتور ممالک کا لالچ ہیں۔ اقوام متحدہ کسی مخصوص ملک یا ممالک کے ایک چھوٹے سے گروہ کی نمائندگی نہیں کر سکتا۔
خودانحصاری کی معیشتنائب وزیر خارجہ نے اعلان کیا کہ ان کے ملک میں خودانحصار قومی معیشت کی ترقی اور پیداواری اہداف کے حصول کی کوششوں کے تحت پانچ سالہ اقتصادی منصوبے کی تکمیل یقینی طور پر ممکن ہے۔ دارالحکومت پیونگ یانگ میں 50,000 نئے مکانات کی تعمیر جاری ہے جبکہ دیہی ترقی کی نئی پالیسی ٹھوس نتائج دے رہی ہے۔
انہوں نے اسرائیل سے مطالبہ کیا کہ وہ غزہ میں نسل کشی اور انسانیت کے خلاف جرائم کا سلسلہ بند کرے اور محصور علاقے سے اپنی افواج واپس بلائے۔
تقریر کے اختتام پر ان کا کہنا تھا کہ شمالی کوریا ایسے ممالک کے ساتھ کثیرالفریقی تبادلے اور تعاون کو فروغ دے گا جو اس کا احترام کرتے ہیں اور دوستانہ رویہ اپناتے ہیں۔
.
ذریعہ
ذریعہ: UrduPoint
کلیدی لفظ: تلاش کیجئے شمالی کوریا انہوں نے تھا کہ
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی