غزہ امن منصوبے پر پی ٹی آئی نے ردعمل دے دیا، فلسطین کی حمایت جاری رکھنے کا عزم
اشاعت کی تاریخ: 30th, September 2025 GMT
پاکستان تحریک انصاف (پی ٹی آئی) نے امریکی صدر ڈونلڈ ٹرمپ کے حالیہ اعلان کردہ غزہ امن منصوبے پر شدید تحفظات کا اظہار کرتے ہوئے اسے فلسطینی عوام کی مرضی اور آزادی کے خلاف قرار دیا ہے۔
یہ بھی پڑھیں: غزہ جنگ بندی منصوبہ: ڈونلڈ ٹرمپ نے حماس کو جواب کے لیے 4 روز کا وقت دے دیا
پی ٹی آئی کی جانب سے جاری کردہ پریس ریلیز میں کہا گیا ہے کہ یروشلم کو اسرائیل کا دارالحکومت تسلیم کرنا اور مقبوضہ گولان کی پہاڑیوں کو اسرائیلی علاقہ قرار دینا بین الاقوامی قوانین اور اقوام متحدہ کی قراردادوں کی کھلی خلاف ورزی ہے جو خطے میں پائیدار امن کے قیام کی کوششوں کو شدید نقصان پہنچا سکتا ہے۔
پارٹی کے بانی چیئرمین اور سابق وزیر اعظم عمران خان نے ہمیشہ یہ واضح مؤقف اختیار کیا ہے کہ مشرق وسطیٰ میں امن صرف اسی صورت میں ممکن ہے جب فلسطینیوں کو ان کی آزاد ریاست کے حق سمیت اُن کی مرضی کے مطابق 2 ریاستی حل فراہم کیا جائے۔
انہوں نے کہا کہ پاکستان کا مؤقف اقوام متحدہ کی قراردادوں اور سنہ 1967 سے پہلے کی سرحدوں پر مبنی ہے اور ایسا کوئی بھی امن منصوبہ جو فلسطینیوں پر زبردستی مسلط کیا جائے وہ کبھی کامیاب نہیں ہو سکتا۔
عمران خان بارہا فلسطین اور کشمیر کے مسائل میں مماثلت کی نشاندہی کرتے رہے ہیں جہاں دونوں اقوام قبضے اور حق خودارادیت سے محرومی جیسے مظالم کا سامنا کر رہی ہیں۔
مزید پڑھیے: فلسطین سے متعلق پاکستان کی پالیسی واضح، غزہ امن منصوبے پر سیاست نہ کی جائے، اسحاق ڈار
پی ٹی آئی نے اس موقعے پر قائد اعظم محمد علی جناح کے اس تاریخی مؤقف کو بھی دہرایا کہ پاکستان کبھی اسرائیل کو تسلیم نہیں کرے گا جب تک فلسطینیوں کو ان کا جائز حق اور آزاد وطن نہیں دیا جاتا۔
پارٹی نے اسرائیلی میڈیا کے اس بیان پر بھی تشویش کا اظہار کیا ہے جس میں کہا گیا کہ اگر فلسطینی اس منصوبے کو تسلیم نہیں کرتے تو اسے زبردستی نافذ کیا جائے گا۔ پی ٹی آئی نے اسے خطے کے امن کے لیے سنگین خطرہ قرار دیا ہے۔
پی ٹی آئی نے ایک بار پھر اپنے غیر متزلزل حمایت کا اعلان کرتے ہوئے کہا کہ ہم فلسطینی عوام کے ساتھ کھڑے ہیں اور ان کے حقِ خودارادیت، آزاد ریاست اور القدس الشریف کو دارالحکومت تسلیم کیے جانے کے مطالبے کی مکمل حمایت کرتے ہیں۔
مزید پڑھیں: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
تحریک انصاف کے مطابق فلسطینی عوام کی جدوجہد صرف ایک سیاسی مسئلہ نہیں بلکہ انسانی عظمت، انصاف اور آزادی کی جنگ ہے اور تاریخ گواہ ہے کہ کسی قوم کی آزادی کی خواہش کو ہمیشہ کے لیے دبایا نہیں جا سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل پی ٹی آئی غزہ امن معاہدہ فلسطین.ذریعہ: WE News
کلیدی لفظ: اسرائیل پی ٹی ا ئی غزہ امن معاہدہ فلسطین پی ٹی آئی کے لیے
پڑھیں:
سلامتی کونسل: ٹرمپ غزہ امن منصوبے کی حمایت میں قرارداد منظور
data-id="863a0a8" data-element_type="widget" data-widget_type="theme-post-content.default">
اقوام متحدہ کی سلامتی کونسل میں ڈونلڈ ٹرمپ کے غزہ امن منصوبے کی حمایت میں قرارداد منظور کرلی گئی۔
عالمی میڈیا رپورٹ کے مطابق قرار داد کے حق میں پاکستان سمیت 13 ممالک نے ووٹ دیا جبکہ مخالفت میں کوئی ووٹ نہیں آیا، روس اور چین نے ووٹنگ کے عمل میں حصہ نہیں لیا، امریکی مندوب نے سلامتی کونسل میں پاکستان، مصر، قطر، اردن، سعودی عرب، یواے ای، ترکیہ اور انڈونیشیا سے تشکر کا اظہار کیا۔
امریکی مندوب کا کہنا تھا کہ ہم سب اکٹھے ہوئے، صورتحال کی سنگینی کا ادراک کیا اوراقدامات کئے،غزہ کے استحکام کے لئے قرارداد اہم ہے، آج تاریخی اورتعمیری قرارداد منظورہوئی ہے۔
انہوں نے مزید کہا کہ قرار داد میں غزہ کے لیے بین الاقوامی استحکام فورس کی تعیناتی اور غزہ میں عبوری حکومت کے قیام کے نکات شامل ہیں۔
واضح رہے کہ حماس اور دیگر فلسطینی مزاحمتی گروپوں نے سلامتی کونسل میں ٹرمپ کے غزہ منصوبے کی حمایت میں قرارداد کو مسترد کردیا ہے۔
حماس کا کہنا تھا کہ سکیورٹی کونسل کی غزہ سے متعلق قرارداد فلسطینیوں کے حقوق اور مطالبات پوری نہیں کرتی، یہ قرارداد غزہ پر بین الاقوامی سرپرستی مسلط کرتی ہے، غزہ میں بین الاقوامی فورس کی تعیناتی اسے غیر جانبدار نہیں رہنے دے گی۔
حماس کا کہنا تھا کہ غزہ میں انسانی امداد کا انتظام اقوام متحدہ کے زیرنگرانی فلسطینی اداروں کے پاس ہونا چاہئے۔
پاک سعودی اقتصادی تعاون کیلئے پنجاب حکومت کی جانب سے اہم پیش رفت