لاہور؛ رشوت لینے والے 4 ڈولفن اہلکاروں کو نوکری سے برخاست کردیا گیا
اشاعت کی تاریخ: 30th, September 2025 GMT
لاہور:
پولیس میں کڑے احتساب کو مثال بناتے ہوئے رشوت وصول کرنے والے 4 ڈولفن اہلکاروں کو نوکری سے برخاست کردیا گیا۔
پولیس کے مطابق ڈی آئی جی آپریشنز لاہور کی ہدایت پر رشوت لینے والے اہلکاروں کو نوکری سے فارغ کر دیا گیا ہے، نوکری سے برخاست کیے گئے اہلکاروں میں طاہر، قیصر، یاسین اور خادم علی شامل ہیں، جنہیں انکوائری رپورٹ میں رشوت لینے کا الزام ثابت ہونے پر سزا سنائی گئی ہے۔
انکوائری رپورٹ کے مطابق چند روز قبل ان اہلکاروں پر ڈاکٹر سے رشوت وصول کرنے کا الزام سامنے آیا تھا، جس پر ڈی آئی جی آپریشنز نے واقعے کا نوٹس لیتے ہوئے انکوائری کا حکم دیا تھا۔
رپورٹ میں بتایا گیا کہ ڈی ایس پی ہیڈ کوارٹرزکی انکوائری رپورٹ میں مذکورہ اہلکار قصوروار پائے گئے اور یہ واقعہ 17 ستمبر کو حاجی کیمپ کے پاس پیش آیا تھا۔
انکوائری رپورٹ میں بتایا گیا کہ ڈاکٹر خریداری کے بعد آن لائن بائیک رائیڈر کا انتظار کر رہا تھا، اسی دوران ڈولفن اہلکاروں نے شناختی کارڈ طلب کیا اور تلاشی لی، اس کے بعد ریکارڈ چیک کرنے کے بہانے ڈاکٹر کو قریبی خالی پلاٹ میں لے گئے۔
رپورٹ میں مزید بتایا گیا کہ اہلکاروں نے ڈاکٹر کا جھوٹا بیان بھی ریکارڈ کیا اور اس کی ویڈیو بنائی، ویڈیو بیان کو ڈھال بنا کر سنگین نتائج کی دھمکیاں دیں اور ڈاکٹر سے 50ہزار روپے رشوت کا مطالبہ کیا۔
انکوائری رپورٹ کے مطابق ڈاکٹر کے بینک اکاؤنٹ میں 4 ہزار روپے تھے لیکن انہوں نے 25 ہزار روپے دوستوں سے منگوائے، ڈاکٹر نے 29 ہزار روپے اے ٹی ایم سے نکلوا کر ڈولفن اہلکاروں کو دیے۔
ڈی آئی جی آپریشنز فیصل کامران نے کہا کہ اختیارات سے تجاوز پر اہلکاروں کے خلاف سخت کارروائی کی گئی، پولیس کی بدنامی کا باعث بننے والی کالی بھیڑوں کی محکمے میں کوئی جگہ نہیں ہے۔
فیصل کامران نے کہا کہ محکمے کو بدنام کرنے والے اہلکاروں کے لیے کوئی نرمی نہیں، محکمانہ احتساب کے تحت 18 ماہ میں 400 سے زائد سزائیں سنائی گئیں۔
.
ذریعہ
ذریعہ: Express News
کلیدی لفظ: ڈولفن اہلکاروں انکوائری رپورٹ اہلکاروں کو رپورٹ میں نوکری سے
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی