ابھیشک شرما نے ایشیا کپ میں شاندار کارکردگی کے بعد نیا ریکارڈ قائم کردیا
اشاعت کی تاریخ: 1st, October 2025 GMT
دبئی:
بھارتی کرکٹ ٹیم کے نوجوان اوپنر ابھیشک شرما نے ایشیا کپ 2025 میں شان دار کارکردگی کا مظاہرہ کیا اور انٹرنیشنل کرکٹ کونسل (آئی سی سی) کی رینکنگ میں نیا ریکارڈ قائم کردیا ہے۔
آئی سی سی نے ٹی20 کرکٹ میں کھلاڑیوں کی رینکنگ جاری کی ہے جہاں بیٹنگ کے شعبے میں بھارت کے ابھیشک شرما نے ٹی20 کی تاریخ میں سب سے زیادہ ریٹنگ کا ریکارڈ بنایا ہے جو اس سے قبل انگلینڈ کے ڈیوڈ ملان کے پاس تھا۔
ابھیشک شرما نے ڈیوڈ ملان کی جانب سے 5 سال قبل 2020 میں قائم کیے گئے 919 ریٹنگ کا ریکارڈ توڑ کر 931 ریٹنگ پوائنٹس حاصل کرلیا اور 12 پوائنٹس کی برتری حاصل کرلی۔
آئی سی سی کے مطابق ابھیشک نے ایشیا کپ میں سری لنکا کے خلاف سپر فور کے میچ میں خوب صورت نصف سنچری کے بعد 931 ریٹنگ پوائنٹس کا سنگ میل حاصل کرلیا تھا اور تاریخ رقم کر لی تھی۔
ابھیشک شرما نے نہ صرف ڈیوڈ ملان کا ریکارڈ توڑا بلکہ اپنے کپتان سوریا کمار یادیو اور ویرات کوہلی کو بھی رینکنگ ریٹنگ میں پیچھے چھوڑ دیا ہے۔
نوجوان اوپنر نے انٹرنیشنل کرکٹ میں ڈیبو گزشتہ برس کیا تھا اور مختصر عرصے میں بڑا سنگ میل حاصل کرلیا ہے اور ایشیا کپ میں ٹورنامنٹ کے بہترین کھلاڑی بھی قرار پائے تھے جہاں انہوں نے 44.
ٹی20 کرکٹ کی تاریخ میں سب سے زیادہ ریکنگ پوائنٹس (ریٹنگ) حاصل کرنے والوں میں 931 کے ساتھ ابھیشک شرماکے بعد 919 کے ساتھ انگلینڈ کے ڈیوڈ ملان ہیں،سوریا کماریادیو 912 کے ساتھ تیسرے، ویرات کوہلی پانچویں، آسٹریلیا کے ایرون فنچ چوتھے اور پاکستان کے بابراعظم پانچویں نمبر پر ہیں، جن کے رینکنگ پوائنٹس بالترتیب 909، 904 اور 900 ہیں۔
خیال رہے کہ ٹی20 کی بیٹنگ کی رینکنگ میں انگلینڈ کے فل سالٹ دوسرے، بھارت کے تلک ورما تیسرے، انگلینڈ کے جوز بٹلر چوتھے اور سری لنکا کے پاتھم نسانکا پانچویں نمبر پر ہیں۔
پاکستان کے صاحبزادہ فرحان نے ایشیا کپ میں بہترین بیٹنگ کے بعد رینکنگ میں بڑی چھلانگ ماری ہے اور 13 ویں نمبر پر آگئے ہیں جبکہ سرفہرست 10 بہترین بلے بازوں میں پاکستان کا کوئی بیٹر موجود نہیں ہے۔
ذریعہ
ذریعہ: Express News
کلیدی لفظ: ابھیشک شرما نے ایشیا کپ میں نے ایشیا کپ انگلینڈ کے ڈیوڈ ملان کے بعد
پڑھیں:
میئر ظہران ممدانی نے نیویارک میں بچوں کا بیڈ ٹائم کیوں معطل کردیا؟
نیویارک شہر کے کم عمر باسکٹ بال شائقین کے لیے ’بیڈ ٹائم‘ سے متعلق ایک دلچسپ خبر سامنے آئی ہے۔
نیویارک کے میئر ظہران ممدانی نے ایک خصوصی انتظامی حکم نامے پر دستخط کرتے ہوئے اعلان کیا ہے کہ این بی اے فائنلز کے دوران بچوں کے سونے کے معمول کے اوقات عارضی طور پر منسوخ تصور کیے جائیں گے تاکہ وہ اپنی پسندیدہ ٹیم نیویارک نکس کے تمام میچز بلا رکاوٹ دیکھ سکیں۔
یہ بھی پڑھیں: نماز عیدالاضحیٰ: نیویارک کے میئر ظہران ممدانی کی منفرد انداز میں شرکت
یکم جون کو جاری کیے گئے اس علامتی حکم نامے میں کہا گیا کہ سونے کے اوقات ’نیویارک کے سب سے پیارے بچوں‘ کو نکس کی حوصلہ افزائی کرنے اور میچ کا ایک ایک لمحہ دیکھنے سے نہیں روک سکتے۔
اس موقع پر میئر ممدانی کے ساتھ نکس کے رنگوں میں ملبوس بچوں کا ایک گروپ بھی موجود تھا، جنہوں نے اپنے ہاتھوں کے نشانات لگا کر علامتی طور پر اس حکم نامے پر دستخط کیے۔
Today, I signed an Executive Order temporarily repealing bedtimes in the City of New York so that kids of all ages can watch our team in the NBA Finals.
As Mayor, you’re forced to make many difficult decisions. This was not one of them.
Go Knicks. pic.twitter.com/DqjNtVh17h
— Mayor Zohran Kwame Mamdani (@NYCMayor) June 1, 2026
میئر ممدانی نے سوشل میڈیا پلیٹ فارم ایکس پر اپنے پیغام میں کہا کہ میئر کی حیثیت سے آپ کو کئی مشکل فیصلے کرنے پڑتے ہیں، لیکن یہ ان میں سے ایک نہیں تھا۔
انہوں نے اپنی پوسٹ کے اختتام پر ’گو نکس‘ کا نعرہ بھی لگایا۔
این بی اے فائنلز میں نیویارک نکس اور سان انتونیو اسپرس کے درمیان تمام میچز رات ساڑھے 8 بجے (مشرقی امریکی وقت) شروع ہوں گے۔
سیریز کے پہلے، تیسرے اور چوتھے میچ تعلیمی دنوں سے قبل رات کو کھیلے جائیں گے، جبکہ اگر ضرورت پڑی تو چھٹا میچ بھی اسکول کی رات میں ہوگا۔
ایسے میں بچوں کے لیے دیر تک جاگ کر میچ دیکھنا ایک اہم مسئلہ بن سکتا تھا۔
مزید پڑھیں: ظہران ممدانی کی نیو یارک میں اسٹیٹ ٹیکس میں بڑی کمی کی تجویز
نیویارک نکس کی این بی اے فائنلز میں رسائی شہر بھر میں غیرمعمولی جوش و خروش کا باعث بنی ہوئی ہے۔
یہ 1999 کے بعد پہلی مرتبہ ہے کہ نکس فائنلز میں پہنچی ہے، آخری بار فائنلز میں انہیں ٹم ڈنکن اور ڈیوڈ رابنسن کی قیادت میں سان انتونیو اسپرس نے شکست دی تھی۔
نکس کی 27 سالہ طویل انتظار کے بعد فائنلز میں واپسی نے باسکٹ بال کے دیوانے نیویارک شہر کو یکجا کر دیا ہے۔
اسپورٹس تجزیہ کاروں کے مطابق نیویارک میں نکس کا فائنلز میں پہنچنا سپر باؤل سے بھی بڑا واقعہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسکٹ بال سان انتونیو اسپرس ظہران ممدانی میئر نیویارک نیویارک نکس
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ