ٹی ٹوئنٹی رینکنگ: صائم ایوب نے ہاردک پانڈیا سے پہلی پوزیشن چھین لی
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
قومی کرکٹر صائم ایوب نے آئی سی سی کی تازہ ترین ٹی ٹوئنٹی رینکنگ میں بھارتی آل راؤنڈر ہاردک پانڈیا کو پیچھے چھوڑتے ہوئے پہلی پوزیشن حاصل کرلی۔
آئی سی سی کے مطابق آل راؤنڈرز کی فہرست میں صائم ایوب 4 درجے ترقی کے بعد نمبر ون پر پہنچ گئے ہیں، ہاردک پانڈیا دوسری اور افغانستان کے محمد نبی تیسری پوزیشن پر موجود ہیں۔
ٹی ٹوئنٹی بیٹرز رینکنگ میں بھارت کے ابھیشیک شرما بدستور پہلے نمبر پر ہیں، پاکستان کے صاحبزادہ فرحان 11 درجے بہتری کے بعد 13 ویں نمبر پر آگئے، جبکہ بھارت کے سنجو سیمسن 8 درجے ترقی کے ساتھ 31 ویں نمبر پر پہنچ گئے۔
سری لنکا کے پاتھم نسانکا دو درجے ترقی پاکر پانچویں نمبر پر آگئے ہیں، دوسری جانب بھارتی کپتان سوریا کمار یادیو 2 درجے تنزلی کے ساتھ 8 ویں، پاکستان کے بابر اعظم 2 درجے گر کر 37 ویں اور محمد رضوان 3 درجے تنزلی کے بعد 41 ویں نمبر پر چلے گئے ہیں۔
ذریعہ: Jasarat News
کلیدی لفظ: ویں نمبر پر
پڑھیں:
ٹی 20 ورلڈ کپ 2026: نمیبیا اور زمبابوے نے کوالیفکیشن حاصل کر لی
data-id="863a0a8" data-element_type="widget" data-widget_type="theme-post-content.default">
ہرارے: نمیبیا اور زمبابوے نے شاندار کارکردگی دکھاتے ہوئے ٹی ٹوئنٹی ورلڈکپ 2026 کے لیے کوالیفائی کرلیا۔
افریقا ریجن کوالیفائنگ راؤنڈ میں زمبابوے نے فائنل میں جگہ بنائی جبکہ نمیبیا بھی ایونٹ میں رسائی حاصل کرنے میں کامیاب رہا۔ اس طرح افریقی ریجن سے یہ دونوں ٹیمیں میگا ایونٹ کا حصہ بن گئیں۔
اس سے قبل یورپی کوالیفائرز میں تاریخ رقم کرتے ہوئے اٹلی نے پہلی مرتبہ ٹی ٹوئنٹی ورلڈکپ میں جگہ بنائی، جبکہ نیدرلینڈز بھی یورپ سے کوالیفائی کرنے والی ٹیموں میں شامل ہو چکا ہے۔
آئی سی سی کے مطابق آئندہ سال ہونے والے ٹی ٹوئنٹی ورلڈکپ میں **کل 20 ٹیمیں** میدان میں اتریں گی۔ ان میں میزبان بھارت اور سری لنکا کے ساتھ ساتھ افغانستان، آسٹریلیا، بنگلادیش، انگلینڈ، جنوبی افریقا، ویسٹ انڈیز، امریکا اور نیوزی لینڈ شامل ہیں جو گزشتہ ورلڈکپ کے سپر ایٹ مرحلے میں پہنچنے کے باعث براہِ راست کوالیفائی کرچکے ہیں۔
اس کے علاوہ پاکستان، نیوزی لینڈ اور آئرلینڈ نے اپنی **آئی سی سی ٹی ٹوئنٹی رینکنگ** کی بنیاد پر ایونٹ میں جگہ بنائی ہے۔ اب باقی تین ٹیموں کا فیصلہ امریکا کے ایک اور ایشیا/ایسٹ ایشیا پیسیفک ریجن سے ہوگا، جس کے بعد مکمل لائن اپ سامنے آجائے گی۔
ٹی ٹوئنٹی ورلڈکپ 2026 میں شامل ہونے والی ٹیموں کی بڑی تعداد اور نئے ممالک کی شمولیت نے شائقین کے جوش و خروش میں مزید اضافہ کردیا ہے۔
ترقیاتی کاموں کو جلد از جلد مکمل کیا جائے‘ڈپٹی میئر