نیو کراچی ٹائون میں 600نئی گلیوں کی تعمیر کے منصوبے کا آغاز‘ منعم ظفر نے سنگ بنیاد رکھ دیا
اشاعت کی تاریخ: 2nd, October 2025 GMT
data-id="863a0a8" data-element_type="widget" data-widget_type="theme-post-content.default">
251002-08-25
کراچی(اسٹاف رپورٹر) جماعت اسلامی نے نیو کراچی ٹائون میں ’’خوبصورت گلیاں ، خوبصورت ٹائون ‘‘ کے عنوان سے 600نئی گلیوں کی تعمیر کے ایک بڑے منصوبے کا آغاز کر دیا ہے ، امیر جماعت اسلامی کراچی منعم ظفر خان نے بدھ کے روز ٹائون چیئر مین نیو کراچی محمد یوسف ، وائس چیئر مین شعیب بن ظہیر اور امیر ضلع شمالی طارق مجتبیٰ کے ہمراہ منصوبے کا سنگ ِ بنیاد رکھا ، اس حوالے سے نیو کراچی ٹائون آفس میں منعقد ہ تقریب سے خطاب کرتے ہوئے منعم ظفر خان نے کہا کہ ہم عوام سے کیے گئے اپنے وعدے کے مطابق اختیارا ت و وسائل سے بڑھ کر کام کر رہے ہیں ۔نیو کراچی کے 27 سیکٹرز میں بیک وقت 600 گلیوں کی تعمیر و مرمت کا آغاز ہو رہا ہے۔ آنے والے دنوں میں مزید ترقیاتی کام ، گلیوں، محلوں اور ٹاؤنز میں نظر آئیں گے ۔قابض میئر سن لیں رونا دھونابند کریں ، الزام تراشیاں اور رکاوٹیں اب نہیں چلیں گی، کراچی کے عوام مسائل کا حل اور عملی کام چاہتے ہیں۔ آپ وفاقی حکومت سے 200 ارب روپے کا مطالبہ تو کر رہے ہیں لیکن یہ بھی بتائیے کہ پچھلے 15 برسوں میں پیپلز پارٹی کی صوبائی حکومت نے کراچی کے 3360 ارب روپے کہاں خرچ کیے؟ جن میں 1ہزار ارب روپے آکٹرائے ضلع ٹیکس ،1 ہزار ارب انفراسٹرکچر سیس اور 1360 ارب روپے ترقیاتی فنڈز کے تھے‘ لیکن کراچی کی حالت سب کے سامنے ہے۔ہمارا تو وفاق سے 500 ارب روپے کا مطالبہ ہے اور یہ فنڈز کراچی کے تمام اسٹیک ہولڈرز کی نگرانی میں خرچ ہوں تاکہ شہر کو واقعی ترقی مل سکے۔ آج بھی ہم یہ کہتے ہیں کہ چاہے ٹاؤن کسی بھی جماعت کا ہو، کراچی کی ضرورت تعمیر و ترقی ہے۔ ہر ٹاؤن کو 2 ارب روپے دیے جائیں تاکہ عوام کے مسائل حل ہوں۔منعم ظفر خان نے مزید کہا کہ کراچی پاکستان کا معاشی حب ہے، یہاں کے لوگ ملک میں سب سے زیادہ ٹیکس دیتے ہیں۔ ان کا حق ہے کہ انہیں بنیادی سہولتیں فراہم کی جائیں، ان کی گلیاں اور سڑکیں بہتر ہوں، انہیں پانی، بجلی اور بہتر انفراسٹرکچر مہیا کیا جائے ۔گزشتہ 2 برس میں جماعت اسلامی کی قیادت نے عملی اقدامات کے ذریعے یہ ثابت کیا ہے کہ خدمت اور ترقی ہی ہماری اصل ترجیح ہے۔ ہم نے اپنے ٹاؤنز میں 171 پارکوں کو بحال کیا، 42 اسکولوں کو اپ گریڈ کیا جہاں 7 ہزار سے زائد بچوں کی رجسٹریشن میں اضافہ ہوا، ہم نے نوجوانوں کے لیے کھیلوں کے میدان قابض مافیا سے آزاد کرائے، اوپن ایئر جم، واٹر پارک اور اربن فاریسٹ بارش اوروضو کے پانی کاہارویسٹنگ سسٹم جیسے نئے منصوبے متعارف کرائے۔ محمد یوسف نے کہا کہ آج کی اس تقریب سے ہم یہ پیغام دینا چاہتے ہیں کہ جماعت اسلامی نے اپنے وعدے کے مطابق خدمت کا سفر شروع کیا ہے اور یہ سفر ان شاء اللہ جاری رہے گا۔ ہم اپنی گلیوں اور محلوں کو سنواریں گے، ترقی کے کاموں میں تیزی لائیں گے اور ساتھ ہی صوبائی حکومت کا بھی تعاقب اور پوچھتے رہیں گے کہ عوام کا حق کہاں گیا؟ نیوکراچی کے عوام کسی کو اپنے حق پر ڈاکہ ڈالنے نہیں دیں گے۔ جماعت اسلامی عوام کے حق کے لیے آواز بھی اٹھائے گی اور اپنی بساط کے مطابق کام بھی کرتی رہے گی۔
امیر جماعت اسلامی کراچی منعم ظفر خان نیو کراچی ٹاؤن آفس میں’’ خوبصورت گلیاں، خوبصورت ٹاؤن ‘‘کے عنوان سے 600 نئی گلیوں کی تعمیر کے منصوبے کا سنگ بنیاد کر رہے ہیں جبکہ دوسری جانب تقریب سے خطاب کر رہے ہیں، ٹاؤن چیئر مین نیو کراچی محمد یوسف، وائس چیئر مین شعیب بن ظہیر اور امیر ضلع شمالی طارق مجتبیٰ و دیگر بھی موجود ہیں
ذریعہ: Jasarat News
کلیدی لفظ: گلیوں کی تعمیر جماعت اسلامی کر رہے ہیں منصوبے کا نیو کراچی کراچی کے ارب روپے چیئر مین
پڑھیں:
چیئرمین لانڈھی ٹائون عبدالجمیل خان کا ’’جسارت‘‘ کا دورہ
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ٹائون میو نسپل کارپوریشن لانڈھی کے چیئرمین عبدالجمیل خان کا جسارت کے دفتر کا تفصیلی دورہ کیا ہے۔جسارت کے دورے کے موقعے پر عبدالجمیل خان نے اظہار خیال کرتے ہوئے کہا کہ جسارت سے بطور قاری میرا پرانا رشتہ ہے اور روزنامہ جسارت کا معیار ، خبروں کا چناؤ ، ادارتی انتخاب کا کوئی ثانی نہیں ہے۔انہوںنے کہاکہ جسارت اپنی روایت کے مطابق آج بھی حق اور سچ کی آواز ہے اور عام آدمی کی آواز اقتدار کے ایوانوں تک پہنچاتا ہے ۔لانڈھی ٹائون کے چیئرمین کا کہنا تھا کہ جسارت کی خصوصیات میں شامل ہے کہ یہاں سے ہو کر گزرنے والے صحافیوں نے بڑے اداروں میں بہترین مقام حاصل کیا ہے ،روزنامہ جسارت کراچی سمیت پاکستان کے دیگر شہروں سے شائع ہونے والا ایک مشہور روزنامہ ہے۔انہوں نے کہاکہ جسارت کی اشاعت 1970ء میں شروع ہوئی تھی اور آج جسارت نے ترقی کے منازل طے کرتے ہوئے جسارت ڈیجیٹل کا آغاز کردیا ہے یہ صحافتی میدان میں خوش آئندہ ہے اس سے نوجوانوں میں سیکھنے کے موقعے سامنے آئے گے۔ مجھے امید ہے کہ صحافتی میدان میں جسارت مزید ترقی کی منازل طے کرے گا اور مظلوموں کی آواز بنے گا۔انہوں نے مزید کہا کہ پاکستان کے ان چند صحافتی اداروں میں جسارت سر فہرست ہے جنہوں نے زرد صحافت کا قلع قمع کیا ہے ۔میں آزادی صحافت پر یقین رکھتا ہوںاور آج فلسطینی عوام پر جس طرح کی اسرائیلی جارحیت جاری ہے اس حوالے سے جسارت اور اس کے ڈیجیٹل میڈیا نے جس طرح فلسطینی عوام پر اسرائیلی مظالم کو دنیا کے سامنے عیاں کیا ہے وہ قابل ستائش عمل ہے۔ جسارت کے دورے کے موقعے پر روزنامہ جسارت کراچی کے چیف آپریٹنگ آفیسر سید طاہر اکبر نے ٹائون چیئرمین کو جسارت ڈیجیٹل اسٹوڈیو،روزنامہ جسارت کراچی کے مختلف شعبہ جات کا دورہ کرایا اور جسارت کے کارکنان کا تعارف پیش کیا۔اس موقعے پر روزنامہ جسارت کراچی کے چیف ایڈیٹر شاہنواز فاروقی، چیف آپریٹنگ آفیسر سید طاہر اکبر ، نیوز ایڈیٹر توصیف جاوید،چیف رپورٹر قاضی جاوید باسط،ڈپٹی چیف ر پورٹرواجد حسین انصاری،سینئر رپورٹرمنیر عقیل انصاری،محمد علی فاروق، ویب ایڈیٹر نذیر الحسن،نیشنل لیبر فیڈریشن پاکستان کراچی کے رہنما اور معروف لیبر لیڈر سیکرٹری قاسم جمال سمیت دیگر بھی موجود تھے۔
نوکری کا جھانسہ دے کر لائی جانے والی دو لڑکیاں بازیاب