نواب شاہ ،غیر قانونی پکوان سینٹر ز کیخلاف کارروائیاں ناکام ہوگئیں
اشاعت کی تاریخ: 2nd, October 2025 GMT
data-id="863a0a8" data-element_type="widget" data-widget_type="theme-post-content.default">
نواب شاہ (نمائندہ جسارت)نواب شاہ میں ضلعی حکومت کی جانب سے غیر قانونی پکوان سینٹرز اور پلاسٹک شاپنگ بیگز کے خلاف کیے جانے والے چھاپے اور کارروائیاں مکمل طور پر ناکام ہو چکے ہیں۔ شہر کے مختلف علاقوں میں غیر قانونی پکوان سینٹرز بدستور چل رہے ہیں، جہاں پکانے کے بعد بچ جانے والا تیل اور دیگر فضلہ کھلے عام نالیوں اور گٹروں میں ڈالا جاتا ہے، جس کی وجہ سے پانی کا بہاؤ رْک جاتا ہے۔ نتیجتاً گلی محلوں میں گندا پانی جمع ہو کر تعفن پھیلانے لگتا ہے، جس سے شہری شدید مشکلات اور صحت کے مسائل کا شکار ہیں۔شہریوں کا کہنا ہے کہ یہ پکوان سینٹرز نہ صرف نکاسی آب کے نظام کو تباہ کر رہے ہیں بلکہ ماحولیاتی آلودگی میں بھی اضافہ کر رہے ہیں۔ ان سینٹرز سے اٹھنے والا دھواں اور گندگی پورے ماحول کو متاثر کر رہا ہے۔ دوسری جانب پلاسٹک شاپنگ بیگز کے بے تحاشا استعمال نے صورتحال کو مزید گھمبیر بنا دیا ہے۔ یہ بیگز نالیوں میں پھنس کر صفائی کے نظام کو تباہ کر دیتے ہیں جبکہ انہیں آگ لگانے سے خطرناک دھواں پیدا ہوتا ہے جو فضائی آلودگی میں اضافے کا سبب بنتا ہے۔عوامی حلقوں نے ضلعی انتظامیہ اور ماحولیات کے اداروں کی کارکردگی پر سوالیہ نشان اٹھاتے ہوئے کہا ہے کہ تمام اعلانات اور کارروائیاں محض کاغذی حد تک محدود ہیں۔ عملی اقدامات نہ ہونے کی وجہ سے شہری مسائل کے دلدل میں پھنسے ہوئے ہیں۔ شہریوں نے مطالبہ کیا ہے کہ فوری طور پر غیر قانونی پکوان سینٹرز کے خلاف سخت کارروائی کی جائے اور شاپنگ بیگز کے استعمال پر مؤثر پابندی عائد کی جائے۔عوام نے حکومت کو خبردار کیا ہے کہ اگر صورتحال یوں ہی رہی تو بیماریاں، ماحولیاتی آلودگی اور نکاسی آب کا مسئلہ مزید شدت اختیار کر جائے گا۔ شہریوں نے ضلعی انتظامیہ سے اپیل کی ہے کہ عوامی صحت اور شہر کی صفائی کو ترجیحی بنیادوں پر یقینی بنایا جائے تاکہ لوگ سکون اور صحت مند ماحول میں زندگی گزار سکیں۔
ذریعہ: Jasarat News
کلیدی لفظ: غیر قانونی پکوان پکوان سینٹرز
پڑھیں:
غیر قانونی امیگریشن کے خلاف سخت ایکشن کا حکم
وفاقی وزیر داخلہ محسن نقوی نے کہا ہے کہ غیر قانونی امیگریشن کسی صورت برداشت نہیں کی جائے گی اور بغیر درست سفری دستاویزات کسی بھی مسافر کو بیرون ملک جانے کی اجازت نہیں دی جائے گی۔تفصیلات کے مطابق محسن نقوی اور وزیر برائے اوورسیز پاکستانی چوہدری سالک حسین نے لاہور ایئرپورٹ کا اچانک دورہ کیا، جہاں دونوں وزراء تقریباً دو گھنٹے تک موجود رہے اور امیگریشن عمل کا تفصیلی جائزہ لیا۔ وزیر داخلہ نے امیگریشن کاؤنٹرز پر رش دیکھ کر سخت ناراضگی کا اظہار کیا اور ہدایات دیں کہ مسافروں کے پراسیس کو تیزی سے مکمل کیا جائے۔ وزراء نے بیرونِ ملک جانے والے مسافروں سے گفتگو بھی کی اور امیگریشن کے تجربے سے متعلق سوالات کیے، جبکہ سالک حسین نے سفری دستاویزات پر پروٹیکٹ اسٹیکرز کی جانچ پڑتال بھی کی۔ دورے کے دوران ایک نوجوان کو ڈرائیور کی ملازمت کے لیے بیرون ملک سفر کرنا تھا، تاہم ڈرائیونگ لائسنس نہ ہونے پر اسے روک دیا گیا۔ وزیر سالک حسین نے اس معاملے پر برہمی کا اظہار کرتے ہوئے انکوائری کا حکم دیا اور ہدایت کی کہ پروٹیکٹ کے تحت مسافروں کی ملازمت سے متعلق دستاویزات کی مکمل تصدیق کی جائے۔ رپورٹ کے مطابق ایف آئی اے اہلکار کی مبینہ ملی بھگت سے ایک اور مسافر کو امیگریشن کاؤنٹر پر روکا گیا تھا، تاہم وزراء نے آف لوڈ کیے گئے مسافر کو بھری گئی رقم واپس دلانے کی یقین دہانی کرائی۔ وفاقی وزیر داخلہ نے مستعدی دکھانے والے امیگریشن اہلکاروں کو بلا کر شاباش دی، اپنی جیب سے انعام دیا اور انہیں تعریفی سرٹیفکیٹس دینے کا بھی اعلان کیا۔ اس موقع پر محسن نقوی نے واضح کیا کہ ضروری سفری دستاویزات کے بغیر کسی مسافر کو سفر کی اجازت نہیں ہوگی، جبکہ غیر قانونی امیگریشن میں ملوث کسی بھی مسافر یا سرکاری اہلکار کے خلاف سخت کارروائی کی جائے گی۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد