’بلیک میل کرکے شادی پر مجبور کیا‘، فیروز خان کی انسٹاگرام اسٹوری نے تہلکہ مچا دیا
اشاعت کی تاریخ: 2nd, October 2025 GMT
معروف اداکار فیروز خان ایک مرتبہ پھر سوشل میڈیا پر تنازع کا شکار ہو گئے ہیں، جب گزشتہ شب ان کے انسٹاگرام اکاؤنٹ سے ایک متنازع اسٹوری شیئر کی گئی، جس میں ان کی دوسری اہلیہ ڈاکٹر زینب کو ٹیگ کرتے ہوئے کچھ سنجیدہ نوعیت کے الزامات عائد کیے گئے۔
وائرل ہونے والی اسٹوری میں لکھا گیا کہ مجھے اس رشتے میں زبردستی اور بلیک میلنگ کے ذریعے لایا گیا، میری والدہ اور بہن کے ساتھ ظلم ہوا اس کے بعد یہ رشتہ میرے لیے ختم ہو گیا ہے۔ مجھے کہا جا رہا ہے کہ اپنی والدہ اور بچوں کا ساتھ بھی نہ دوں ورنہ مجھ پر غلط الزامات لگائے جائیں گے۔
یہ بھی پڑھیں: ’زینب میرے دل کی ڈاکٹر تھیں اور اب میرے بلوں کی ڈاکٹر ہیں‘، اداکار فیروز خان کی اہلیہ کے ساتھ ویڈیو وائرل
انہوں نے اپنی اہلیہ کو ٹیگ کرتے ہوئے لکھا کہ ’گھر واپس مت آنا‘، شکریہ۔ ان کا مزید کہنا تھا کہ میں یہ سب اس لیے شیئر کر رہا ہوں کیونکہ سب کو مدد کی ضرورت ہے اور مجھے بھی۔ اور مجھے یقین ہے کہ میرے چاہنے والے مجھ پر اعتماد کریں گے۔
View this post on Instagram
A post shared by DIVA Magazine Pakistan (@divamagazinepakistan)
فیروز خان نے مزید لکھا کہ میں نے بہت سے پراجیکٹس پر کام کیا ہے، کبھی کسی کو ناراض نہیں کیا اور ہمیشہ مہذب رہا ہوں، مجھے یہ خوف نہیں کہ لوگ مجھے نہیں پہچانیں گے۔
اسٹوری میں مزید لکھا گیا کہ میں نفسیاتی ڈاکٹروں سے علاج کروا رہا ہوں اور دوائیاں بھی لے رہا ہوں لیکن جو چیز مجھے اندر سے مار رہی ہے وہ یہ ہے کہ کوئی شخص مجھے اپنے ہی لوگوں کی نظر میں برا دکھا رہا ہے اور کسی بھی طرح نقصان پہنچانے پر تلا ہوا ہے۔
یہ بھی پڑھیں: کیا فیروز خان نے دوسری بیوی کو بھی طلاق دے دی؟
اس اسٹوری نے نہ صرف مداحوں کو حیران کر دیا بلکہ سوشل میڈیا پر قیاس آرائیوں اور تبصروں کا ایک طوفان برپا ہو گیا، جہاں صارفین نے ان کی ازدواجی زندگی سے متعلق مختلف آراء اور خدشات کا اظہار کیا۔
چند گھنٹوں بعد فیروز خان نے دعویٰ کیا کہ ان کا انسٹاگرام اکاؤنٹ ہیک ہو گیا تھا، اور مذکورہ پوسٹ ان کی مرضی یا علم کے بغیر شیئر کی گئی۔
تاہم اس وضاحت کے باوجود سوشل میڈیا پر بحث کا سلسلہ تاحال جاری ہے، اور مداح یہ جاننے کے لیے بےچین ہیں کہ آیا یہ واقعی ہیکنگ کا واقعہ تھا یا کسی ذاتی مسئلے کی جھلک۔
فی الحال فیروز خان یا ڈاکٹر زینب کی جانب سے اس معاملے پر کوئی باقاعدہ بیان سامنے نہیں آیا۔ جون 2024 میں اداکار فیروز خان نے ماہر نفسیات ڈاکٹر زینب سے شادی کی تھی جس کے بعد سے یہ جوڑا اکثر اپنی تصاویر شیئر کرتا ہے۔
یاد رہے کہ فیروز خان کی پہلی شادی 2018 میں علیزا سلطان سے ہوئی تھی، اداکار کے ہاں پہلے بچے کی پیدائش 2019 جبکہ بیٹی کی پیدائش 2022 میں ہوئی تھی۔ بعدازاں 2022 میں ہی فیروز اور علیزا کے درمیان طلاق ہو گئی تھی، علیزا نے الزام عائد کیا تھا کہ فیروز خان انہیں تشدد کا نشانہ بناتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈاکٹر زینب فیروز خان فیروز خان شادی.ذریعہ: WE News
کلیدی لفظ: ڈاکٹر زینب فیروز خان فیروز خان شادی فیروز خان نے ڈاکٹر زینب رہا ہوں
پڑھیں:
بی جے پی بندوق کی نوک پر کشمیریوں کو قومی ترانہ گانے پر مجبور کررہی ہے، محبوبہ مفتی
منگل کی شام ٹی آر سی فٹبال گراؤنڈ میں قومی ترانے کے دوران بیٹھے رہنے پر پولیس نے کئی نوجوانوں کو حراست میں لے لیا۔ اسلام ٹائمز۔ جموں و کشمیر پیپلز ڈیموکریٹک پارٹی (پی ڈی پی) کی صدر محبوبہ مفتی نے بی جے پی پر حملہ کیا ہے۔ انہوں نے کہا کہ بی جے پی کشمیر میں لوگوں کو بندوق کی نوک پر قومی ترانے کے لیے کھڑے ہونے پر مجبور کر رہی ہے۔ انہوں نے الزام لگایا کہ قومی ترانے کے دوران کھڑے نہ ہونا حکومت کی ناکامی ہے۔ بگھاٹ علاقے میں کھیلوں کے میدان کے دورے کے دوران میڈیا سے بات کرتے ہوئے محبوبہ مفتی نے کہا کہ یہ بدقسمتی کی بات ہے کہ بی جے پی نے ایسی صورت حال پیدا کر دی ہے جہاں وہ بندوق کی نوک پر لوگوں کو قومی ترانے کے لئے کھڑے ہونے پر مجبور کر رہی ہے۔ انہوں نے کہا کہ مجھے اپنے طالب علمی کے زمانے یاد ہیں، جب بھی قومی ترانہ بجایا جاتا تھا، ہم احترام کے ساتھ کھڑے ہوتے تھے، تب کوئی جبر نہیں تھا، یہ ان (بی جے پی) کی ناکامی ہے۔
منگل کی شام ٹی آر سی فٹبال گراؤنڈ میں قومی ترانے کے دوران بیٹھے رہنے پر پولیس نے کئی نوجوانوں کو حراست میں لے لیا۔ محبوبہ مفتی اس بارے میں ایک سوال کا جواب دے رہی تھیں۔ محبوبہ مفتی نے بگھاٹ برزلہ میں ایک نجی اسکول مسلم ایجوکیشنل ٹرسٹ (MET) کے کھیل کے میدان کا دورہ کیا۔ انہوں نے کہا "میں پولیس کے ڈائریکٹر جنرل (ڈی جی پی) سے اپیل کرتی ہوں کہ وہ اس معاملے میں مداخلت کریں اور ایم ای ٹی اسکول گراؤنڈ کو چھوڑ دیں تاکہ نوجوان اور مقامی باشندے عوامی جگہ کو کھیلوں اور دیگر سماجی سرگرمیوں جیسے کہ شادیوں کے لئے استعمال کرتے رہیں، اگر اس گراؤنڈ کو بھی چھین لیا جائے تو نوجوان گمراہ ہو کر منشیات کی لت یا دیگر ناپسندیدہ سرگرمیوں کا شکار ہو سکتے ہیں"۔
محبوبہ مفتی نے شہر کے چٹہ بل علاقے میں ایک ڈیری فارم گراؤنڈ کا بھی دورہ کیا، جہاں انہوں نے مکینوں سے بات چیت کی۔ مقامی باشندوں نے مطالبہ کیا کہ ڈیری فارم کا گراؤنڈ ان کے لئے کھلا رکھا جائے کیونکہ یہ ان کا واحد کھیل کا میدان ہے۔ محبوبہ مفتی نے کہا کہ یہ جگہ کئی دہائیوں سے کھیلوں کی سرگرمیوں کے لئے استعمال ہوتی رہی ہے۔ نریندر مودی نے اپنی "من کی بات" تقریر میں پلوامہ میں نائٹ کرکٹ ٹورنامنٹ کی بھی تعریف کی۔ انہوں نے کہا کہ میں آرمی کور کمانڈر سے اپیل کرتی ہوں کہ براہ کرم اس بات کو یقینی بنائیں کہ اس علاقے کے نوجوان اس کھیل کے میدان سے محروم نہ رہیں۔
ترقیاتی کاموں کو جلد از جلد مکمل کیا جائے‘ڈپٹی میئر