نارتھ ناظم آباد میں تعمیراتی لاقانونیت عروج پر
اشاعت کی تاریخ: 2nd, October 2025 GMT
شہریوں کی زندگیوں پر خطرات کے سائے ، حکام کی کارروائی کا انتظار
ڈپٹی ڈائریکٹر کشن چند مافیا گٹھ جوڑ ،رہائشی پلاٹوں پر کمرشل تعمیرات
شہر کے معروف رہائشی علاقے نارتھ ناظم آباد ٹاؤن میں بڑے پیمانے پر خلاف ضابطہ تعمیرات نے عوام کی زندگیوں کو مشکل اور خطرات سے دوچار کر دیا ہے ، جبکہ متعلقہ محکموں کی بے حسی کے باعث یہ سلسلہ بدستور جاری ہے ۔ڈپٹی ڈائریکٹر کشن چند نے بلڈنگ مافیا سے گٹھ جوڑ کے بعد رہائشی پلاٹوں پر کمرشل تعمیرات کی چھوٹ دے رکھی ہے ۔زمین حقائق کے مطابق نارتھ ناظم آباد کے بلاک ایل کے پلاٹ نمبر اے 310 اور بلاک این کے پلاٹ اے 141 پر غیر قانونی سرگرمیاں جاری ہیں ۔مقامی رہائشیوں کا کہنا ہے کہ علاقے میں کئی عمارتیں بلڈنگ کنٹرول اتھارٹی کے قواعد و ضوابط کی خلاف ورزی کرتے ہوئے تعمیر کی جا رہی ہیں۔ ان غیر قانونی تعمیرات میں پارکنگ کے لیے مخصوص جگہوں پر دکانیں بنانا، کھلی جگہوں اور فٹ پاتھوں پر قبضہ، اور منصوبہ بندی سے ہٹ کر منزلیں تعمیر کرنا شامل ہیں۔سروے پر موجود جرأت ٹیم سے بات کرتے ہوئے مقامی رہائشی کا کہنا ہے کہ ’’ہماری گلی میں تو گاڑی کا آنا جانا بھی مشکل ہو گیا ہے ‘‘،ایک رہائشی عمران احمد کا کہنا ہے ’’ہر دوسرا شخص اپنے مکان کو گھر کے ساتھ تجارتی مرکز بنا رہا ہے ، بغیر کسی ٹریفک یا پارکنگ کے انتظام کے ۔ ایمرجنسی کی صورت میں ایمبولنس یا فائر بریگیڈ گلی میں داخل ہی نہیں ہو سکتی‘‘۔فیڈرل بی ایریا کے ایک رہائشی تنویر شاہ نے بتایا، ’’ہمارے سامنے والے پلاٹ پر چار منزلہ عمارت بن رہی ہے ، جبکہ اس کے لیے صرف دو منزلوں کی اجازت ہے ۔ اس کی وجہ سے ہمارے مکانات میں سورج کی روشنی بھی نہیں آتی اور ہوا کا گزر بھی بند ہو گیا ہے‘‘ ۔مقامی رہائشیوں کے مطابق،انہوں نے اس بارے میں متعلقہ ٹاؤن مینجمنٹ اور ایس بی سی اے کے دفاتر میں متعدد بار درخواستیں دی ہیں،مگر کوئی ٹھوس اقدام نظر نہیں آتا۔ بعض تعمیرات میں تو شکایت کے بعد تعمیراتی کام وقتی طور پر رک تو جاتا ہے ، مگر تھوڑے ہی عرصے بعد دوبارہ شروع کروادیا جاتا ہے ۔شہری منصوبہ بندی کے ماہرین کا کہنا ہے کہ نارتھ ناظم آباد جیسے گنجان آباد علاقوں میں خلاف ضابطہ تعمیرات نہ صرف انفرااسٹرکچر کے لیے تباہ کن ہیں، بلکہ یہ زمین کھسکنے اور آگ لگنے جیسے حادثات کا بھی باعث بن سکتی ہیں۔ ان کا مطالبہ ہے کہ بلڈنگ کوڈز کی خلاف ورزی کرنے والوں کے خلاف فوری اور سخت کارروائی کی جائے ۔نارتھ ناظم آباد کے شہری وزیر بلدیات اور ڈائریکٹر جنرل سندھ بلڈنگ کنٹرول اتھارٹی مزمل حسین ہالیپوٹو سے مطالبہ کرتے ہیں کہ وہ علاقے کا دورہ کریں اور خلاف ضابطہ تعمیرات کے خلاف فوری کارروائی کا حکم دیں۔ ان کا کہنا ہے کہ شہر کو بچانے کے لیے قانون کی عملداری کو یقینی بنانا انتہائی ضروری ہو چکا ہے ۔
ذریعہ: Juraat
کلیدی لفظ: نارتھ ناظم آباد کا کہنا ہے کہ کے لیے
پڑھیں:
پاکستان ایک آزاد ملک ہے اسے قرضوں میں نہیں پھنسنا چاہیے، امریکی ناظم الامور
اسلام آباد:پاکستان میں امریکی ناظم الامور نٹیلی اے بیکر نے کہا ہے کہ پاکستان ایک آزاد ملک ہے اور اسے کسی ملک کے قرضوں کے چنگل میں نہیں پھنسنا چاہئے،پاکستان کو اپنے نجکاری پروگرام پر بھرپورعمل کرنا چاہئے۔
آئی ایم ایف کے اصلاحاتی پروگرام پر مکمل عملدرآمد سے ہی پاکستان کی اقتصادی حکمت عملی کامیاب ہوگی، آئی ایم ایف پاکستان میں ایسی معاشی اصلاحات چاہتا ہے جو اسے بہتر اور پائیدار معیشت بنانے کا باعث بنیں، ورلڈ بینک بھی پاکستان کے ساتھ موثر اندازمیں تعاون کر رہا ہے۔
ایوانِ صدر میں اخبارنویسوں سے غیر رسمی گفتگوکرتے ہوئے انہوں نے کہا کہ میں پاکستان کے مختلف شہروں میں جا چکی ہوں، ابھی میں آزادکشمیر نہیں گئی، میں جانا چاہتی ہوں۔
انہوں نے کہا پاکستان کے ساتھ امریکہ کا پہلے ہی اقتصادی میدان میں تعاون بہت اچھا چل رہاہے، پاکستان کی خودمختاری امریکہ کے لیے نہایت اہم ہے اور امریکہ بڑے دل سے پاکستان کی مدد کر رہا ہے۔
پاکستان کے چین کے ساتھ قریبی تعلقات سے متعلق سوال کے جواب میں انہوں نے کہا کہ پاکستان ایک آزاد اور خودمختار ملک ہے، جو دنیا کے کسی بھی ملک کے ساتھ تعلقات رکھ سکتا ہے، لیکن اسے اپنی معاشی خودمختاری اور مفادات کا محتاط انداز میں تحفظ کرنا ہوگا۔
کوئی بھی ایسا منصوبہ جو کسی بھی ملک کے لیے قرض کے جال ( Trap Debt) کا باعث بنے، پوری دنیا کے لیے تشویش کا باعث ہے۔
واشنگٹن کو پاکستان اور چین کے تعلقات کی حساس نوعیت کا مکمل ادراک ہے، ایک سوال پر انہوں نے بتایا کہ صدر ڈونلڈ ٹرمپ کو جیسے ہی اپنی مصروف بین الاقوامی ذمہ داریوں سے وقت ملا وہ پاکستان کا دورہ کریں گے، یہ دورہ جلد متوقع ہے۔
صدرٹرمپ امن کے داعی ہیں اور پاکستان نے ان کے نام کو نوبل انعام کے لیے درست طور پر تجویز کیا ہے۔ وہ اردن کے شاہ عبداللہ دوم کو صدر آصف علی زرداری کی جانب سے ملک کا اعلیٰ ترین سول اعزاز ”نشانِ پاکستان“ دینے کی تقریب میں شرکت کے لیے آئی تھیں۔
اخبارنویسوں سے غیر رسمی گفتگومیں انہوں نے آزادکشمیر میں حکومت کی تبدیلی،آزادکشمیر کے شہریوں کے آزادکشمیر اور پاکستان میں دوہرے ووٹ ڈالنے کے عمل اور طریقہ کارپر کافی سوالات کئے۔
نارووال: پولیس تشدد سے خاتون جاں بحق، 6 اہلکاروں کیخلاف مقدمہ درج