اورنگی ٹاؤن: خاندانی تنازع پر ایک شخص جاں بحق، 6 زخمی
اشاعت کی تاریخ: 3rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) اورنگی ٹاؤن میں ذاتی تنازع خونی رخ اختیار کرگیا، جہاں ایک شخص جاں بحق اور 4 خواتین سمیت 6 افراد شدید زخمی ہوگئے، پولیس نے کارروائی کرتے ہوئے ملزم کو گرفتار کرلیا ہے۔ پولیس حکام کے مطابق اورنگی ٹاؤن کی حدود میں واقع سیکٹر سیون ای بلوچ گوٹھ میں واقع گھر میں انور نامی ملزم نے بغدے اور چھری کے وار کرکے ایک شخص کو قتل اور 4 خواتین سمیت 6 افراد کو شدید زخمی کردیا۔ مقتول کی شناخت 32 سالہ احسن ولد اکمل کے نام سے ہوئی جبکہ زخمیوں کی شناخت سعد ولد صادق، مدثر ولد انور، ملیکہ دختر انور، مصباح دختر انور، مسکان دختر انور اور انیلا زوجہ انور کے ناموں سے کی گئی۔
ذریعہ: Jasarat News
پڑھیں:
ویمنز ورلڈ کپ:بھارتی میڈیا نے ایک اورسیاسی تنازع کھڑا کر دیا
آزاد کشمیر کا ذکر کرنے پر بھارتی میڈیا نے ثنا میر کیخلاف نفرت انگیز مہم شروع کردی
پاکستانی کرکٹر نتالیہ پرویز کا تعلق آزاد کشمیر سے بتانا بھارتی میڈیا سے برداشت نہ ہوسکا
بھارت ایک بار پھر کھیل میں سیاست لانے سے باز نہ آیا۔ویمن کرکٹ ورلڈ کپ میں کمنٹری کے دوران ثنا میر کے آزاد کشمیر کے ذکر پر بھارت نے پراپیگنڈا شروع کر دیا، بھارتی میڈیا نے ثنا میر کو کمنٹری پینل سے ہٹانے کا مطالبہ کر دیا۔کمنٹیٹر ثنا میر نے سوشل میڈیا پیغام میں کہا کہ میرا تبصرہ ایک کھلاڑی کے سفر اور مشکلات کو اجاگر کرنے کیلئے تھا، کھلاڑیوں کے آبائی علاقوں کا ذکر کمنٹری کا حصہ ہوتا ہے، بطور کمنٹیٹر توجہ صرف کھیل، کھلاڑیوں اور ٹیموں پر ہوتی ہے ،برائے مہربانی ہر چیز کو سیاست کا رنگ نہ دیں۔واضح رہے کہ ثنا میر نے کمنٹری کے دوران قومی ویمن ٹیم کی کھلاڑی نتالیہ پرویز کا تعلق آزاد کشمیر سے بتایا تھا۔
نوکری کا جھانسہ دے کر لائی جانے والی دو لڑکیاں بازیاب