پنجاب کی ذمہ دار ہوں اس کے لیے فائٹ بھی کروں گی، مریم نوازشریف
اشاعت کی تاریخ: 3rd, October 2025 GMT
وزیراعلیٰ پنجاب مریم نواز شریف نے کہا ہے کہ میں پنجاب کے معاملات کی ذمہ دار ہوں اور اس کے حق کے لیے ہر سطح پر فائٹ کروں گی۔
وہ گورنر ہاؤس لاہور میں نیشنل سکیورٹی اینڈ وار کورس کے شرکا اور فیکلٹی ممبران سے ملاقات کے موقع پر اظہار خیال کر رہی تھیں۔
وزیراعلیٰ نے وفد کا خیرمقدم کیا اور کہا کہ پنجاب میں میرٹ اور شفافیت کو یقینی بنانے کے لیے سیاسی تعیناتیاں ختم کر دی گئی ہیں، تمام تقرریاں سو فیصد میرٹ پر ہورہی ہیں اور کرپشن کے معاملے میں زیرو ٹالرنس کی پالیسی اپنائی گئی ہے۔
مزید پڑھیں: وزیراعلیٰ مریم نوازشریف کا ’میگنیفیسنٹ پنجاب‘ میگا ٹورسٹ منصوبہ کیا ہے؟
انہوں نے کہا کہ عوام کا پیسہ صرف عوام پر خرچ ہوگا، ای ٹینڈرنگ کے ذریعے تمام کنٹریکٹس خالصتاً شفافیت سے دیے جارہے ہیں۔
مریم نواز نے کہا کہ پاکستان کی عزت دنیا میں معاشی اور دفاعی طاقت سے جڑی ہے، اسی لیے ہم پنجاب کو ترقی اور خود انحصاری کی راہ پر ڈال رہے ہیں۔
انہوں نے آپریشن بنیان مرصوص کی کامیابی پر پاک فوج، نیوی اور ایئر فورس کو مبارکباد دی اور آرمی چیف جنرل عاصم منیر سمیت عسکری قیادت کو خراجِ تحسین پیش کیا۔
انہوں نے کہا کہ پنجاب میں زراعت کو جدید خطوط پر استوار کیا جارہا ہے، 500 دیہات کو ترقی دی جارہی ہے اور صحت کے مراکز کو یورپی معیار کے برابر بنایا گیا ہے۔
مزید پڑھیں: وزیراعلیٰ مریم نوازشریف نے دوسرے صوبوں کے لیے بھی لیپ ٹاپ اسکیم کا اعلان کردیا
ان کا کہنا تھا کہ سیلاب کے دوران پنجاب حکومت نے تاریخ کا سب سے بڑا انخلا آپریشن کامیابی سے مکمل کیا، جبکہ ڈرون ٹیکنالوجی کے ذریعے متاثرین کی جانیں بچائی گئیں۔
شرکا وفد میں پاکستان کی تینوں مسلح افواج کے افسران، سول آفیسرز اور 26 ممالک کے 47 غیر ملکی افسران شامل تھے، جنہوں نے وزیراعلیٰ پنجاب کے فلاحی اور اصلاحاتی منصوبوں کو سراہا۔ بنگلادیش کے مندوب نے مریم نواز شریف کی عوامی خدمات کو خراجِ تحسین پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گورنر ہاؤس لاہور مریم نوازشریف نیشنل سکیورٹی اینڈ وار کورس وزیراعلٰی پنجاب.ذریعہ: WE News
کلیدی لفظ: گورنر ہاؤس لاہور مریم نوازشریف نیشنل سکیورٹی اینڈ وار کورس مریم نوازشریف نے کہا کے لیے کہا کہ
پڑھیں:
اعلانات کرنا آسان اور کام کرنا مشکل ہوتا ہے، وزیراعلیٰ مریم نواز
وزیراعلیٰ پنجاب مریم نواز کا کہنا ہے کہ بہت سے لوگوں نے خالی اعلانات کیے، جھوٹے وعدے کیے، اعلانات کرنا آسان ہوتا ہے، لیکن کام کرنا مشکل ہوتا ہے۔
وزیراعلیٰ پنجاب مریم نواز نے مری میں خطاب میں کہا کہ پنجاب میں بدترین سیلاب آیا، لیکن ہم دفتر میں نہیں بیٹھے۔
انہوں نے کہا کہ جو کہتا ہے کہ وہ چپ کرکے کام کرتے ہیں، وہ کام نہیں کرتے، ہم نے بغیر وعدوں کے کام مکمل کیے۔
مریم نواز کا کہنا تھا کہ خیبر پختونخوا سے مری میں داخل ہوتے ہی واضح فرق نظر آتا ہے، مری کے لیے ٹرین چلائیں گے، سیاحوں کو اپنی گاڑیوں میں نہیں آنا پڑے گا۔
وزیراعلیٰ نے مزید کہا کہ مری میں پانی کا بہت بڑا پروجیکٹ لے کر آرہے ہیں۔
نوکری کا جھانسہ دے کر لائی جانے والی دو لڑکیاں بازیاب