لاہور میں ہونیوالے غزہ مارچ میں آج لاہوری بھرپور شرکت کریں گے، ضیا الدین
اشاعت کی تاریخ: 4th, October 2025 GMT
امیر جماعت اسلامی لاہور ضیاالدین انصاری کا کہنا تھا کہ وزیراعلی پنجاب مریم نواز نے لاہور کی سڑکوں پر ٹرمپ کیساتھ شہباز شریف کی تصاویر والے اشتہار تو لگا دئیے لیکن جماعت اسلامی کے غزہ مارچ کے بینر اتار دئیے۔ اسلام ٹائمز۔ جماعت اسلامی لاہور کے امیر ضیاء الدین انصاری کا کہنا ہے کہ امیر حافظ نعیم الرحمان کی کال پر آج غزہ مارچ ہوگا، جس میں اہل لاہور اپنے اہل خانہ کے ہمراہ بھرپور شرکت کریں گے۔ وحدت روڈ پر امیر جماعتِ اسلامی لاہور ضیاء الدین انصاری نے آج ہونیوالے غزہ مارچ کے حوالے سے پریس کانفرنس کی۔ اس موقع پر اظہر بلال، عبدالعزیز عابد، خالد احمد بٹ، احمد سلمان بلوچ، انجینئر اخلاق احمد، عامر نثار، شاہد نوید ملک، آصف رشید سمیت دیگررہنما بھی موجود تھے۔
ضیاء الدین انصاری کا کہنا تھا کہ غزہ میں جاری اسرائیلی جارحیت کیخلاف آج امیر جماعت اسلامی حافظ نعیم الرحمن کی قیادت میں عزم الشان غزہ مارچ ہوگا، جس میں مرد، خواتین اور بچوں کی بڑی تعداد میں بھرپور شرکت کریں گے۔ ضیاء الدین انصاری کا کہنا تھا کہ وزیراعظم کو بتانا چاہتے ہیں کہ جو صدر ٹرمپ کو نوبل ایوارڈ دینے کے حوالے سے بات کی ہے، اس کی مذمت کرتے ہیں، جبکہ وزیراعلی پنجاب مریم نواز نے لاہور کی سڑکوں پر ٹرمپ کیساتھ شہباز شریف کی تصاویر والے اشتہار تو لگا دیئے لیکن جماعت اسلامی کے غزہ مارچ کے بینر اتار دیئے۔
ذریعہ: Islam Times
کلیدی لفظ: الدین انصاری کا کہنا ضیاء الدین انصاری جماعت اسلامی
پڑھیں:
اجتماع عام ،کمشنرلاہور و دیگر افسران کامینار پاکستان کا دورہ
data-id="863a0a8" data-element_type="widget" data-widget_type="theme-post-content.default">
251116-01-8
لاہور(نمائندہ جسارت) جماعت اسلامی پاکستان کے 21،22،23 نومبر کو کل پاکستان اجتماع عام کے حوالے سے کمشنر لاہور مریم خان نے مینار پاکستان کا دورہ کیا، ڈپٹی کمشنر سید موسیٰ رضا ،ڈی آئی جی آپریشنز فیصل کامران،سی ٹی او اطہر وحید، ایس پی سٹی ڈویژن محمد بلال بھی ان کے ہمراہ تھے۔نائب امیر جماعت اسلامی پاکستان و ناظم اجتماع عام لیاقت بلوچ نے افسران کو اجتماع عام کے انتظامات کے حوالے سے بریفنگ دی۔ امیر جماعت اسلامی وسطی پنجاب محمد جاوید قصوری،ضیا الدین انصاری،انجینئر اخلاق، احمد سلمان بلوچ ودیگر بھی موجود تھے۔لیاقت بلوچ نے کمشنر، ڈپٹی کمشنر، ڈی آئی جی پولیس لاہور کا اجتماع عام کے انتظامات میں تعاون کرنے پر ان کا شکریہ ادا کیا۔ لیاقت بلوچ نے اس موقع پر گفتگو کرتے ہوئے کہا کہ جماعت اسلامی کا اجتماع عام ان شاء اللہ پرامن اور بامقصد ہوگا، اجتماع گاہ میں ہمارے 20ہزار سے زیادہ رضا کار سیکورٹی کے فرائض سر انجام دیں گے۔کمشنر لاہور مریم خان نے اس موقع پر کہا کہ ضلعی و پولیس انتظامیہ اجتماع عام کے شرکا کے ساتھ ہر ممکن تعاون کرے گی۔
دہشتگردی کے واقعات کے پیش نظر افغانستان میں کارروائی کا عندیہ