ہمایوں سعیدنےبھارتی ٹرین میں’’دل دل پاکستان‘‘ بجا دیا
اشاعت کی تاریخ: 4th, October 2025 GMT
پاکستان کے معروف اداکارہمایوں سعید نے ایک دلچسپ واقعہ شیئر کرتے ہوئے بتایا کہ ایک بار بھارت کے سفر کے دوران انہوں نے بھارتی ٹرین میں قومی نغمہ ’’دل دل پاکستان‘‘ چلا دیا، اور دلچسپ بات یہ ہے کہ کسی کو پتہ ہی نہ چلا کہ کیسٹ کس کا تھا۔
نجی ٹی وی کے ایک مزاحیہ پروگرام میں گفتگو کرتے ہوئے ہمایوں سعید نے بتایا کہ جب وہ پہلی بار بھارت گئے تو اپنے ساتھ گانوں کی کیسٹ بھی لے کر گئے۔ دورانِ سفر ٹرین میں ایک مرکزی ساؤنڈ سسٹم نصب تھا، جو پوری بوگی میں گانے چلاتا تھا۔ انہوں نے بتایا کہ ان کا ڈبہ ساؤنڈ سسٹم کے قریب تھا، تو موقع دیکھ کر آپریٹر سے کہا کہ ایک خاص گانا چلا دیں — جو واٹئل سائنس (Vital Signs) کا تھا۔
اداکار کے مطابق، جیسے ہی کیسٹ کی ایک طرف ختم ہوئی تو دوسری سائیڈ پر موجود نغمہ ’’دل دل پاکستان‘‘ بجنے لگا، اور یوں پوری ٹرین میں یہ قومی نغمہ گونجنے لگا۔
ہمایوں سعید نے مسکراتے ہوئے کہا کہ اس وقت حالات زیادہ سخت نہیں تھے اور ان کے پاس دہلی کا ویزا بھی نہیں تھا، اس لیے وہ اور ان کے دوست عام بھارتی شہری بن کر گھومتے رہے۔ لیکن جیسے ہی یہ نغمہ چلا، ایک شخص ان کے پاس آیا اور پوچھنے لگا کہ یہ کیسٹ کس کی ہے؟ ہمایوں نے بتایا کہ انہوں نے خود کو ظاہر نہیں کیا، اور وہ شخص پوری بوگی میں گھوم کر پوچھتا رہا مگر کسی نے کچھ نہ بتایا۔
اداکار کی اس دلچسپ بات پر پروگرام کے میزبان اور حاضرین خوب محظوظ ہوئے، اور سوشل میڈیا پر بھی مداحوں نے اس واقعے کو خوب سراہا۔
ذریعہ
ذریعہ: Daily Mumtaz
کلیدی لفظ: بتایا کہ
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار